Santiago 4:15 - Alacatlatzala Mixtec New Testament

¹⁵ Ta xa̱ꞌa̱ ña o̱n vása xíni̱ yó yukía̱ kundoꞌo yó ki̱vi̱ ña va̱xi, va̱ꞌa ka̱ ka̱ꞌa̱n yó, kachí yó saá: “Tá Ndios kóni ra, ta kutaku̱ yó ta kasa ndivi yó chiño yóꞌo án chiño kaa̱”, saá xíni̱ ñóꞌó ka̱ꞌa̱n yó.

Santiago 4:15 ပူးပေါင်းရင်းမြစ်များ

Hechos 18:21

ta ni̱nda̱yi ra na, káchí ra saá xíꞌin na: ―Xíni̱ ñóꞌó ko̱ꞌo̱n i̱ ñoo Jerusalén ña koo i̱ viko̱ káꞌno ña va̱xi. Ta saá ni, tá kóni Ndios, ta inka̱ ki̱vi̱ ndikó i̱ koto i̱ ndóꞌó ―káchí ra xíꞌin na. Ta saá nda̱a ra tón barco ñoo Éfeso, ta ke̱e ra kua̱ꞌa̱n ra xíꞌin barco nda̱ ñoo Cesarea.

Romanos 1:10

ta xáku ndáꞌví i̱ no̱o̱ Ndios, káchí i̱ xíꞌin ra saá: “Tá kóni mi̱i ún saá, ta taxi ún yichi̱ ndaꞌa̱ i̱ ña ko̱ꞌo̱n i̱ koto i̱ ni̱vi na kándixa Jesucristo, na táku̱ ñoo Roma”, saá káchí i̱ káꞌa̱n i̱ xíꞌin Ndios.

Romanos 15:32

Ta saá, tá kóni Ndios, ta xaa̱ i̱ koto i̱ ndóꞌó, ta xíꞌin ndiꞌi ñasi̱i̱ ní ini i̱ nakutáꞌan i̱ xíꞌin ndó. Ta ki̱vi̱ nakutáꞌan yó saá, nakindée loꞌo i̱ xíꞌin ndó, ta chikaa̱ yó ndee̱ ini táꞌan yó.

1 Corintios 16:7

Ta ki̱vi̱ xaa̱ i̱ koo i̱ xíꞌin ndó, ta o̱n xi̱in i̱ ña ñii kama kee i̱ ko̱ꞌo̱n i̱ inka̱ xiiña. Saá chi kóni i̱ naꞌá koo i̱ xíꞌin ndó, tá taxi Ndios keꞌé i̱ saá.

1 Corintios 4:19

Ta saá ni, tá kóni Ndios, ta ya̱chi̱ ní xaa̱ i̱ koto i̱ ndóꞌó. Tá ki̱vi̱ xaa̱ i̱ no̱o̱ ndó, ta va̱ꞌa saá koto i̱ yu kúu sava ndóꞌó na kúu na kúña̱ꞌa ní ini. Ta ki̱vi̱ saá kunda̱a̱ ini i̱ án ndixa ni̱vi yóꞌo kómí na ndee̱ Ndios, án ndasaá kuiti káꞌa̱n na to̱ꞌon vi̱chí ña káku si̱ni̱ mi̱i na.

Hebreos 6:3

Ta saá tá kóni Ndios, ta kundiko̱n yó sakuáꞌá yó ña to̱nda̱a yó nduu yó ni̱vi na ni̱xi̱no̱ xa̱ꞌno no̱o̱ ra.

Santiago 4:16

Ta ndóꞌó, nda̱tán káꞌa̱n ni̱vi na ña̱ꞌa ní ini, saá káꞌa̱n ndó, chi xáni si̱ni̱ ndó kómí ndó ndee̱ kaꞌnda chiño ndó no̱o̱ ndiꞌi ña keꞌé ndó. Ta ña xáni si̱ni̱ ndó saá, ña o̱n váꞌa kúu ña.