1 JO:N 2:22 - ANU LUGOD N. T. (BSI)

²² Sc:kobv:n lume:luncdc sc:kobv Jisubv Kristobv:mang cmna lupakma:ncdc:ma:mvlo? Cdcna Kristobirudi:dc, sc:kobv Abudcmnang Awodcm lupakdagji.

1 JO:N 2:22 ပူးပေါင်းရင်းမြစ်များ

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:5

Kapila:nc ngok amin-minsula bojcrungc gvyc, scmpc lula, ‘Ngo:na Kristobv,’ odokkc bulu bojcrungko gvmurla gvyodboyc.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

1 JO:N 1:6

Ngolu jodi lusuyc ngolukkc Bvkkokki ajon jonsunammc dung cdvlo ngolu kcmolo du:tungv:la, ngolu lume:ycm ludo odokkc arodokkcmpc turmang;

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

1 JO:N 2:23

Sc:koi Awodcm lupakdagji Abudc bvkkolo kamang. Sc:kobv Awodcm arro cmna ludonc Abudc:sin dung.

1 JO:N 2:4

Bv sc:kobv ludagnc “Ngo Bvm kindag” cmpige:la Bvk lulvgkvdv:dcm lukamdcmpc tadma:yc lume:luncko, odokkc arro bvkkolo kamang;

1 JO:N 4:20

Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.

1 JO:N 4:3

odokkc appvng yallo okodc Jisumc lude:sumaji Ru:ncpvnckcmang. Cdcna Kristomc Kristobirudi:ncdok yalodo, okodok agomcm nolu tattojc cdc gvdungaboi, odokkc su:pak cdc rcngamso gvgongciamdu:bong.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.