Romanos 13:11 - Alacatlatzala Mixtec New Testament

¹¹ Kúnda̱a̱ va̱ꞌa ini yó ndí ki̱vi̱ vitin kúu ki̱vi̱ ña xíni̱ ñóꞌó ní, ta xa̱ꞌa̱ ñayóꞌo o̱n váꞌa kutaku̱ ka̱ yó nda̱tán táku̱ ni̱vi na kísi̱n. Ta xíni̱ ñóꞌó kundito va̱ꞌa yó, chi xa yatin ní va̱xi ki̱vi̱ ndikó Jesucristo ñoyívi yóꞌo ña saka̱ku ra mi̱i yó. Ñii ñii ki̱vi̱ ña yáꞌa táku̱ yó, ta táxi ña kuyatin ka̱ ki̱vi̱ ña ndikó Jesucristo. Ta saá ki̱vi̱ ña ndikó ra yóo yatin ka̱ ña xíꞌin ki̱vi̱ vitin no̱o̱ ki̱vi̱ ña ki̱xáꞌá yó kándixa yó ra.

Romanos 13:11 ပူးပေါင်းရင်းမြစ်များ

San Mateo 16:3

Tá xita̱a̱n, tá kukuáꞌá ndiꞌi no̱o̱ sa̱kán va̱xi kana ño̱ꞌo, ta káꞌa̱n ndó, káchí ndó saá: “O̱n vása va̱ꞌa koo ki̱vi̱ vitin.” ¡Ni̱vi na o̱vi̱ yuꞌu̱ kúu ndóꞌó! Xíni̱ va̱ꞌa ndó ña kúu seña ña káchí ndasaá koo ki̱vi̱, ta, ¿nda̱chun o̱n vása kúnda̱a̱ ini ndó yukía̱ kóni kachí ña xíto ndó xíꞌin ña xíni̱ so̱ꞌo ndó kéꞌé i̱ vitin?

San Lucas 21:28

Tá kíxáꞌá xíto ndó seña ña ni̱ka̱ꞌa̱n i̱ xíꞌin ndó, ta va̱ꞌa kusii̱ ní ini ndó, ta koto ndaa ndó ñoyívi ni̱no, chi xa va̱xi kuyatin ki̱vi̱ ndikó i̱ saka̱ku i̱ ndóꞌó ―káchí ta̱Jesús xíꞌin na.

1 Corintios 10:11

No̱o̱ to̱ꞌon Ndios ña ni̱taa na xi̱na̱ꞌá káꞌa̱n ña xa̱ꞌa̱ ña o̱n váꞌa ke̱ꞌé naxi̱i̱ síkuá yó yóꞌo, chi saá ndáto̱ꞌon ña xíꞌin mi̱i yó, ni̱vi na táku̱ vitin, ña o̱n keꞌé yó nda̱tán ke̱ꞌé naxi̱i̱ síkuá yó xi̱na̱ꞌá. Saá chi ki̱vi̱ vitin va̱xi kuyatin ki̱vi̱ sondíꞌí ñoyívi.

1 Corintios 15:34

Ta vitin siꞌna vivíi kani si̱ni̱ ndó, ta nandikó ini ndó, ta o̱n keꞌé ka̱ ndó ña o̱n váꞌa, ta tuku kundiko̱n ndó yichi̱ va̱ꞌa. Yóo sava ndóꞌó na o̱n ta̱ꞌán kunda̱a̱ va̱ꞌa ini xa̱ꞌa̱ Ndios, ta xa̱ꞌa̱ ña loꞌo ní xíni̱ ndó Ndios, va̱ꞌa ná kukaꞌan no̱o̱ ndó.

Efesios 5:14

Ta xa̱ꞌa̱ ñayóꞌo, yóo ñii to̱ꞌon ndíchí ña xa xíni̱ yó ña káchí saá: Nakáxín ini ndóꞌó, ni̱vi na kísi̱n; nakuita ndóꞌó, ni̱vi na yóo nda̱tán yóo ni̱vi na ni̱xiꞌi̱. Koo tiꞌva ndó, ta ñoꞌo̱ ña yéꞌe ña káku ini Jesucristo nayeꞌe ña ini ndó, saá káchí to̱ꞌon ndíchí ña xa xíni̱ yó.

Santiago 5:8

Ta mi̱i ndó, ñii ki̱ꞌva saá xíni̱ ñóꞌó kasa ndee̱ ndó ini ndó, ta o̱n sandakoo ndó kundati ndó, chi ya̱chi̱ ní kixaa̱ ki̱vi̱ ndikó tuku Jesucristo.

