1 JO:N 2:19 - ANU LUGOD N. T. (BSI)

¹⁹ Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

1 JO:N 2:19 ပူးပေါင်းရင်းမြစ်များ

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

LU:KKC 8:13

Odokkc vlvngtayc:dok dcnga:nckvdv:dc cdcbulu, cdvlo bulu agomdcm taddagnc, mc:po:pc cdcm torvgsudag; cmpige:la odokbulu:kkc appvrc kamang, asudowwongko bulu mc:jvgdag odokkc ankang kangkvdo ayirro bulu mcpakdag.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

AGER KVDVNG 15:24

Nolum agomkokki ngolukkosok tani:ckkcnc mc:dvrmcso:moto cmna ngolu tadla:yam, noluk asinkvdv:dcm mc:sat-sula:ma:la, ngolu bulum oko luyircmsin lukailvgmanggom,

AGER KVDVNG 20:30

odokkc nolukkolok avyvngkolokkc tani:kvdvngc lenna tu:ladnc agomcm luyc, buluk lcdulo:pc mc:jvgnc gvmvnnc tani:kvdv:dcm gvpakdopc cmna.

ROMANKVDVNG 9:6

Cmpige:la cdc cdcmpcmang Ru:ncpvnckc agomdc:jc aitomang cdcmpc. Kapila:nc Israeldokkc lennc appv:dc Israelmang,

1 KORINTIANG KVDVNG 11:19

Kapila:nc noluk ara:do pamvnsunc pakerpayernc kcrcngc du:ru:pc sc:kobulu noluk ara:do mc:jupmcngkapdagji kangkinna:ma:dopc.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

2 TIMOTI 3:9

cmpige:la bulu airu:pc mo:tc:pc gvma:pc, kapcnc buluk aima:nc ager appv:dcm appvng kinabyc, kapc cdc tani:anyidokkc ika:ji.

HIBRIUKVDVNG 10:39

Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

JU:D 1:19

Odobulu sc:kobulu angunammcm angumodagnc, mo:pvsok tani:kvdv:dc, yalodokkc gvpakdag.