Romanos 1:32 - Alacatlatzala Mixtec New Testament

³² Ni̱vi na kéꞌé ña o̱n váꞌa yóꞌo, xíni̱ va̱ꞌa na ndí yóo nda̱yí Ndios ña káchí saá: “Ndiꞌi ni̱vi na kéꞌé ña o̱n váꞌa xíni̱ ñóꞌó kivi̱ na”, káchí nda̱yí Ndios. Ta saá ni, o̱n vása xi̱in na sandakoo na kéꞌé na ndiꞌi saá no̱o̱ ña o̱n váꞌa, ta nda̱ víka̱ kúsii̱ ní ka̱ ini na xíni na ni̱vi na ñii káchí kéꞌé ña o̱n váꞌa yóꞌo.

Romanos 1:32 ပူးပေါင်းရင်းမြစ်များ

San Lucas 11:48

Xíꞌin ñayóꞌo kúnda̱a̱ ini yó ñii kúu ini ndó xíꞌin ini naxi̱i̱ síkuá ndó. Chi naxi̱i̱ síkuá ndó kúu na xa̱ꞌni naprofeta xi̱na̱ꞌá, ta ndóꞌó kúu na kísa va̱ꞌa veꞌe no̱o̱ ni̱ndu̱xu̱n na.

Hechos 22:20

Ta ki̱vi̱ xa̱ꞌni na ta̱Esteban, ta̱a ta̱ nda̱kuii̱n to̱ꞌon va̱ꞌa xa̱ꞌa̱ ún no̱o̱ ni̱vi, ta yi̱ꞌi̱, ni̱xi̱yo yuꞌú i̱ xíꞌin ni̱vi na kéꞌé saá, ta̱nda̱ xi̱ndaa i̱ tiko̱to̱ ni̱vi ña kóon na yu̱u̱ ta̱Esteban ta xa̱ꞌni na ra”, ka̱chí i̱ xíꞌin ta̱Jesús.

Hechos 8:1

Tá ta̱Saulo xi̱ni ra ña xa̱ꞌni na ta̱Esteban, ta yóo yuꞌú ra xíꞌin ni̱vi na xa̱ꞌni ta̱yóꞌo. Ta mi̱i ki̱vi̱ ña xa̱ꞌni na ta̱Esteban, ta ñoo Jerusalén kua̱ꞌa̱ ní ni̱vi ki̱xáꞌá na ndeé ní sáxo̱ꞌvi̱ na ni̱vi na ndíko̱n yichi̱ ta̱Jesús. Ña̱kán kía̱ ni̱xi̱ta̱ níꞌnó na, ta sava na kua̱ꞌa̱n na kutaku̱ na inka̱ ñoo ña ñóꞌo estado Judea, ta sava na kua̱ꞌa̱n na kutaku̱ na inka̱ ñoo ña ñóꞌo estado Samaria. Ta ndákuiti naapóstol kúu na ni̱ndo̱o ñoo Jerusalén.

Romanos 1:18

Ndios ta̱ yóo ñoyívi ni̱no, sánáꞌa ra mi̱i yó ña ndixa sáa̱ ní ini ra xíni ra ndiꞌi ña o̱n váꞌa kéꞌé ni̱vi chi o̱n xi̱in na kandixa ñaꞌá na, ni o̱n xi̱in na koni táꞌan va̱ꞌa na xíꞌin inka̱ ni̱vi. Ta ña o̱n váꞌa kéꞌé ni̱vi yóꞌo o̱n vása táxi ña kunda̱a̱ ini na yu kúu ña ndixa nda̱a̱.

Romanos 1:21

Vará xa xíni̱ ni̱vi ndí yóo Ndios, ta nda̱ loꞌo o̱n vása ní‑xiin na kasa to̱ꞌó na ra, ta ni o̱n vása ní‑xiin na taxi na ña táxaꞌvi ñaꞌá ndaꞌa̱ ra. Ta saá nda̱ víka̱ ndu̱u na ni̱vi na xáni si̱ni̱ ndasaá kuiti xa̱ꞌa̱ ndiꞌi ña o̱n vása ndáya̱ꞌví no̱o̱ Ndios. Ta ndu̱u na ni̱vi na ni̱ti̱ví ini, chi ndasaá kuiti kúsii̱ ní ini na kéꞌé na ndiꞌi no̱o̱ ña o̱n váꞌa.

Romanos 6:21

Ta, ¿yu kúu ñava̱ꞌa na̱kiꞌin ndó xa̱ꞌa̱ ña ki̱sa ndivi ndó ndiꞌi no̱o̱ ña o̱n váꞌa, xíꞌin ndiꞌi no̱o̱ ñakini ña sákukaꞌan no̱o̱ ndó vitin? Ndixa o̱n ko̱ó nda̱ ñii ñava̱ꞌa na̱kiꞌin ndó xa̱ꞌa̱ ña o̱n váꞌa ke̱ꞌé ndó saá, chi yichi̱ ña o̱n váꞌa ni̱xa̱ꞌa̱n ndó kúu ña yichi̱ no̱o̱ kua̱ꞌa̱n ndó ndiꞌi xa̱ꞌa̱ ndó no̱o̱ Ndios.

Romanos 6:23

Ta ni̱vi na kísa ndivi ña xáꞌnda chiño ndee̱ ña o̱n váꞌa no̱o̱ na, ndixa nakiꞌin na yaꞌvi ña chaꞌvi ndee̱ ña o̱n váꞌa yóꞌo no̱o̱ na. Ta yaꞌvi ña cháꞌvi ña kúu ña kivi̱ ndiꞌi na. Ta mi̱i yó, ñii ndu̱u yó xíꞌin Jesucristo chi kándixa yó ra, ta saá Ndios saníꞌi ra ñava̱ꞌa mi̱i yó, ña kúu ña kutaku̱ yó xíꞌin ra ndiꞌi saá ki̱vi̱ ña va̱xi.

2 Tesalonicenses 2:12

Ta saá tá kixaa̱ ki̱vi̱ Ndios kasa nani ra xa̱ꞌa̱ kua̱chi ni̱vi, ta ni̱vi yóꞌo ko̱ꞌo̱n ndiꞌi na no̱o̱ xo̱ꞌvi̱ ní na ndiꞌi saá ki̱vi̱. Saá chi o̱n kuaꞌa na kandixa na ñanda̱a̱, ta kusii̱ ní ka̱ ini na kutaku̱ na kéꞌé na ña o̱n váꞌa.