San Marcos 8:21 - Alacatlatzala Mixtec New Testament

²¹ Ta ni̱ka̱ꞌa̱n ra xíꞌin na: ―Ta saá ni, ¿án nda̱ vitin o̱n ki̱ví kunda̱a̱ ini ndó?

San Marcos 8:21 ပူးပေါင်းရင်းမြစ်များ

San Marcos 6:52

chi nasóꞌó ní kúu na, ta o̱n vása kúnda̱a̱ ini na yu kúu ta̱Jesús, ta ni o̱n vása kúnda̱a̱ ini na mí va̱xi ndee̱ ra ña kéꞌé ra ña kúchiño ra taxi ra xíxi kua̱ꞌa̱ ní ni̱vi.

San Marcos 8:12

Ta ta̱Jesús ñii kónó va̱ꞌa ta̱va ra ta̱chi̱ ra, ta ni̱ka̱ꞌa̱n ra xíꞌin na: ―¿Nda̱chun ndúkú ndóꞌó ña keꞌé i̱ ñii milagro koto ndó?, chi xa ni̱keꞌé i̱ kua̱ꞌa̱ ní milagro. Ndixa káꞌa̱n i̱ xíꞌin ndó, o̱n keꞌé ka̱ i̱ inka̱ milagro no̱o̱ ndó.

San Marcos 8:17

Ta ku̱nda̱a̱ ini ta̱Jesús yukía̱ ni̱ka̱ꞌa̱n xíꞌin táꞌan na, ta káchí ra saá xíꞌin na: ―¿Nda̱chun káꞌa̱n xíꞌin táꞌan ndó: “O̱n ko̱ó si̱ta̱ va̱ꞌa níꞌi yó”, káchí ndó? ¿Án o̱n vása xíni̱ ndó, ta kúnda̱a̱ ini ndó? ¿Nda̱chun toon ní ini ndó ta o̱n xi̱in ndó kandixa ndó?

San Marcos 8:22

Ta ki̱xaa̱ na ñoo Betsaida, ta ñii ta̱a ta̱kuáá nduchu̱ no̱o̱ kua̱ꞌa̱n ra xíꞌin ni̱vi, ta ki̱xaa̱ na no̱o̱ ta̱Jesús, ta xa̱ku ndáꞌví na no̱o̱ ra ña to̱nda̱a ndaꞌa̱ ra ta̱kuáá ña nakoto nduchu̱ no̱o̱ ra.

San Marcos 9:19

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―¡Ni̱vi na o̱n xi̱in kandixa Ndios kúu ndóꞌó! ¿Ndasaá ka̱ ki̱vi̱ xíni̱ ñóꞌó kutaku̱ i̱ xíꞌin ndó? ¿Nda̱ ama kundeé ini i̱ xíꞌin ndó? Ta vitin, va̱ꞌa taxi ndó ná kixi ta̱loꞌo yóꞌo no̱o̱ i̱ ―káchí ta̱Jesús.

San Juan 14:9

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Xa kua̱ꞌa̱ ní ki̱vi̱ yóo i̱ xíꞌin ndó, ta, ¿án o̱n ta̱ꞌán koni̱ ún yi̱ꞌi̱, tata? Ndiꞌi ni̱vi na xíni yi̱ꞌi̱, nayóꞌo ñii káchí xíni na Yivá i̱. Ta saá, ¿nda̱chun káꞌa̱n ún xíꞌin i̱ xíni̱ ñóꞌó sanáꞌa i̱ ndóꞌó ndasaá kuchiño koni ndó Yivá i̱?

1 Corintios 15:34

Ta vitin siꞌna vivíi kani si̱ni̱ ndó, ta nandikó ini ndó, ta o̱n keꞌé ka̱ ndó ña o̱n váꞌa, ta tuku kundiko̱n ndó yichi̱ va̱ꞌa. Yóo sava ndóꞌó na o̱n ta̱ꞌán kunda̱a̱ va̱ꞌa ini xa̱ꞌa̱ Ndios, ta xa̱ꞌa̱ ña loꞌo ní xíni̱ ndó Ndios, va̱ꞌa ná kukaꞌan no̱o̱ ndó.

1 Corintios 6:5

Káꞌa̱n i̱ saá xíꞌin ndó xa̱ꞌa̱ ña sakukaꞌan i̱ no̱o̱ ndó. ¿Án o̱n ko̱ó nda̱ ñii ndóꞌó na kándixa Jesucristo, na kómí ñandíchí si̱ni̱ ña ta̱xi Ndios ndaꞌa̱ ndó, ña kúchiño ndó kasa nani ndó xa̱ꞌa̱ kua̱chi ña yóo xíꞌin ndó?