1 JO:N 2:21 - ANU LUGOD N. T. (BSI)

²¹ Ngo nolukkolo:pc addung, nolu arodcm kinmang cmna:mang, cmpige:la lcga:dc nolu cdcm kinga:lok, odokkc kinnangka jc oko lume:namcsin arodokkcmang.

1 JO:N 2:21 ပူးပေါင်းရင်းမြစ်များ

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

2 PITOR 1:12

Cdcmpidag ngo lo:dv:scm mc:dag nolum mc:pa:dopc sc agomkvdv:scm, nolu cdcmbulum kindagcigomsin odokkc cdc nolukkolo du:nc arodo mogablvgto.

1 JO:N 3:19

Sokki ngolu kinyc jc ngolu arodokkc, odokkc ngoluk asinkvdv:dcm lckoda aroru:pc lusula:dag Bvk kcra:lo cdvloi ngoluk asinc ngolum aimang cmna lukedagji,

JU:D 1:5

Su:pak ngo mc:dag nolum mc:pa:mokupc cmna, nolum lcko atcro:lo lubitu:bonggom, jc sc:kobv tani:ko Igip among ara:dokkcm mopvtonnc, lcdupc mokkeamto sc:kobulu mc:jvgtoma:ji.