1 Pedro 4:7

Xa yatin va̱xi ña kixaa̱ ki̱vi̱ sondíꞌí ñoyívi yóꞌo. Ta saá xíni̱ ñóꞌó vivíi ndinoꞌo kundito ndó ña koo tiꞌva ndó kasa ndivi ndó ña kóni Ndios, ta ndiꞌi saá ki̱vi̱ taxi ndinoꞌo xíꞌin mi̱i ndó ña ka̱ꞌa̱n ndó xíꞌin Ndios.

2 Pedro 3:11

Ta xa̱ꞌa̱ ña ndixa kúnda̱a̱ ini yó ndí ndiꞌi xa̱ꞌa̱ ñoyívi, ta saá xíni̱ ñóꞌó vivíi kutaku̱ yó ta taxi xíꞌin mi̱i yó kasa ndivi yó ña kóni Ndios.

2 Pedro 3:9

Vará sava ni̱vi xáni si̱ni̱ na ndí Ndios kuáchi̱ ní ra ña kasa ndivi ra ña ni̱ka̱ꞌa̱n ra, ta o̱n si̱ví saá yóo ña. Ndixa Ndios ta̱ káꞌno ini kúu ra xíꞌin ndiꞌi ni̱vi, o̱n xi̱in ra ndiꞌi xa̱ꞌa̱ nda̱ ñii ni̱vi; chi ndáti ra ña ndiꞌi ni̱vi nandikó ini na no̱o̱ ña o̱n váꞌa kéꞌé na, ta va̱ꞌa ná ki̱ꞌvi na yichi̱ no̱o̱ xáꞌnda chiño ra.

1 Juan 2:18

Ndóꞌó, ni̱vi na kándixa Jesucristo, nda̱tán yóo sa̱ꞌya i̱, saá yóo ndó, ta ndáto̱ꞌon i̱ xíꞌin ndó ndí xa va̱xi kuyatin ki̱vi̱ sondíꞌí ñoyívi yóꞌo. Xa xi̱ni̱ so̱ꞌo ndó tá va̱xi kuyatin ki̱vi̱ sondíꞌí, ta nakundichi ñii ta̱a ta̱ kúu ta̱ sáa̱ ní ini xíni ra Jesucristo, ta vitin xa yóo kua̱ꞌa̱ ní ni̱vi na kúu na sáa̱ ini xíni na Jesucristo. Ta xíꞌin ñayóꞌo kúnda̱a̱ ini yó ndí xa yatin va̱xi ki̱vi̱ sondíꞌí ñoyívi yóꞌo.

Apocalipsis 1:3

Ta ni̱vi na kaꞌvi to̱ꞌon yóꞌo no̱o̱ inka̱ ni̱vi, ndixa koo ñasi̱i̱ ní ini nayóꞌo. Ta ndiꞌi ni̱vi na chikaa̱ so̱ꞌo ta kandixa na to̱ꞌon yóꞌo, ndixa koo ñasi̱i̱ ní ini nayóꞌo. Saá chi to̱ꞌon yóꞌo káku ña Níma̱ Ndios, ta káꞌa̱n ña xa̱ꞌa̱ ña koo ki̱vi̱ ña va̱xi, chi xa yatin va̱xi ki̱vi̱ ña koo saá.

Apocalipsis 22:10

Ta tuku ni̱ka̱ꞌa̱n ñaángel xíꞌin i̱, káchí ña saá: ―O̱n chikaa̱ seꞌé ún to̱ꞌon Ndios ña yóo no̱o̱ tutu yóꞌo ña káꞌa̱n xa̱ꞌa̱ ña kundivi, chi xa yatin ní va̱xi ki̱vi̱ ña kundivi ndiꞌi ñayóꞌo.

Apocalipsis 22:12

Ta ni̱ka̱ꞌa̱n Jesucristo, káchí ra saá: ―¡Koo tiꞌva ndó! ¡Kama ní xaa̱ i̱! Ta xíꞌin yi̱ꞌi̱ xaa̱ yaꞌvi ña chaꞌvi i̱ ñii ñii ni̱vi, nda̱tán yóo ña va̱ꞌa án ña o̱n váꞌa ke̱ꞌé ni̱vi yóꞌo.

Apocalipsis 22:20

Ta̱a ta̱ kísa nda̱a̱ xa̱ꞌa̱ to̱ꞌon yóꞌo káꞌa̱n ra xíꞌin ndó, káchí ra saá: ―Ndixa kama ní ndikó i̱ ―káchí ra. Ta ndiꞌi ni̱vi na kándixa ña káꞌa̱n ra káchí na saá: ―Saá ná koo ña. ¡Naꞌa, kixi ún, Tata Jesús, Ta̱a ta̱Káꞌno no̱o̱ yó!