Romanos 2:2 - Alacatlatzala Mixtec New Testament

² Ta xíni̱ yó ndí xíꞌin ñanda̱a̱ Ndios kasa nani ra xa̱ꞌa̱ kua̱chi ndiꞌi ni̱vi na kéꞌé ña o̱n váꞌa.

Romanos 2:2 ပူးပေါင်းရင်းမြစ်များ

Hechos 17:31

Saá chi Ndios xa na̱ka̱xin ra Sa̱ꞌya ra ta̱Jesús ña kasa nani ra xa̱ꞌa̱ kua̱chi ndiꞌi ni̱vi xíꞌin ñanda̱a̱. Ta Ndios xa ki̱sa nda̱a̱ ra no̱o̱ yó ndí ndixa kundivi ñayóꞌo, chi xa sa̱nataku̱ ra ta̱Jesús, ta̱a ta̱ xi̱kuu ta̱ ni̱xiꞌi̱ ―káchí ta̱Pablo, ndáto̱ꞌon ra xíꞌin na.

Romanos 2:1

Ta ndóꞌó, o̱n vása va̱ꞌa káꞌa̱n ndó ndí ndasaá kuiti inka̱ ni̱vi kúu na o̱n váꞌa, ta ndíso na kua̱chi no̱o̱ Ndios. Tá káꞌa̱n ndó to̱ꞌon o̱n váꞌa yóꞌo xa̱ꞌa̱ inka̱ ni̱vi, ta ñii ki̱ꞌva saá sákuiso ndó kua̱chi sa̱ta̱ mi̱i ndó, chi mi̱i ndó ñii ki̱ꞌva saá kéꞌé ndó ña o̱n váꞌa nda̱tán kéꞌé ni̱vi yóꞌo.

Romanos 2:3

Ta sava ndóꞌó kúu ni̱vi na ñii ki̱ꞌva saá kéꞌé ña o̱n váꞌa nda̱tán kéꞌé ni̱vi na káꞌa̱n ndó xa̱ꞌa̱ ndíso ní kua̱chi no̱o̱ Ndios. Ta saá, ¿nda̱chun xáni si̱ni̱ ndó ndí Ndios o̱n vása kasa nani ra xa̱ꞌa̱ kua̱chi mi̱i ndó?

Romanos 2:5

Ta ni̱vi nasóꞌó ní kúu sava ndóꞌó, ta o̱n vása xi̱in ndó nandikó ini ndó ta kasa ndivi ndó ña kóni Ndios. Ña̱kán kía̱ ndiꞌi saá ki̱vi̱ va̱xi kuaꞌno ka̱ kua̱chi ndó no̱o̱ Ndios. Ta saá kixaa̱ ñii ki̱vi̱, ta Ndios sanáꞌa ra ña ndixa sáa̱ ini ra xíni ra ndiꞌi ña o̱n váꞌa kéꞌé ni̱vi, ta xíꞌin ñanda̱a̱ kasa nani ra xa̱ꞌa̱ kua̱chi ndiꞌi ni̱vi.

Romanos 9:14

¿Yukía̱ xáni si̱ni̱ yó xa̱ꞌa̱ ña ke̱ꞌé Ndios saá? ¿Án xáni si̱ni̱ yó ndí Ndios o̱n vása kúu ra ta̱nda̱a̱ xíꞌin ni̱vi? ¡O̱n vása saá!

Apocalipsis 16:5

Ta xi̱ni̱ so̱ꞌo i̱ to̱ꞌon ña ni̱ka̱ꞌa̱n ñaángel ña kúu ña ndíso chiño xíꞌin takuií, ta káchí ña saá xíꞌin Ndios: ―Yóꞌó kúu Ndios Ta̱a ta̱Yi̱i̱, ta yóꞌó kúu ta̱a ta̱ xa táku̱ a̱nda̱ ki̱vi̱ no̱ó, ta táku̱ ún ndiꞌi saá ki̱vi̱. Ta xíꞌin ñanda̱a̱ ki̱sa nani ún xa̱ꞌa̱ kua̱chi ni̱vi, ta ni̱ka̱ꞌa̱n ún ndí xíni̱ ñóꞌó xo̱ꞌvi̱ ni̱vi xa̱ꞌa̱ ña o̱n váꞌa ke̱ꞌé na.

Apocalipsis 19:2

Chi xíꞌin ñanda̱a̱ ndixa Ndios kísa nani ra xa̱ꞌa̱ kua̱chi. Xa ki̱sa nani ra xa̱ꞌa̱ kua̱chi na ñoo káꞌno na kéꞌé kua̱ꞌa̱ ní ña o̱n váꞌa. Chi nañoo yóꞌo chu̱ꞌu na inka̱ ni̱vi ña ke̱ꞌé na kua̱ꞌa̱ ní no̱o̱ ña o̱n váꞌa ñii ki̱ꞌva nda̱tán ke̱ꞌé mi̱i na, ta xíꞌin ña o̱n váꞌa ke̱ꞌé na ñoo káꞌno yóꞌo, ki̱sa kini na ndiꞌi saá xiiña ñoyívi no̱o̱ ñoꞌo̱. Ta nañoo yóꞌo xa̱ꞌni na kua̱ꞌa̱ ní ni̱vi na kándixa Ndios. Ta xa̱ꞌa̱ ña o̱n váꞌa yóꞌo, káꞌa̱n Ndios ndí xíni̱ ñóꞌó xo̱ꞌvi̱ ní na, káchí kua̱ꞌa̱ ní to̱ꞌon ña xi̱ni̱ so̱ꞌo i̱.