Romanos 11:9 - Alacatlatzala Mixtec New Testament

⁹ Ta inka̱ xiiña no̱o̱ to̱ꞌon Ndios ña ni̱taa na xi̱na̱ꞌá, yóo to̱ꞌon ña ni̱ka̱ꞌa̱n ta̱rey David xa̱ꞌa̱ naIsrael na kúu na o̱n xi̱in chikaa̱ so̱ꞌo to̱ꞌon Ndios, ka̱chí ra saá: Viko̱ ña sákana ni̱vi yóꞌo, va̱ꞌa ka̱ ná nduu viko̱ yóꞌo, nda̱tán ñii yavi̱ kónó no̱o̱ nakava ni̱vi yóꞌo. Ta ñii ki̱ꞌva nda̱tán yóo ñono̱ seꞌé ña xa ndáti nakava tíkiti̱ ini ña, ta xo̱ꞌvi̱ ní rí, saá koo viko̱ ña sákana ni̱vi yóꞌo. Chi Ndios ndixa saxo̱ꞌvi̱ ra ni̱vi yóꞌo xa̱ꞌa̱ ña o̱n xi̱in na kundiko̱n na ra.

Romanos 11:9 ပူးပေါင်းရင်းမြစ်များ

San Mateo 16:23

Ta ndi̱kó koo ta̱Jesús ta ni̱ka̱ꞌa̱n ra xíꞌin ta̱Pedro, káchí ra saá: ―¡Kutaꞌa ún no̱o̱ i̱, ñandiva̱ꞌa káꞌno! Ta yóꞌó ta̱Pedro sási ún no̱o̱ i̱ ña o̱n kasa ndivi i̱ ña kóni Yivá i̱ Ndios. O̱n vása xáni ini ún nda̱tán xáni ini Ndios. Ta kuiti xáni ini ún nda̱tán xáni ini ni̱vi ―káchí ta̱Jesús xíꞌin ta̱Pedro.

San Lucas 12:20

Ta ni̱ka̱ꞌa̱n Ndios xíꞌin ra: “¡Yóꞌó kúu ta̱a ta̱ kíꞌví!, saá chi ñoó vitin kivi̱ ún. Ta ndiꞌi ña kómí ún, ñava̱ꞌa inka̱ ni̱vi nduu ña”, ka̱chí Ndios xíꞌin ra. Saá ndi̱ꞌi cuento loꞌo yóꞌo.

Romanos 14:13

Ta saá o̱n váꞌa ka̱ꞌa̱n kuáchí yó xa̱ꞌa̱ natáꞌan yó, na kándixa Jesucristo, ta va̱ꞌa ka̱ xíni̱ ñóꞌó chikaa̱ ini yó ña o̱n nda̱ loꞌo chindúꞌu̱ yó ña kakiꞌi xa̱ꞌa̱ nañani yó án xa̱ꞌa̱ náki̱ꞌva̱ yó, ña ko̱yo nayóꞌo kua̱chi. Ta nda̱ loꞌo o̱n keꞌé yó ña chindaꞌá natáꞌan yó ña sandakoo na yichi̱ Jesucristo.

Hebreos 2:2

Chi ña xi̱na̱ꞌá ní naángel na̱taxi na nda̱yí Ndios ndaꞌa̱ ta̱xi̱i̱ síkuá yó ta̱Moisés. Ta nda̱yí yóꞌo kúu ñanda̱a̱ ndinoꞌo Ndios, ta ni̱vi xíni̱ ñóꞌó chikaa̱ so̱ꞌo na nda̱yí yóꞌo. Ta saá ndiꞌi ni̱vi na ni̱yaꞌa ndoso no̱o̱ nda̱yí yóꞌo, ta Ndios sa̱xo̱ꞌvi̱ ra nayóꞌo, chi saá xi̱ni̱ ñóꞌó kundivi nda̱yí yóꞌo.