San Marcos 6:37 - Alacatlatzala Mixtec New Testament

³⁷ Ta nda̱kuii̱n ta̱Jesús, ni̱ka̱ꞌa̱n ra xíꞌin naxíka xíꞌin ra: ―Mi̱i ndó taxi kuxu na ―káchí ra. Ta ni̱ka̱ꞌa̱n na xíꞌin ra: ―¿Án ko̱ꞌo̱n ndi̱ xíꞌin o̱vi̱ ciento si̱ꞌún denario, ta sata ndi̱ si̱ta̱ va̱ꞌa ña kuxu na?

San Marcos 6:37 ပူးပေါင်းရင်းမြစ်များ

San Mateo 14:16

Ta nda̱kuii̱n ta̱Jesús, ni̱ka̱ꞌa̱n ra xíꞌin naxíka xíꞌin ra: ―O̱n vása xíni̱ ñóꞌó ko̱ꞌo̱n na. Mi̱i ndó taxi kuxu na ―káchí ra.

San Mateo 18:28

Ta saá ta̱ kísa chiño yóꞌo ke̱e ra kua̱ꞌa̱n ra, ta yichi̱ na̱kutáꞌan ra xíꞌin inka̱ ta̱táꞌan mi̱i ra ta̱ níká no̱o̱ ra ñii ciento si̱ꞌún válí na̱ní denario. Ta ti̱in ra si̱ko̱n ta̱ níká loꞌo yóꞌo no̱o̱ ra ta ki̱xáꞌá ra sákuáꞌna ñaꞌá ra, káchí ra saá xíꞌin ra: “¡Chaꞌvi yi̱ꞌi̱ vitin ña níká ún no̱o̱ i̱!”

San Marcos 6:36

Va̱ꞌa tiꞌví ún ndiꞌi ni̱vi yóꞌo ná ko̱ꞌo̱n na rancho án ñoo válí ña yóo yatin ña ndukú na sata na ña kuxu na.

San Marcos 6:38

Ta ni̱nda̱ka̱ to̱ꞌon ta̱Jesús na: ―¿Ndasaá si̱ta̱ va̱ꞌa kómí ndó? Kua̱ꞌa̱n ndó koto ndó ―káchí ra. Ta xi̱ni na ndasaá kúu ña yóo, ta ni̱ka̱ꞌa̱n na xíꞌin ra: ―O̱ꞌo̱n si̱ta̱ va̱ꞌa ta o̱vi̱ tia̱ká yóo.

San Lucas 7:41

Ta ta̱Jesús nda̱to̱ꞌon ra ñii cuento xíꞌin ra, ni̱ka̱ꞌa̱n ra káchí ra saá: ―Saá ndo̱ꞌo o̱vi̱ ta̱a ta̱ níká si̱ꞌún no̱o̱ ñii ta̱ sa̱tati si̱ꞌún. Ñii ta̱a níká ra o̱ꞌo̱n ciento si̱ꞌún denario, ta inka̱ ra níká o̱vi̱ si̱ko̱ u̱xu̱ si̱ꞌún denario.

San Lucas 9:13

Ta nda̱kuii̱n ta̱Jesús, ni̱ka̱ꞌa̱n ra xíꞌin naxíka xíꞌin ra: ―Mi̱i ndó taxi kuxu na ―káchí ra. Ta ni̱ka̱ꞌa̱n na saá: ―O̱n ko̱ó kua̱ꞌa̱ ñaxíxi. Yóo kuiti o̱ꞌo̱n si̱ta̱ va̱ꞌa ta o̱vi̱ kúu tia̱ká. ¿Án kóni ún ko̱ꞌo̱n ndi̱ ñoo sata ndi̱ ña kuxu ndiꞌi ni̱vi yóꞌo? ―káchí na xíꞌin ra.