Romanos 11:26 - Alacatlatzala Mixtec New Testament

²⁶ ta saá Ndios saka̱ku ra ndiꞌi ni̱vi na kúu najudío. Saá chi xi̱na̱ꞌá ni̱taa na to̱ꞌon Ndios ña káchí saá: Ñii ki̱vi̱ ña va̱xi, kixaa̱ ñii ta̱a ta̱ kixi ñoo Jerusalén ña nákaa̱ no̱o̱ xi̱ki̱ Sion, ta kuu ra ta̱a ta̱ taxi ko̱ꞌo̱n ndíka̱ ni̱vi no̱o̱ ndee̱ ña o̱n váꞌa. Ta ta̱yóꞌo kindaa ra ndiꞌi ni̱vi na kúu sa̱ꞌya ñani síkuá ta̱Jacob ndaꞌa̱ ndee̱ ña o̱n váꞌa, ta kindaa ra ndiꞌi kua̱chi ndíso na.

Romanos 11:26 ပူးပေါင်းရင်းမြစ်များ

San Mateo 1:21

Tá kaku ta̱a sa̱ꞌya ñá, ta chinóo ún ki̱vi̱ ra kunaní ra Jesús. Saá kunaní ra, chi ta̱ saka̱ku nani̱vi xa̱ꞌa̱ kua̱chi na kuu ra ―káchí ñaángel xíꞌin ta̱José.

Hechos 3:26

Ki̱vi̱ Ndios ti̱ꞌví ra Sa̱ꞌya ra ta̱Jesús kixaa̱ ra ñoyívi yóꞌo, ta saá siꞌna ki̱xaa̱ ra no̱o̱ mi̱i yó najudío xa̱ꞌa̱ ña keꞌé ra ñava̱ꞌa xíꞌin yó. Saá chi ki̱xaa̱ ra xa̱ꞌa̱ ña chindeé ra mi̱i yó ña nandikó ini yó ta sandakoo yó ña o̱n váꞌa, ta kundiko̱n yó yichi̱ Ndios ―káchí ta̱Pedro xíꞌin ni̱vi na na̱kutáꞌan yóꞌo.

Tito 2:14

Jesucristo yóꞌo ta̱xi xíꞌin mi̱i ra ña ni̱xiꞌi̱ ra xa̱ꞌa̱ yó, ta ke̱ꞌé ra saá xa̱ꞌa̱ ña saka̱ku ra mi̱i yó no̱o̱ ndiꞌi ndee̱ ña o̱n váꞌa. Ta kísa káꞌno ini ra xa̱ꞌa̱ kua̱chi yó, ña ndundii yó ta nduu yó nañoo ra, ta saá xíꞌin ndiꞌi ñasi̱i̱ ini yó taxi xíꞌin mi̱i yó keꞌé yó ñava̱ꞌa.