Santiago 5:4 - Alacatlatzala Mixtec New Testament

⁴ Tuku koni̱ so̱ꞌo ndó. Ndóꞌó o̱n vása ní‑chaꞌvi ndó ni̱vi na kísa chiño xíꞌin ndó no̱o̱ ñoꞌo̱ ndó, ta ni̱vi na kísa chiño yóꞌo ndeé ní káꞌa̱n kuáchí na xa̱ꞌa̱ ndó. Ta Ndios, ta̱a ta̱ kómí ndiꞌi ndee̱, xíni̱ so̱ꞌo ra ña káꞌa̱n na xa̱ꞌa̱ ndó. Si̱ꞌún ña o̱n vása ní‑chaꞌvi ndó nayóꞌo ndákuii̱n ña ndí ndíso ndó kua̱chi no̱o̱ Ndios.

Santiago 5:4 ပူးပေါင်းရင်းမြစ်များ

San Mateo 9:37

Ta saá ni̱ka̱ꞌa̱n ra xíꞌin naxíka xíꞌin ra, káchí ra saá: ―Nda̱tán yóo kui̱ꞌi ña xa yóo tiꞌva nakaya, saá yóo ni̱vi na xa yóo tiꞌva kundiko̱n yi̱ꞌi̱, ta o̱n ko̱ó ni̱vi kasa chiño no̱o̱ i̱ nakaya na nayóꞌo.

San Lucas 18:7

Ta Ndios kúu ta̱va̱ꞌa ta̱nda̱a̱. ¿Án o̱n vása ndixa Ndios kasa nani ra ñanda̱a̱ xíꞌin ni̱vi na na̱ka̱xin ra, na kúu na xáku ndáꞌví no̱o̱ ra ndiví ñoó? ¿Án xáni si̱ni̱ ndó ña naꞌá ní kundati na, ta saá ndakuii̱n Ndios yuꞌu̱ na?

Romanos 9:29

Ta tuku ni̱taa ta̱Isaías to̱ꞌon Ndios ña káchí saá: Ndios kúu ta̱a ta̱káꞌno ndinoꞌo, ta kómí ra ndiꞌi ndee̱. Tá o̱n vása ní‑taxi ra ña kutaku̱ ka̱ sava nasa̱ꞌya ñani síkuá ta̱Israel, níkúu, ta nda̱ ñii mi̱i yó o̱n vása táku̱ ka̱ yó vitin, níkúu, chi kundoꞌo yó nda̱tán ndo̱ꞌo ni̱vi na ni̱xiꞌi̱ ndiꞌi, ki̱vi̱ Ndios sa̱ndiꞌi ra xa̱ꞌa̱ ni̱vi na xi̱kuu nañoo Sodoma xíꞌin nañoo Gomorra xi̱na̱ꞌá. Tá ni̱ndoꞌo yó saá, níkúu, ta o̱n kóo ka̱ nda̱ ñii yó nañoo Israel táku̱ vitin, káchí to̱ꞌon Ndios, ña ni̱taa ta̱Isaías.

Colosenses 4:1

Nañani yó, ndóꞌó na kúu napatrón, xíni̱ ñóꞌó keꞌé ndó ñava̱ꞌa ñanda̱a̱ xíꞌin ni̱vi na kísa chiño no̱o̱ ndó. Nakáꞌán ndó ndí yóo ñii ta̱a ta̱ xáꞌnda chiño no̱o̱ ndó, ta̱ kúu Jesucristo, ta̱a ta̱ táku̱ ñoyívi ni̱no.