Romanos 2:14 - Alacatlatzala Mixtec New Testament

¹⁴ Vará ni̱vi na o̱n vása kúu najudío o̱n vása xíni̱ na nda̱yí Ndios ña ni̱taa ta̱Moisés, ta saá ni, sava ni̱vi yóꞌo kísa ndivi na nda̱yí yóꞌo, chi chíkaa̱ ini mi̱i na keꞌé na ñava̱ꞌa ña kóni Ndios. Ña kéꞌé na saá sánáꞌa ña ndí xíni̱ va̱ꞌa mi̱i na yu kúu ñava̱ꞌa, ta yu kúu ña o̱n váꞌa.

Romanos 2:14 ပူးပေါင်းရင်းမြစ်များ

Hechos 10:35

Ta ni̱vi na ndiꞌi saá ñoo na kúu na kísa to̱ꞌó Ndios ta táku̱ na kísa ndivi na ñanda̱a̱, ta Ndios nákiꞌin va̱ꞌa ra ni̱vi yóꞌo.

Hechos 14:16

Kui̱ya̱ xi̱na̱ꞌá Ndios ta̱xi ra ndí ni̱vi ko̱ꞌo̱n na yichi̱ mi̱i na.

Hechos 17:30

Kui̱ya̱ xi̱na̱ꞌá Ndios ku̱ndeé ini ra no̱o̱ ñanaa ni̱xi̱yo ini ni̱vi, chi o̱n vása kúnda̱a̱ ini na ñanda̱a̱ xa̱ꞌa̱ ra. Ta vitin xáꞌnda chiño ra no̱o̱ ndiꞌi ni̱vi na táku̱ ndiꞌi saá xiiña ñoyívi yóꞌo ña ná nandikó ini na ta sandakoo na yichi̱ o̱n váꞌa ta ki̱ꞌvi na ko̱ꞌo̱n na yichi̱ ña nda̱a̱.

Romanos 1:32

Ni̱vi na kéꞌé ña o̱n váꞌa yóꞌo, xíni̱ va̱ꞌa na ndí yóo nda̱yí Ndios ña káchí saá: “Ndiꞌi ni̱vi na kéꞌé ña o̱n váꞌa xíni̱ ñóꞌó kivi̱ na”, káchí nda̱yí Ndios. Ta saá ni, o̱n vása xi̱in na sandakoo na kéꞌé na ndiꞌi saá no̱o̱ ña o̱n váꞌa, ta nda̱ víka̱ kúsii̱ ní ka̱ ini na xíni na ni̱vi na ñii káchí kéꞌé ña o̱n váꞌa yóꞌo.

Romanos 2:12

Sava ni̱vi na o̱n vása kúu najudío o̱n vása xíni̱ na nda̱yí Ndios ña ni̱taa ta̱Moisés kui̱ya̱ xi̱na̱ꞌá. Ta saá Ndios o̱n koni̱ ñóꞌó ra nda̱yí yóꞌo ki̱vi̱ kasa nani ra xa̱ꞌa̱ kua̱chi ni̱vi yóꞌo. Ta saá ni, ndiꞌi ni̱vi yóꞌo na kéꞌé ña o̱n váꞌa, ta Ndios saxo̱ꞌvi̱ ra na. Ta ni̱vi najudío, xíni̱ na nda̱yí Ndios ña ni̱taa ta̱Moisés, chi xi̱i̱ síkuá na xi̱kuu ni̱vi na na̱kiꞌin nda̱yí yóꞌo. Ta saá ni̱vi na kúu najudío na kúu na kéꞌé ña o̱n váꞌa, ta Ndios koni̱ ñóꞌó ra nda̱yí ra ña ni̱taa ta̱Moisés ña kasa nani ra xa̱ꞌa̱ kua̱chi na.

Romanos 2:15

Vará o̱n vása ní‑kaꞌvi na tutu no̱o̱ yóo nda̱yí Ndios ña ni̱taa ta̱Moisés, Ndios chi̱kaa̱ ra nda̱yí ra ini mi̱i na. Saá chi tá xáni si̱ni̱ nayóꞌo keꞌé na ñii chiño, ta ñandíchí ña yóo ini mi̱i na táxi ña kunda̱a̱ ini na án ñava̱ꞌa kúu ña, án ña o̱n váꞌa kúu ña. Ta saá, tá kixaa̱ ki̱vi̱ ña kuita na no̱o̱ Ndios, ta ñandíchí yóꞌo ña yóo ini mi̱i na, ndakuii̱n ña to̱ꞌon ña nda̱a̱ xa̱ꞌa̱ na, chi ka̱ꞌa̱n ña ndí ke̱ꞌé na ñava̱ꞌa, án ka̱ꞌa̱n ña to̱ꞌon ña chikaa̱ ña kua̱chi sa̱ta̱ na.

