San Marcos 5:24 - Alacatlatzala Mixtec New Testament

²⁴ Ta ke̱e ta̱Jesús kua̱ꞌa̱n ra xíꞌin ta̱Jairo veꞌe ra. Ta kua̱ꞌa̱ ní ni̱vi ndíko̱n na sa̱ta̱ ra nda̱ ñii chíndaꞌá na ra.

San Marcos 5:24 ပူးပေါင်းရင်းမြစ်များ

San Marcos 3:20

ta kua̱ꞌa̱ ní ni̱vi tuku na̱kutáꞌan na veꞌe yóꞌo, ta chútú ní ni̱vi a̱nda̱ ni ni̱‑kivi kuxu ra xíꞌin naxíka xíꞌin ra.

San Marcos 5:23

ta ndeé ní xa̱ku ndáꞌví ra no̱o̱ ra, káchí ra saá: ―Tata, ndeé ní ndóꞌo ñáloꞌo sa̱ꞌya i̱, xa ñá yóo kivi̱ kúu ñá. Ná ko̱ꞌo̱n ún xíꞌin i̱ veꞌe i̱, ta ná chinóo ún ndaꞌa̱ ún si̱ni̱ ñá, ta ndaꞌa ñá ta kutaku̱ ka̱ ñá ―káchí ta̱Jairo xíꞌin ta̱Jesús.

San Marcos 5:25

Ta yóo ñii ñaꞌa̱ kua̱ꞌa̱n ñá xíꞌin ni̱vi na kua̱ꞌa̱n sa̱ta̱ ta̱Jesús, ta xa u̱xu̱ o̱vi̱ kui̱ya̱ ndeé ní ndóꞌo ñá kue̱ꞌe̱ xíta̱ ni̱i̱.

San Marcos 5:31

Ta naxíka xíꞌin ra nda̱kuii̱n na: ―Xíto ún ndí kua̱ꞌa̱ ní ni̱vi ta ñii chíndaꞌá táꞌan na ta chíndaꞌá na yóꞌó, ta, ¿nda̱chun ndáka̱ to̱ꞌon ún: “Yukú ndó ni̱to̱nda̱a ndaꞌa̱ tiko̱to̱ i̱”?

San Lucas 11:29

Tá kua̱ꞌa̱ ní ni̱vi na̱kutáꞌan na ta ki̱xaa̱ yatin na, ta ta̱Jesús ki̱xáꞌá ra káꞌa̱n ra xíꞌin na, káchí ra saá: ―Ni̱vi na táku̱ ñoyívi yóꞌo vitin kúu na na ndiva̱ꞌa ní ini. Saá chi ndúkú na ñii milagro no̱o̱ i̱ ña kandixa na ndí ta̱a ta̱ ki̱xi no̱o̱ Ndios kúu i̱. Ta o̱n keꞌé i̱ inka̱ milagro ña koto na, chi va̱ꞌa ka̱ xíni̱ ñóꞌó kunda̱a̱ ini na ña ni̱ndoꞌo ta̱profeta Jonás kui̱ya̱ xi̱na̱ꞌá.

San Lucas 12:1

Kua̱ꞌa̱ ní mil ni̱vi na̱kutáꞌan na no̱o̱ ta̱Jesús, ñii chútú nda̱a̱ na ta̱nda̱ xíndo̱so̱ na xa̱ꞌa̱ táꞌan na. Ta ta̱Jesús ki̱xáꞌá ra káꞌa̱n ra xíꞌin naxíka xíꞌin ra, káchí ra saá: ―Koto va̱ꞌa ndó o̱n ko̱ꞌo̱n ndó yichi̱ nafariseo, chi na o̱vi̱ yuꞌu̱ kúu na. Nda̱tán yóo levadura ña kísa chiño seꞌé xíꞌin yuxa̱n, saá yóo yichi̱ nafariseo.

