1 JO:N 2:5 - ANU LUGOD N. T. (BSI)

⁵ Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

1 JO:N 2:5 ပူးပေါင်းရင်းမြစ်များ

LU:KKC 11:28

Cmpige:la Bv luto, “Ckvdaggom sc:kobulu Ru:ncpvnckc agomcm taddagnc odokkc cdcmbulum lukamdcmpci idagnc bulumvn gernc-pu:ncn.”

JO:N 14:21

“Sc:kokc ngok kvnggv:pc lulvgnam agom kvdv:dc du:nc odokkc cdcmbulum taddagnc, bv:na ngom aipc mc:ncdc; odokkc sc:kobv ngom aipc mc:dagnc ngok Ba:bukokki ayangkosuyc, odokkc ngo bvm aipc mc:yc odokkc ngo avyc bvm lcngkansuyc.”

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

JO:N 15:5

Sc:kobv ngokkolo du:mvnycnc, odokkc ngo bvkkolo du:mvnmvlo, bv:na cdc bojcrungkopc a:yc e:ncdc, kapila:nc ngo:ma:mvlo nolu okkomsin ila:mang.

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

JAKOB 2:22

Nolu ka:tojc mc:jvgdc bvk agerdo du:mvndungai, odokkc mc:jvgdc agerkokki ipvtgvpvtto,

1 JO:N 3:24

Sc:kobulu Bvk lulvgla lunam gagla du:nc appv:dc Bvkkolo du:mvndag, odokkc Bv bulukkolo. Odokkc odokkokki ngolu kindag jc Yalodokki okodcm Bv ngolum bitoji, Bv ngolukkolo du:mvndag.

1 JO:N 4:17

Odo ngolukkolo aipc mc:pcnamdc du:pvtdag, jc ngolu kcba:ba:nam longcdo:pc mc:tinsula du:ycpc, kapila:nc Bv kapc idagji cdcmv:pc ngolu mo:pvso idag.

1 JO:N 4:18

Aipc mc:namlo pcsonammc kamang, cmpige:la pv:namko aipc mc:namc pcsonammcm la:pakdag. Kapcnc pcsodc palvg lvgnamdokki ipcnammc, odokkc sc:kobv pcsodagji aipc mc:namlo du:pvtmang.

1 JO:N 5:2

Odokki ngolu kindag jc ngolu Ru:ncpvnckc ommangcm aipc mc:dag, cdvlo ngolu Ru:ncpvncmc aipc mc:doji odokkc Bvk lulvg lunamkvdv:dcm.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

2 JO:N 1:6

Odokkc sc:na aipc mc:namdc, jc ngolu Bvk lulvg lunamdcm lukamdcmpc gvmvndo; cdcna lulvg lunamdc, kapc nolu lendo dokkcbong tattoji, jc nolu aipc mc:namcm lukamdcmpc gvmvnnangka.

LUNGOR LUNAM 12:17

Odo alapkanc tabvdc nc:ng tani:dcm aglvng sangkang, odokkc mimag mokapc gvlenkang bvkkolokkc lennc ommang du:paknc akekvdv:dokki, cdc sc:kobulu Ru:ncpvnckc lulvg agomkvdv:dcm gagla dungaji odokkc Jisukcpc lukanbinam agomcm lukaji.

LUNGOR LUNAM 14:12

Cdcna aipc kumnc tani:kvdv:dok mentumsula du:dopc gognamko, cdc sc:kobulu Ru:ncpvnckc odokkc Jisukc mc:jvgdcm lulvg lunamdcm tadgabdagji.