San Marcos 7:28 - Alacatlatzala Mixtec New Testament

²⁸ Ta nda̱kuii̱n ñá: ―Ndixa, Tata. Ta saá ni, tí ina ñóꞌo ti̱xin mesa xíxi rí ña cha̱chi ña sáko̱yo naválí no̱o̱ ñoꞌo̱ ―káchí ñá.

San Marcos 7:28 ပူးပေါင်းရင်းမြစ်များ

San Mateo 15:27

Ta ni̱ka̱ꞌa̱n ñá xíꞌin ra, káchí ñá saá: ―Ndixa, Tata. Ta saá ni, tí ina xíxi rí ña cha̱chi kóyo yuꞌu̱ mesa xitoꞌo rí ―káchí ñá.

San Mateo 5:45

Tá kéꞌé ndó ñava̱ꞌa xíꞌin ni̱vi na sáa̱ ini xíni ndóꞌó, ta saá ni̱vi kunda̱a̱ ini na ndixa kúu ndó sa̱ꞌya Yivá yó Ndios, ta̱ yóo ñoyívi ni̱no. Chi Ndios kéꞌé ra ñava̱ꞌa xíꞌin ndiꞌi ni̱vi; chíndúꞌu̱ ra ña yeꞌe ño̱ꞌo no̱o̱ ni̱vi na o̱n váꞌa xíꞌin no̱o̱ ni̱vi na va̱ꞌa, ta sákoon ra sa̱vi̱ no̱o̱ ni̱vi na va̱ꞌa xíꞌin no̱o̱ ni̱vi na o̱n váꞌa.

San Marcos 7:27

Ta ni̱ka̱ꞌa̱n ra xíꞌin ñá: ―Siꞌna xíni̱ ñóꞌó taxi ndi̱ ña kuxu sa̱ꞌya ndi̱ nda̱ xáa ini na, saá chi o̱n vása va̱ꞌa tava ni̱vi si̱ta̱ va̱ꞌa ña xíxi sa̱ꞌya na, ta sakana na ña no̱o̱ tí ina kuxu rí ña ―káchí ra.

San Marcos 7:29

Ta ta̱Jesús ni̱ka̱ꞌa̱n ra: ―Xa̱ꞌa̱ to̱ꞌon ñava̱ꞌa nda̱kuii̱n ún, vitin noꞌo̱ ún veꞌe ún, xa ke̱e níma̱ ndiva̱ꞌa ña sa̱xo̱ꞌvi̱ sa̱ꞌya ún.

Romanos 10:12

Saá chi ñii káchí va̱ꞌa nákiꞌin Ndios ni̱vi na kúu najudío xíꞌin ni̱vi na o̱n vása kúu najudío, chi ñii la̱á kúu Ndios ndinoꞌo, ta kúu ra Ta̱a ta̱Káꞌno no̱o̱ ndiꞌi ni̱vi, ta kéꞌé ra ñava̱ꞌa xíꞌin ndiꞌi ni̱vi na ndúkú ñava̱ꞌa no̱o̱ ra.

Romanos 3:29

¿Án xáni si̱ni̱ ndó Ndios ndasaá kuiti kúu ra ta̱a ta̱káꞌno no̱o̱ ni̱vi na kúu najudío? ¿Án o̱n vása kúnda̱a̱ ini ndó ndí ñii ki̱ꞌva kúu ra ta̱a ta̱káꞌno no̱o̱ ni̱vi na o̱n vása kúu najudío? Ndixa Ndios kúu ta̱káꞌno no̱o̱ ndiꞌi ni̱vi ñoyívi.

Efesios 3:8

Vará yi̱ꞌi̱ kúu i̱ ñii ta̱a ta̱ ndáya̱ꞌví loꞌo ní ka̱ no̱o̱ ndiꞌi ni̱vi na kándixa Jesucristo, ta saá ni, Ndios ke̱ꞌé ra ñava̱ꞌa ní xíꞌin i̱, chi ta̱xi ra ndaꞌa̱ i̱ ñato̱ꞌó káꞌno, ña kúu ña sa̱kuiso chiño ra yi̱ꞌi̱ ña ka̱ꞌa̱n ndoso i̱ to̱ꞌon va̱ꞌa xa̱ꞌa̱ Jesucristo no̱o̱ ni̱vi na o̱n si̱ví najudío kúu. Ta ndáto̱ꞌon i̱ xíꞌin na ndí ni̱vi na kándixa Jesucristo nakiꞌin na kua̱ꞌa̱ ní ñava̱ꞌa ndaꞌa̱ ra, ta̱nda̱ ni o̱n kuchiño na kaꞌvi na ndasaá kua̱ꞌa̱ ní kúu ña.