San Lucas 19:3

Ta kóni ra koto ra yu kúu ta̱Jesús, ta o̱n vása kúchiño ra, chi chútú ní ni̱vi. Saá chi ta̱Zaqueo kúu ra ta̱a ta̱ kuítí ní.

San Lucas 7:6

Ta saá ke̱e ta̱Jesús kua̱ꞌa̱n ra xíꞌin na. Ta xa yatin xaa̱ na veꞌe no̱o̱ kándúꞌu̱ ta̱ ndeé ndóꞌo, ta ta̱ ndíso chiño xíꞌin natropa ti̱ꞌví ra sava natáꞌan ra kua̱ꞌa̱n na ka̱ꞌa̱n na xíꞌin ta̱Jesús siꞌa: ―Tata, siꞌa káchí ta̱táꞌan ndi̱, ta̱ ndíso chiño no̱o̱ natropa ñoo Roma: O̱n váꞌa sandiꞌi ka̱ ini ún ña kixi ún veꞌe ra. Saá chi xáni si̱ni̱ ra yóꞌó kúu ta̱ káꞌno ní no̱o̱ ra, ta ta̱ ni̱no̱ ní kúu ra no̱o̱ ún. Ña̱kán o̱n váꞌa ki̱ꞌvi ún ini veꞌe ra,

San Lucas 8:42

Saá chi ñii la̱á kuiti ñáloꞌo kúu sa̱ꞌya ta̱Jairo, ta kómí ñá u̱xu̱ o̱vi̱ kui̱ya̱, ta ndeé ní ndóꞌo ñá, xa ña yóo kivi̱ kúu ñá. Ta ke̱e ta̱Jesús kua̱ꞌa̱n ra xíꞌin ta̱Jairo veꞌe ra. Ta kua̱ꞌa̱ ní ni̱vi ndíko̱n na sa̱ta̱ ra nda̱ ñii chíndaꞌá na ra.

San Lucas 8:45

Ta ni̱ka̱ꞌa̱n ta̱Jesús: ―¿Yukú ndó ni̱to̱nda̱a ndaꞌa̱ yi̱ꞌi̱? ―káchí ra. Ta ndiꞌi ni̱vi káꞌa̱n na: ―O̱n si̱ví yi̱ꞌi̱ ni̱to̱nda̱a ndaꞌa̱ yóꞌó ―káchí na. Ta ta̱Pedro xíꞌin inka̱ naxíka xíꞌin ta̱Jesús ni̱ka̱ꞌa̱n na xíꞌin ra: ―Tata Maestro, yóo kua̱ꞌa̱ ní ni̱vi ta ñii chíndaꞌá táꞌan na, ta chíndaꞌá na yóꞌó, ta ndáka̱ to̱ꞌon ún: ¿Yukú ndó ni̱to̱nda̱a ndaꞌa̱ tiko̱to̱ i̱?, káchí ún ―káchí na xíꞌin ra.

Hechos 10:38

Ta ni̱yaꞌa loꞌo, ta Ndios sa̱kutú ra Níma̱ ra ini ta̱Jesús, ta̱a ta̱ kúu ta̱ñoo Nazaret, ta xíꞌin ñayóꞌo, Ndios ta̱xi ra ndee̱ ra ndaꞌa̱ ta̱Jesús ta sa̱kuiso chiño ñaꞌá ra ña kasa ndivi ra chiño ra. Ta saá ta̱Jesús ni̱xika ra kua̱ꞌa̱ ní ñoo no̱o̱ kéꞌé ra kua̱ꞌa̱ ní chiño va̱ꞌa, ta sa̱ndaꞌa ra ni̱vi na ni̱xo̱ꞌvi̱ ní xa̱ꞌa̱ ña o̱n váꞌa ke̱ꞌé ñaníma̱ ndiva̱ꞌa xíꞌin na. Ta̱Jesús ke̱ꞌé ra ndiꞌi ñava̱ꞌa yóꞌo saá, chi Ndios yóo ra xíꞌin ra.