1 JO:N 2:1 - ANU LUGOD N. T. (BSI)

¹ Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 2:1 ပူးပေါင်းရင်းမြစ်များ

1 TIMOTI: 2:5

Kapcnc Ru:ncpvncbv ako dung, odokkc Ru:ncpvnckclang tani:kvdv:dok pongkokdo du:yancko ako dung,

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

1 JO:N 4:4

Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

1 JO:N 3:18

Ameo:nc ommang kvdvnga, kajc ngolu gompir gomugongcba: agom lunamongki aipc mc:yoka cmpige:la agerkokki odokkc arokokkisin.

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

JO:N 8:11

Bv luto, “Akosin, Ru:tuma.” Odokkc Jisubv luto, “Ngo:sin nom aima:nc cmna luge:mang, odokkc gvkangkuk lckoda pa:bcm iyokubong.”

HIBRIUKVDVNG 9:24

Kapcnc Kristobv alakkoki monam kumko mo:takkolo:pc gvangtomang, arodoggarcmpinc kangkonsunamko, cmpige:la taycng among dungkoru:do:pci gvangkang, su:pak ngoluk Ru:ncpvnc kcra:pc lcngkansubipc.

1 JO:N 3:5

Nolu kindag jc Bv pa:bcm la:pakkapc lenka, odokkc Bvkkolo oko pa:bcsin kamang.

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

IPESIANG KVDVNG 4:26

Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka.

GALATIANG KVDVNG 4:19

Ngok awo kvdvnga, ngo sckkokki lckoda agercm geryckun Kristomc nolukkolo mokuma:sisscm!

JO:N 10:15

Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.

JO:N 5:36

Cmpige:la oko lukan lubinamdc ngokkolo du:nc cdc Jo:nkcdcmyam bottaya:dag; kapila:nc oko agerdcm ngok Abubv ngom gertok cmna togc:lvgtagnc, sc ngok gernam agerkvdvngarsc, ngom lukancm lubidag jc Abubv ngom mclvgtag.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

1 PITOR 2:22

Bv oko pa:bcmsin itomang; Bvkkolo oko yadgo:pagongcsin katomang.

1 KORINTIANG KVDVNG 15:34

Noluk yvgcmnc asindo:pc mc:toka, odokkc lckoda pa:bcm iyobongka. Kapila:nc akelokkc Ru:ncpvnckc kinnam agom kamang. Ngo scm nolum anyi:sudopc ludung.

JO:N 5:14

Lcdudom, Jisubv bvm kumko okumdo rvgsutoku, odokkc bvm luto, “Ka:toka no aikangkunc! Lckoda pa:bcm iyokubong, okkosin cdcmyam aiya:ma:pc nokkc ima:dopc.”

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

1 JO:N 5:21

Ameo:nc ommangkvdvnga, nolu avyc moimang kvdv:dokkc gc:rla du:langka.

JAKOB 3:9

Odokki ngolu Ru:tummc aipai bido odokkc Abudcm, odokkc odokki ngolu tani:kvdv:dcm pelvgdo, sc:kobulum Ru:ncpvnckcmpc motakji.

ROMANKVDVNG 6:15

Cmpcm okkon? Ngolu pa:bcm ipa:donci ngolu lujvg lurodok kcvgpc du:ma:la cmpige:la aya:dok kcvglo du:la? Kapcsin cdcmpc ima:pcka!

JO:N 13:33

Ame:onc ko:kangkvdvnga, ckvdaggom adjio:koda ngo noluk lcdulo dung. Nolu ngom mayc; odokkc Jiwukvdv:dcm ngo lunamdcmpc su:paksin ngo nolum lubidung, ‘Okolopc ngo gvdagji nolu gvmvnna:mang.’

1 TIMOTI: 3:14

Ngo nolukkolo:pc lomdanna gvpc cmna mc:dung, cmpige:la ngo sc luyirra jvgnamscm nolum ludung jc,

JO:N 21:5

Jisubv bulum tawuto, “Ommang kvdv:nga, nolu onggom pa:toyc?” Bulu Bvm lubito, “Pa:mang.”

JO:N 14:16

Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,

AGER KVDVNG 7:52

Lungor lunckvdv:dok sc:kom noluk abukvdv:dc ipusire:ycm itoma:n? Odokkc bulu cdc Dormokancdc gviyc cmna lungor lunckvdv:dcm mokkeyamto, sc:kom nolu su:pak mirupc mcpaktonc odokkc moketonc,

ROMANKVDVNG 5:10

Kapila:nc cdvlo ngolu mirua:ji ngolu Ru:ncpvnckolo lckotokubong Bvk awodok sinamdokki, airu:pc bojcya:pc, ngolu jc lckotokubong, Bvk turnamdokki ngolum moturyc.

1 JO:N 5:17

Appvng imursiyardci pa:bc, cmpige:la okodc sipcma:ncji cdcmpinc pa:bc dung.

3 JO:N 1:4

Ngok ommangc arodcm lukamdcmpc taddag cmnamdcmpcyam, ngokkc bottcya:pc mc:pobatsunammc kamang.