1 JO:N 2:15 - ANU LUGOD N. T. (BSI)

¹⁵ Rcngamscm mc:boyok cdcmanggom rcngamsok attarkvdv:dcm. Sc:koiyc jodi rcngamscm aipc mc:yc, Abudcm aipc mc:namdc bvkkolo kamang.

1 JO:N 2:15 ပူးပေါင်းရင်းမြစ်များ

METIU 4:8

Lckoda uidc Bvm aipakpc oudnc adi:kolo:pc gvbokang, odokkc mo:pvsok migom dobonam among appv:dcm odokkc odokbuluk airu:pc kanamsv:namkvdv:dcm lcngkanto;

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

LU:KKC 16:13

Oko ager gerya:ncsin ru:tum anyikolok agercm gerbila:mang; kapila:nc bv akoncm tayu:mpa:yc odokkc akondcm aipc mc:pa:yc, cdcmpcmanggom bv akondcm mc:lvgsuyc odokkc akondcm mcpakyc. Nolu Ru:ncpvncmclang murkongcm lckko:pc mc:la mala:mang.”

JO:N 15:19

Nolu rcngamsokka:mvlo, rcngamsc avkcdcm aipc mc:ya:pc; cmpige:la nolu rcngam sokkcma:la:yam, cmpige:la rcngamsokkcm ngo nolum balenna:yam, cdcmpila:yam rcngamsc nolum tayumdag.

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

GALATIANG KVDVNG 1:10

Ngo su:pak tani:lok mclvgbinamcm madu:nci, cdcmanggom Ru:ncpvnckolokkcm? Cdcmanggom ngo tani:ycm mc:lvgsumopc cmna ikvdu:nci? Ngo tani:ycm su:paksin aipc mc:lvgsumodu:mvlo, ngo Kristokc ager gerya:ncpc ipcma:namc.

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

JAKOB 4:4

Mc:jvg kama:nc ru:namkvdv:nga! Nolu kinma:nci jc rcngamsokki ajon jonnamdc Ru:ncpvnckokki mirupc imvnsunamc cmna? Cdcmpidag sc:kobvi rcngamsokki ajonpc jonpc mc:donc avdc bv Ru:ncpvnckc mirupc mosudo.

1 JO:N 3:17

Cmpige:la jodi sc:kaikc mo:pvsok attarappv:dc dung odokkc bvk bvrodok manamdcm ka:dag, ckvdaggom bvk asindcm bvk birudi:c mentumsudo, kapcnu Ru:ncpvnckc aipc mc:namdc bvkkolo du:ycn?

1 JO:N 4:5

Bulu Rcngamsokkc, cdcmpidag okodcm bulu ludagji cdc rcngamsokkc, odokkc Rcngamsc bulum taddag.

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.