San Marcos 14:45 - Alacatlatzala Mixtec New Testament

⁴⁵ Ta saá ki̱xaa̱ ra, ta ni̱to̱nda̱a yatin ra no̱o̱ ta̱Jesús, ta ni̱ka̱ꞌa̱n ra: ―Kuaꞌa, Tata Maestro. Ta ni̱chi̱to ra no̱o̱ ta̱Jesús.

San Marcos 14:45 ပူးပေါင်းရင်းမြစ်များ

San Marcos 12:14

Ta ki̱xaa̱ na no̱o̱ ta̱Jesús, ta ni̱ka̱ꞌa̱n na siꞌa xíꞌin ra: ―Tata maestro, xíni̱ ndi̱ yóꞌó kúu ún ta̱a ta̱ káꞌa̱n ñanda̱a̱, ta o̱n vása ndíꞌi ini ún ña káꞌa̱n ni̱vi xa̱ꞌa̱ ña sánáꞌa ún, ta o̱n vása náka̱xin ún ni̱vi, ta ñii ki̱ꞌva káꞌa̱n ún xíꞌin ndiꞌi na. Sánáꞌa ún ñanda̱a̱ xa̱ꞌa̱ yichi̱ Ndios. Ta vitin kóni ndi̱ nda̱ka̱ to̱ꞌon ndi̱ yóꞌó, ¿án va̱ꞌa chaꞌvi yó kota no̱o̱ ta̱rey César ñoo Roma? ¿Án o̱n váꞌa chaꞌvi yó ña? ―káchí na xíꞌin ra.

San Marcos 14:44

Ta ta̱Judas xa siꞌna ni̱ka̱ꞌa̱n ra xíꞌin na ndasaá nakoni na ta̱Jesús, káchí ra siꞌa: ―Ta̱a ta̱ chindeé i̱ xíꞌin ña chi̱to i̱ no̱o̱ kúu ta̱Jesús. Ta tiin ndó ra katón ndó ra ta ko̱ꞌo̱n ra xíꞌin ndó no̱o̱ nanáꞌno ―káchí ra xíꞌin na.

San Marcos 14:46

Ta saá ni̱vi na yóo xíꞌin ta̱Judas xa̱ndi̱ko̱n ti̱in na ta̱Jesús.

San Lucas 6:46

Ta saá ni̱ka̱ꞌa̱n ka̱ ra xíꞌin na: ―Ta ndóꞌó, ¿nda̱chun káꞌa̱n ndó yi̱ꞌi̱ kúu ta̱Káꞌno no̱o̱ ndó, ta o̱n xi̱in ndó kasa ndivi ndó ña káꞌa̱n i̱ xíꞌin ndó?

San Juan 20:16

Ta saá ni̱ka̱ꞌa̱n ta̱Jesús ki̱vi̱ ñá: ―¡María! ―káchí ra xíꞌin ñá. Ta tuku na̱koto ñá no̱o̱ ra, ta na̱koni ñá ndí ta̱Jesús kúu ra, ta ni̱ka̱ꞌa̱n ñá xíꞌin ra: ―¡Tata Raboni! ―káchí ñá xíꞌin ra. (To̱ꞌon “Raboni” kúu to̱ꞌon hebreo ña kóni kachí Maestro.)

San Juan 4:31

Ta o̱n ta̱ꞌán ka̱ kixaa̱ ñáñaꞌa̱ yóꞌo xíꞌin ni̱vi no̱o̱ yóo ta̱Jesús, ta naxíka xíꞌin ta̱Jesús xa̱ku ndáꞌví na no̱o̱ ra, káchí na xíꞌin ra saá: ―Tata Rabí, naꞌa kuxu ún ―káchí na.