Romanos 2:27

Ta saá ni̱vi na kísa ndivi nda̱yí Ndios, vará o̱n vása kísa ndivi na costumbre circuncisión yóꞌo, ni̱vi yóꞌo chikaa̱ na kua̱chi sa̱ta̱ sava ni̱vi na kúu najudío. Saá chi ndasaá kuiti kísa ndivi na costumbre ña na̱ní circuncisión, ta o̱n vása chíkaa̱ so̱ꞌo na kasa ndivi na ndiꞌi nda̱yí Ndios.

1 Corintios 11:14

Ta, ¿án o̱n ndixa yóo ña nákaa̱ ini mi̱i yó ña táxi kani si̱ni̱ yó ndí ña sákukaꞌan no̱o̱ ta̱a kúu ña náni̱ ní yisi̱ si̱ni̱ ra?

1 Corintios 9:21

Ta ni̱vi na o̱n vása kúu najudío o̱n vása táku̱ na ti̱xin nda̱yí Ndios ña ni̱taa ta̱Moisés xi̱na̱ꞌá, ta saá ki̱vi̱ táku̱ i̱ xíꞌin ni̱vi yóꞌo, ta nda̱tán táku̱ ñii ta̱a ta̱ o̱n si̱ví ta̱judío kúu, saá táku̱ i̱ xíꞌin ni̱vi yóꞌo. Saá chi kóni i̱ chindeé i̱ nayóꞌo xa̱ꞌa̱ ña kandixa na Jesucristo. Ta saá ni, ta̱nda̱ vitin o̱n vása sándakoo i̱ ña kísa ndivi i̱ ña xáꞌnda chiño Ndios, chi nda̱yí Jesucristo kúu ña xáꞌnda chiño no̱o̱ i̱.

Efesios 2:12

Ta ndóꞌó na o̱n si̱ví najudío kúu, va̱ꞌa nakáꞌán ndó ndasaá ni̱xi̱yo ndó xi̱na̱ꞌá tá o̱n ta̱ꞌán kandixa ndó Jesucristo. Xíká ní xi̱taku̱ ndó no̱o̱ ra, ta xa̱ꞌa̱ ña o̱n si̱ví nañoo ra naIsrael kúu ndó, o̱n vása ní‑xiyo nda̱yí ndaꞌa̱ ndó ña nakiꞌin ndó ñava̱ꞌa ki̱ndo̱o Ndios taxi ra ndaꞌa̱ naIsrael. Ndáꞌví ní xi̱taku̱ ndó siꞌna, chi o̱n vása ní‑kunda̱a̱ ini ndó yu kúu Ndios ndinoꞌo, ta nda̱ loꞌo o̱n vása ní‑xindati ndó nakiꞌin ndó ñava̱ꞌa ndaꞌa̱ ra. Saá ndáꞌví xi̱taku̱ ndó xi̱na̱ꞌá.

Efesios 2:3

Ta xi̱na̱ꞌá ñii ki̱ꞌva nda̱tán táku̱ ni̱vi na toon ní ini yóꞌo, saá xi̱taku̱ mi̱i yó, chi xi̱ndiko̱n yó yichi̱ no̱o̱ kísa ndivi yó ña o̱n váꞌa ña kútoo ní yi̱kí ko̱ñu yó, ta kísa ndivi yó ña o̱n váꞌa ña káchí ini yó. Ta ñii káchí xíꞌin ni̱vi na toon ini, xa̱ꞌnda chiño ña o̱n váꞌa no̱o̱ yó. Ta xa̱ꞌa̱ ñayóꞌo, Ndios xi̱komí ra nda̱yí saxo̱ꞌvi̱ ní ra mi̱i yó, níkúu, xíꞌin ña sáa̱ ní ini ra ñii káchí xíꞌin ni̱vi na o̱n váꞌa.

Filipenses 4:8

Nañani yó xíꞌin náki̱ꞌva̱ yó, vitin xa va̱xi to̱ꞌon sondíꞌí tutu yóꞌo, ta kóni i̱ ndato̱ꞌon i̱ xíꞌin ndó to̱ꞌon ña káchí saá: Ndasaá kuiti kani si̱ni̱ ndó xa̱ꞌa̱ ndiꞌi to̱ꞌon ña kúu ña ndixa, ta kani si̱ni̱ ndó xa̱ꞌa̱ ndiꞌi ña ndáya̱ꞌví kasa to̱ꞌó ndó, ta kani si̱ni̱ ndó xa̱ꞌa̱ ndiꞌi ña nda̱a̱, ta kani si̱ni̱ ndó xa̱ꞌa̱ ndiꞌi ña ndii ndinoꞌo, ta kani si̱ni̱ ndó xa̱ꞌa̱ ndiꞌi ñava̱ꞌa livi ña sákusii̱ ini ndó, ta kani si̱ni̱ ndó xa̱ꞌa̱ ndiꞌi ñava̱ꞌa kánóo ñato̱ꞌó xa̱ꞌa̱. Ta va̱ꞌa kani si̱ni̱ ndó xa̱ꞌa̱ ni̱vi nanda̱a̱ na kúu na to̱ꞌó ini, ta kani si̱ni̱ ndó xa̱ꞌa̱ ndiꞌi ñava̱ꞌa livi ña xíni̱ ñóꞌó kasa káꞌno ndó.