4 Odokkc ngolu sc do:jvgscm addung jc ngoluk mc:podc pv:danycpc.
Sc agomkvdv:scm ngo nolum lubitu:bong, odomvlo ngok mc:podc noluk lcdulo du:mvndopc cmna, odokkc odomvlo noluk mc:podc:jen pv:dandopc cmna.
Su:paklo:pc nolu okkomsin ngok aminno koma:da; kotoka, odokkc nolu pa:ycpc, odomvlo noluk mc:podc pv:ycpc.
Sckkcpc yamncd du:nc cdc magbodc; magbodok yamgurdc, sc:kobv bvk kcra:do dagla lunamdcm taddagnc, magbodok agomdo airu:pc mc:podag; cdcmpidag sc ngok mc:ponamsc su:pak pvngka:bong.
Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.
Odokkc Kristokc aipcmc:namdcm kindopc okodo kinnamcm gvbadya:dagji, nolujen Ru:ncpvnckc appvng binamcm bi:ycpc.
Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;
Ngokkc bojcrungko adpcnam dunggagom, ngo kagojcmmang siyaiycm adnama:ycbong, cmpige:la ngo mc:dung ngo nokkolo:pc gvla ka:la:ycpc odokkc nom ka:rvgmvnsula uposula:ycpc; odomvlo jen nok mc:pobadnamdc pv:danycpc.