Ta saá ni̱ka̱ꞌa̱n ka̱ ta̱Esteban xíꞌin nachiño Junta Suprema, káchí ra saá xíꞌin na: ―¡Nda̱chun sóꞌó ní ndó!, ta xíká ní yóo ini ndó no̱o̱ Ndios, chi o̱n xi̱in ndó koni̱ so̱ꞌo ndó to̱ꞌon ra. Ta nda̱tán ke̱ꞌé naxi̱i̱ síkuá yó xi̱na̱ꞌá, ñii ki̱ꞌva saá kéꞌé ndó vitin, chi kísa toon ndó no̱o̱ Ndios. Ndiꞌi saá yichi̱ o̱n xi̱in ndó chikaa̱ so̱ꞌo ndó to̱ꞌon ña káꞌa̱n Níma̱ Ndios xíꞌin ndó.
Romanos 2:25 - Alacatlatzala Mixtec New Testament25 Ta ni̱vi na kúu najudío, ña ndáya̱ꞌví ní no̱o̱ na kúu ña ki̱sa ndivi na costumbre ña na̱ní circuncisión, ña kúu ña xáꞌnda na loꞌo ñii̱ si̱ni̱ ñate̱e ta̱loꞌo sa̱ꞌya na. Saá chi ñayóꞌo kúu seña ña kóni kachí ndí najudío kúu ni̱vi na ndíko̱n Ndios, ta táxi na sa̱ꞌya na ndaꞌa̱ ra. Ta saá, tá yaꞌa ndoso na inka̱ nda̱yí Ndios ña ni̱taa ta̱Moisés, ta ña ma̱ni̱ kúu ña ki̱sa ndivi na costumbre circuncisión. အခန်းကိုကြည့်ပါ။ |
Romanos 2:25
16 ပူးပေါင်းရင်းမြစ်များ
Ndiꞌi nata̱a najudío kómí na ñii marca loꞌo, chi ni̱ta̱ꞌnda̱ loꞌo ko̱ñu na xa̱ꞌa̱ ña ki̱sa ndivi na costumbre circuncisión. Ta saá ni, o̱n si̱ví xa̱ꞌa̱ ña kísa ndivi na ndasaá kuiti costumbre yóꞌo kúu xa̱ꞌa̱ ña kúu na ni̱vi najudío ndinoꞌo no̱o̱ Ndios. Saá chi o̱n si̱ví xa̱ꞌa̱ marca ña kómí ko̱ñu na kúu ña sánáꞌa ndí ndixa kúu na ni̱vi na ndíko̱n Ndios, ta va̱ꞌa yóo na xíꞌin ra.
Ta najudío yóꞌo, na kúu na káꞌa̱n xíꞌin ndó ndí xíni̱ ñóꞌó kasa ndivi ndó costumbre circuncisión, ta mi̱i nayóꞌo o̱n vása kísa ndivi na ndiꞌi ña xáꞌnda chiño nda̱yí Ndios ña ni̱taa ta̱Moisés. Ta ndasaá kuiti ña kóni na kúu ña kasa ndivi ndó costumbre circuncisión, xa̱ꞌa̱ ña kuchiño kasa káꞌno xíꞌin mi̱i na no̱o̱ inka̱ ni̱vi ña sanoo na ini ndó ña kundiko̱n ndó yichi̱ mi̱i na.
ကြော်ငြာတွေ