1 JO:N 2:28 - ANU LUGOD N. T. (BSI)

²⁸ Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.

1 JO:N 2:28 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 16:28

Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

MARKKC 8:38

Kapila:nc sc:kobvi sc aminc:ng lango:nc odokkc pa:binc ope:kvdv:sok ara:lo ngomlang ngok agom lcgangc anyi:ycnc, bvmsin tani:kc Awodc anyi:ycku, cdvlo Bvk Abukc ka:de:pc angunnc taycng lutad lunckvdv:dokki gvyckuji.”

LU:KKC 17:30

Cdcmv:pc cdvlo tani:kc Awodc lenyckunc cdc iyc.

ROMANKVDVNG 9:33

Bulu lcsutsuko vlv:do lcsutsuto, cdcm adla lcngkamdcmpc, “Ka:tok, ngo Jiondo vlvngko lc:tung cdc tani:kvdv:dcm lcsutsumoyc, rakut vlvngko cdc bulum otapmoyc; odokkc sc:kobv Bvm mc:jvgycnc bvm anyi:sumoma:yc.”

1 KORINTIANG KVDVNG 1:7

ja:te cdcmpinamc nolu yalodok amanno okodo:sinci pv:rammang, nolu ngoluk Ru:tum Jisu Kristokc kapc toya:la du:ji du:tvla;

1 KORINTIANG KVDVNG 15:23

Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc.

IPESIANG KVDVNG 3:12

sckkolo ngolukkc asin pvtala du:namc odokkc asin kvnggv:nammc du:ji Bvkkolo ngolukkc mc:jvgc kcra:pc gva:nanc du:la.

KOLOSIANG 3:4

Cdvlo Kristobv sc:ko ngoluk turnamc lcngkansuycji, odo nolusin amin gvla Bvk lcdulo lcnyckupc.

1 TISSALONIANG 2:19

Kapila:nc ngoluk mc:tinamdc okodcn cdcmanggom mc:ponamdcm cdcmanggom bottapc lubonsunamdok dumlubc ngoluk Ru:tum Jisukc kcra:do Bvk gvdokudo?

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

1 TIMOTI: 6:14

ngo lujcmna nom ludung lulvgnam agomdcm narc:dopc lc:lang odokkc lugcng kama:dopc Ru:tum Jisu Kristobv lenkuma:sisscm;

2 TIMOTI 4:8

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

1 PITOR 1:7

cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

1 JO:N 3:21

Aipc mc:bomsunamkvdvnga, ngoluk asinkvdv:dc ngolum aimang cmna luma:yc, ngolukkc Ru:ncpvnckolo mc:jvg mcnggod dung;

1 JO:N 4:17

Odo ngolukkolo aipc mc:pcnamdc du:pvtdag, jc ngolu kcba:ba:nam longcdo:pc mc:tinsula du:ycpc, kapila:nc Bv kapc idagji cdcmv:pc ngolu mo:pvso idag.

1 JO:N 5:14

Odokkc sc:na mc:tinna mc:namdc okodc Bvkkolo ngolukkc du:nc, jc jodi ngolu atvko tawuyc Bvk mcngkampc Bv ngolum taddag.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.