1 JO:N 1:3 - ANU LUGOD N. T. (BSI)

³ Jc ngolu okodcm ka:tonc odokkc tattonc ngolu nolum lutadbidu:sin, odomvlo jen ngolukkokki ajon jonsunammcm jonsuycpc; odokkc ngoluk ajon jonsunamdc Abudokki odokkc Bvk Awo Jisu Kristokokki.

1 JO:N 1:3 ပူးပေါင်းရင်းမြစ်များ

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 19:35

Sc:ko cdcm ka:tonc lukanbila luto– bvk lukanbinamdc arro, odokkc bv kindag jc bv arodcm ludag– nolusin jen mc:jvgycpc.

AGER KVDVNG 13:32

Odokkc ngolu nolum tadponc lutaddcm lubidu:bongkc cdc okodcm Ru:ncpvncbv abukvdv:dcm pesula lubikaji,

AGER KVDVNG 13:41

‘Ka:toka, c:i lupaknckvdnga, odokkc mc:lamcngapla: ma:pc mc:tok, odokkc yogpagam ka:langka kapila:nc Ngo noluk longckvdv:do agerko gerdo, nolu cdvlosin mc:jvgma:nam agerko, sc:kaiyc cdcm lutadbidaggomsinci.’ ”

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

AGER KVDVNG 20:27

kapila:nc ngo Ru:ncpvnckc appvng ru:su-pa:sunammcm nolum lubinamdcm ngedkud sutomang. Nolu avkvdv:dc avkvdv:dok lcgangc ansulangka odokkc noluk appvng kcrc:dok lcgangc,

AGER KVDVNG 4:20

kapila:nc ngolu okkom ka:tonc odokkc tattonc ngolu lubima:pc du:la:mang.”

ROMANKVDVNG 15:27

Cdcm ipc bulu mc:lvgsukangai, odokkc aroru:pci bulu bulukkcpc murkong langgcsucsin, kapila:nc Angu tani:kvdv:dc buluk yalodok akirba:d pa:namkvdv:dcm lukansukapc gvdomvlo, bulu bulukkcpc atv attar akirba:d kvdv:dok lcgangcsin ager gerncpc ipc ipcnammc.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

1 KORINTIANG KVDVNG 1:9

Ru:ncpvncbv mc:jvg jvrvgnc, sc:kokokki nolum lckko:pc Bvk Awodokki ajon jondopc gogtoji, Jisu Kristomc ngoluk Ru:tummc aipai bidung.

1 KORINTIANG KVDVNG 15:1

Su:pak ngo nolum mc:pa:moycku, bvrrangkvdvnga, oko gomugki ngo nolum tadponc lutaddcm lubikan, okodcm nolu tadlvgsutoji, okodo nolu dagdu:ji,

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

IPESIANG KVDVNG 3:6

cdcyam, kapc Ru:ncmc kinma:nc tani: kvdv:dc attar pa:tcmvnjoncji, amvr atcro:dok alc alagc, odokkc Kristo Jisukc pesunamdcm pa:tc:mvnnc tadponc agomdokki.

PILIPIANG KVDVNG 1:7

Cdcmpidag cdc ngokkcpc noluk appvngkc lcgangc mc:namdc mcnggoddag, kapila:nc ngok aisnbo nolum mcnggabla du:do, kapcnc nolu appvngc ngok makana:lo du:namlo odokkc lurasuddom odokkc tadponc lutad lunamdcm arro cmna ludodcm ngok lcdulo ayangcm pa:tc:mvnnc.

PILIPIANG KVDVNG 2:1

Cdcmpidag atv asin pvtapc mc:monamko du:mvlo Kristokolo, aipc mc:namlok lubonko lcgangko du:mvlo, Yalodo atv itcngko du:mvlo, atv aisunamkolang aya:pc mc:namko du:mvlo,

PILIPIANG KVDVNG 3:10

Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,

KOLOSIANG 1:13

Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto,

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

1 TIMOTI: 6:2

Cdc sc:kobulukkc mc:jvgnc ru:tumc du:ji bulum mcnggcma:pc ipc lagimang jc bulu bvrrangc; cdcmyam bulu aiya:pcrung agercm gerpcnammc buluk ager gernamkvdv:dcm arc kama:nckvdv:dc mc:jvgnc odokkc aipc mc:ncpc ila:yam. Poyirtoka odokkc lusv:toka sc gerpcnam agerkvdv:dcm.

HIBRIUKVDVNG 2:12

Cdcmpinam lcgangc Bv bulum bvrrang cmna gogpc anyi:mang, scmpc lula “ngo nok amincm lutadgo:biyc ngok bvrrangkvdv:dcm, rcngamara:lo nom aipai biyc.”

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

2 PITOR 1:16

Kapcnc ngolu airu:pc kinna:pa:la mc:lennam kangkvma:nam do:yvngcm tadla gvmangai. Cdvlo ngolu nolum kinmotoji cdc ilanggvla:dcm odokkc Ru:tum Jisu Kristokc gvkunamdcm, cmpige:la ngolu amikki Bvk miga:dcm kanggod ka:nai.

1 JO:N 1:1

Cdc okodc lendoa:dodokkc dunganc, okodcm nolu tattonc, okodcm ngolu ngoluk avkc amikkokki ka:sutonc, ngolu ka:lvgto odokkc ngoluk avkc alakkokki gakkvto,

1 JO:N 1:5

Sc:na lutad lunamdc ngolu Bvkkolokkcm tadtonc odokkc nolum lutadbinamdc, jc Ru:ncpvncbv pvangc odokkc Bvkkolo kcmmo cmpcsin kamang.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.