San Marcos 6:39 - Alacatlatzala Mixtec New Testament

³⁹ Ta ta̱Jesús xa̱ꞌnda chiño ra no̱o̱ naxíka xíꞌin ra ña nataꞌví na ñii tiꞌvi ñii tiꞌvi ni̱vi kundo̱o na no̱o̱ yita síi.

San Marcos 6:39 ပူးပေါင်းရင်းမြစ်များ

San Mateo 15:35

Ta saá ni̱ka̱ꞌa̱n ra xíꞌin ni̱vi kundo̱o ndiꞌi na no̱o̱ ñoꞌo̱.

San Marcos 6:38

Ta ni̱nda̱ka̱ to̱ꞌon ta̱Jesús na: ―¿Ndasaá si̱ta̱ va̱ꞌa kómí ndó? Kua̱ꞌa̱n ndó koto ndó ―káchí ra. Ta xi̱ni na ndasaá kúu ña yóo, ta ni̱ka̱ꞌa̱n na xíꞌin ra: ―O̱ꞌo̱n si̱ta̱ va̱ꞌa ta o̱vi̱ tia̱ká yóo.

San Marcos 6:40

Ña̱kán xi̱kundo̱o na kua̱ꞌa̱ tiꞌvi ña ciento ni̱vi ta kua̱ꞌa̱ tiꞌvi ña o̱vi̱ si̱ko̱ u̱xu̱ ni̱vi.

San Lucas 9:14

Chi yóo kua̱ꞌa̱ ní ni̱vi, nda̱ o̱ꞌo̱n mil ta̱a ndóo. Ta ni̱ka̱ꞌa̱n ta̱Jesús xíꞌin naxíka xíꞌin ra: ―Nataꞌví ndó ni̱vi ñii tiꞌvi ñii tiꞌvi kundo̱o na, ta o̱vi̱ si̱ko̱ u̱xu̱ ni̱vi kúu ñii ñii tiꞌvi ―káchí ra.

San Juan 6:10

Ta ni̱ka̱ꞌa̱n ta̱Jesús xíꞌin nata̱a naxíka xíꞌin ra, káchí ra saá: ―Ka̱ꞌa̱n ndó xíꞌin ni̱vi ná kundo̱o na ―káchí ra. Saá chi yóo kua̱ꞌa̱ ní yita síi no̱o̱ va̱ꞌa kundo̱o ni̱vi yóꞌo. Ta saá ndiꞌi ni̱vi xi̱kundo̱o na, ta yatin o̱ꞌo̱n mil kúu nina ta̱a, xíꞌin kua̱ꞌa̱ ní ka̱ ñaꞌa̱ xíꞌin naválí.

1 Corintios 14:33

Saá chi ki̱vi̱ ña nákutáꞌan yó ña kísa káꞌno yó Ndios, o̱n vása kúsii̱ ini Ndios ña ñii síso̱ káꞌa̱n ndiꞌi yó, ta nda̱ ñii ni̱vi o̱n vása kúnda̱a̱ ini na ña xíni̱ so̱ꞌo na. Ta nda̱ víka̱, Ndios kúsii̱ ini ra ndí nákutáꞌan yó xíꞌin ñato̱ꞌó ní ini yó ta vivíi kísa káꞌno yó ra. Ta xa̱ꞌa̱ ñayóꞌo, ndiꞌi mi̱i yó ni̱vi na kándixa Jesucristo, tá ki̱vi̱ nákutáꞌan yó ñii ñii ñoo xa̱ꞌa̱ ña kísa káꞌno yó Ndios,

1 Corintios 14:40

Ta saá, tá ki̱vi̱ ña nákutáꞌan ndó xa̱ꞌa̱ ña kísa káꞌno ndó Ndios, ta ña xíni̱ ñóꞌó ní kúu ña vivíi ta xíꞌin ñato̱ꞌó ní kasa káꞌno ndó ra.