San Marcos 14:69 - Alacatlatzala Mixtec New Testament

⁶⁹ Ta ñáñaꞌa̱ kísa chiño yóꞌo xi̱ni tuku ñá ra, ta ni̱ka̱ꞌa̱n ñá xíꞌin nani̱vi, káchí ña saá: ―Ta̱yóꞌo kúu ñii ta̱táꞌan ta̱Jesús ―káchí ñá.

San Marcos 14:69 ပူးပေါင်းရင်းမြစ်များ

San Marcos 14:38

Ta ni̱ka̱ꞌa̱n ra xíꞌin u̱ni̱ naxíka xíꞌin ra: ―O̱n ku̱su̱n ka̱ ndó ta kundito ndó ka̱ꞌa̱n ndó xíꞌin Ndios ña o̱n nakava ndó kua̱chi. Ndóꞌó, yóo ini ndó keꞌé ndó ñava̱ꞌa, ta o̱n kúchiño ndó keꞌé ndó ñava̱ꞌa yóꞌo xíꞌin ndee̱ mi̱i ndó ―káchí ta̱Jesús xíꞌin na.

San Marcos 14:68

Ta ta̱Pedro ni̱ka̱ꞌa̱n ra, káchí ra saá: ―O̱n vása xíni̱ i̱ ta̱kaa̱, ni o̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta saá ke̱e ra yéꞌé ke̱ꞌe veꞌe yóꞌo. Ta ka̱na ñii nduxú chée.

San Marcos 14:70

Ta ta̱Pedro tuku ni̱ka̱ꞌa̱n ra: ―O̱n vása xíni̱ i̱ ta̱kaa̱ ―káchí ra. Ta ni̱yaꞌa ñii káni̱ loꞌo, ta nani̱vi yíta yatin no̱o̱ ta̱Pedro, ta ni̱ka̱ꞌa̱n tuku na xíꞌin ra saá: ―Ndixa yóꞌó kúu ún ñii ta̱táꞌan ta̱Jesús, chi ki̱xi ún estado Galilea, saá chi nda̱tán káꞌa̱n nakán saá káꞌa̱n ún ―káchí na.

San Lucas 22:58

Ta ni̱yaꞌa ñii káni̱ loꞌo, ta saá ñii ta̱a xi̱ni ra ta̱Pedro, ta ni̱ka̱ꞌa̱n ra xíꞌin ra: ―Saá tuku yóꞌó kúu ún ñii ta̱táꞌan ta̱Jesús ―káchí ra. Ta nda̱kuii̱n ta̱Pedro, ni̱ka̱ꞌa̱n ra: ―Tata, o̱n si̱ví yi̱ꞌi̱ kúu ta̱ ni̱xika xíꞌin ra ―káchí ra.

San Juan 18:17

Ta ñáñaꞌa̱ ñá ndáa yéꞌé yóꞌo ni̱nda̱ka̱ to̱ꞌon ñá ta̱Pedro, káchí ñá saá xíꞌin ra: ―¿Án o̱n si̱ví yóꞌó kúu ún ñii ta̱xíka xíꞌin ta̱a ta̱ ñíndichi kaa̱? ―káchí ñá. Ta nda̱kuii̱n ta̱Pedro: ―¡O̱n vása! O̱n si̱ví yi̱ꞌi̱ kúu ra ―káchí ra.

San Juan 18:25

Ta yóo ta̱Simón Pedro no̱o̱ ke̱ꞌe veꞌe ta̱Anás, ñíndichi ra násaa̱ ra yatin no̱o̱ xíxi̱ ñoꞌo̱. Ta ñii ta̱a ni̱nda̱ka̱ to̱ꞌon ra ta̱Pedro, káchí ra saá: ―¿Án o̱n si̱ví yóꞌó kúu ñii ta̱xíka xíꞌin ta̱yóꞌo? ―káchí ra xíꞌin ta̱Pedro. Ta nda̱kuii̱n ta̱Pedro: ―¡O̱n vása! O̱n si̱ví yi̱ꞌi̱ kúu ra ―káchí ra.

Gálatas 6:1

Nañani yó xíꞌin náki̱ꞌva̱ yó, tá yóo ñii ni̱vi na kándixa Jesucristo ta na̱kava na ke̱ꞌé na ña o̱n váꞌa, ta ndóꞌó, ni̱vi na va̱ꞌa táku̱ nda̱tán kóni Níma̱ Ndios, xíni̱ ñóꞌó chindeé ndó ta̱ñani yó án ñáki̱ꞌva̱ yó yóꞌo xa̱ꞌa̱ ña tuku va̱ꞌa nakiꞌin na kundiko̱n na yichi̱ ña nda̱a̱. Ta ki̱vi̱ ka̱ꞌa̱n ndó xíꞌin na, ta xíꞌin to̱ꞌon ña to̱ꞌó ta xíꞌin ña ni̱no̱ ini ndó ka̱ꞌa̱n ndó xíꞌin na. Ta ndixa koto va̱ꞌa xíꞌin mi̱i ndó ko̱to̱ ñii ki̱vi̱ ñii ki̱ꞌva saá ña o̱n váꞌa koto ndoso ña ndóꞌó ta nakava ndó keꞌé ndó ña o̱n váꞌa.