1 JO:N 2:11 - ANU LUGOD N. T. (BSI)

¹¹ Cmpige:la sc:kobv bvk bvrodcm tayumdonc kcmolo dung odokkc kcmolo gvgo:dag, odokkc bv okolopc gvgo:dagji bv kinmang, lcga:dc kcmodc bvk amigcm miglumoto.

1 JO:N 2:11 ပူးပေါင်းရင်းမြစ်များ

JO:N 12:35

Jisubv bulum lubito, “Pva:dc noluk lcdulo asudowongkoda dung. Pva:dc du:dodcm gvgo:toka, ckvma:mvlo kcmodc nolum mokombomycpc; sc:kobv kcmolo gvgodagnc okolopc gvdagji bv kinmang.

JO:N 12:40

“Bv buluk amikkvdv:dcm migluammoto, odokkc asinkvdv:dcmsin tormoto, ckvma:mvlo bulu ka:pa:yc buluk amikkvdv:dokki odokkc buluk asinkvdv:dokki mcngkinyai, odokkc ngokkolo:pc gvlat yangkui bulum ka:pvtdokupc.”

2 KORINTIANGKVDVNG 3:14

Cmpige:la buluk asinkvdv:dcm tormoto; kapila:nc silo longcso:pc, cdvlo bulu aku lujvg-lurodcm pokanc, cdc ungkomsunamv:dcm ungge:ma:pc lc:to, kapila:nc Kristokokkicng cdcm la:pakto.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

2 PITOR 1:9

Kapcnc sckkci sc:bulu pv:ramycnc miglunc odokkc andc:pc asingcnnc odokkc mitpantobong jc bvm po:pckc pa:pkvdv:dokkcm mopu:to.

1 JO:N 1:6

Ngolu jodi lusuyc ngolukkc Bvkkokki ajon jonsunammc dung cdvlo ngolu kcmolo du:tungv:la, ngolu lume:ycm ludo odokkc arodokkcmpc turmang;

1 JO:N 2:10

Sc:kobv bvk bvrodcm aipc mc:dagnc pva:lo du:dag, odokkc odo oko mc:murmc:yarsunamkosin kamang.

1 JO:N 2:9

Sc:kobv bv pva:lo dung cmna ludagnc odokkc bvrodcm tayumdagnc kcmmu:do dung.

1 JO:N 3:15

Sc:kobvi bvk avkc bvrodcm tayumdagnc tani mokenc, odokkc nolu kindag jc tani:mokenc sc:kokcsin lo:dvlongkvpc turnamc bvkkolo kamang.

1 JO:N 4:20

Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.

LUNGOR LUNAM 3:17

Kapcnc no ludag, ngo mircmdag, ngo murkong kakang, odokkc ngom okkomsin lagimang; no:jc cmpcsin aisi:ma:nc cmna kinsuru:ma:pc, mc:dvrpc mc:pcnammc, opanc, miglunc, odokkc akudali:nc.