San Marcos 12:10 - Alacatlatzala Mixtec New Testament

¹⁰ ’¿Án o̱n vása ní‑kaꞌvi ndó to̱ꞌon Ndios, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe.

San Marcos 12:10 ပူးပေါင်းရင်းမြစ်များ

San Mateo 12:3

Ta nda̱kuii̱n ta̱Jesús, káchí ra saá xíꞌin na: ―¿Án o̱n vása ní‑kaꞌvi ndó to̱ꞌon Ndios no̱o̱ káꞌa̱n ña xa̱ꞌa̱ xi̱i̱ síkuá yó ta̱rey David xíꞌin natáꞌan ra, ki̱vi̱ ni̱xiꞌi̱ ní na so̱ko?

San Mateo 19:4

Ta nda̱kuii̱n ta̱Jesús, káchí ra saá: ―¿Án o̱n vása ní‑kaꞌvi ndó to̱ꞌon Ndios ña káꞌa̱n xa̱ꞌa̱ ki̱vi̱ ki̱sa va̱ꞌa Ndios ñoyívi yóꞌo? Chi Ndios ki̱sa va̱ꞌa ra ñii ta̱a xíꞌin ñii ñaꞌa̱.

San Mateo 21:16

Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ ni̱nda̱ka̱ to̱ꞌon na ta̱Jesús: ―¿Án xíni̱ so̱ꞌo ún yukía̱ káꞌa̱n naválí yóꞌo? Ta nda̱kuii̱n ta̱Jesús, káchí ra saá: ―Oon, xíni̱ so̱ꞌo i̱ ña káꞌa̱n na. Ta ndóꞌó, ¿án o̱n vása ní‑kaꞌvi ndó to̱ꞌon Ndios, no̱o̱ káchí ña saá?: Ndios chi̱tóni̱ ra ka̱ꞌa̱n naválí ñato̱ꞌó xa̱ꞌa̱ ra. Nda̱ yuꞌu̱ naválí xíꞌin yuꞌu̱ naválí páꞌá na chíchín nakiꞌin ra ñato̱ꞌó, káchí to̱ꞌon Ndios ―káchí ta̱Jesús xíꞌin na.

San Mateo 21:42

Ta ni̱ka̱ꞌa̱n ta̱Jesús xíꞌin na: ―¿Án o̱n vása ní‑kaꞌvi ndó to̱ꞌon Ndios, ña káchí saá?: Yóo yu̱u̱ ña ni̱‑xiin ni̱vi na kísa va̱ꞌa veꞌe koni̱ ñóꞌó na, ta mi̱i yu̱u̱ yóꞌo ndu̱u ña yu̱u̱ ñano̱ó nákaa̱ xa̱ꞌa̱ veꞌe. Ndios kúu ta̱ ki̱sa ndivi saá, ña̱ꞌa livi ní kúu ña ke̱ꞌé Ndios, ta mi̱i yó nákaꞌnda ini yó xíni yó ñayóꞌo, káchí ni̱vi, káchí to̱ꞌon Ndios.

San Mateo 22:31

Xa̱ꞌa̱ ña nataku̱ na ni̱xiꞌi̱, ¿án o̱n vása ní‑kaꞌvi ndó yukía̱ ni̱ka̱ꞌa̱n Ndios xíꞌin ta̱Moisés xi̱na̱ꞌá? Ka̱chí ra saá:

San Marcos 12:26

Xa̱ꞌa̱ ña nataku̱ na ni̱xiꞌi̱, ¿án o̱n vása ní‑kaꞌvi ndó yukía̱ ni̱ka̱ꞌa̱n Ndios xíꞌin ta̱Moisés xi̱na̱ꞌá, ki̱vi̱ xi̱ni ra yito̱n ñiño̱ xíxi̱ nó? Ka̱chí ra saá: “Yi̱ꞌi̱ kúu Ndios, ta ta̱Abraham, ta̱Isaac, xíꞌin ta̱Jacob kísa to̱ꞌó ra yi̱ꞌi̱ vitin”, ka̱chí Ndios.

San Marcos 12:9

Ta ta̱Jesús ni̱ka̱ꞌa̱n ra xíꞌin ni̱vi na xi̱ni̱ so̱ꞌo cuento yóꞌo: ―¿Vitin yukía̱ keꞌé ta̱a ta̱ xíꞌin yito̱n tón uva? Káꞌa̱n i̱ xíꞌin ndó, ndikó ra naxaa̱ ra, ta sandiꞌi ra xa̱ꞌa̱ ni̱vi na táti ñoꞌo̱ ra. Ta tuku satati ra ñoꞌo̱ ra inka̱ ni̱vi.

San Marcos 13:14

Ta ndóꞌó na káꞌvi to̱ꞌon yóꞌo, xíni̱ ñóꞌó kunda̱a̱ ini ndó to̱ꞌon yóꞌo ña ni̱ka̱ꞌa̱n ta̱Jesús xíꞌin naxíka xíꞌin ra, káchí ra saá: ―Kui̱ya̱ xi̱na̱ꞌá ta̱profeta Daniel ni̱ka̱ꞌa̱n ra xa̱ꞌa̱ ña o̱n váꞌa ñakini ña sandiꞌi xa̱ꞌa̱ ñayi̱i̱. Ta kixaa̱ ki̱vi̱ koto ndó yóo ña o̱n váꞌa ñakini yóꞌo veꞌe ño̱ꞌo káꞌno, ta ndiꞌi na ndóo estado Judea yóꞌo, xíni̱ ñóꞌó kee na ta kono na ko̱ꞌo̱n na no̱o̱ yóo yuku̱ síkón.

San Marcos 2:25

Ta nda̱kuii̱n ta̱Jesús, káchí ra saá xíꞌin na: ―¿Án o̱n vása ní‑kaꞌvi ndó to̱ꞌon Ndios no̱o̱ káꞌa̱n ña xa̱ꞌa̱ xi̱i̱ síkuá yó ta̱rey David xíꞌin natáꞌan ra, ki̱vi̱ ni̱xiꞌi̱ ní na so̱ko?

San Lucas 6:3

Ta nda̱kuii̱n ta̱Jesús, ni̱ka̱ꞌa̱n ra saá xíꞌin na: ―¿Án o̱n vása ní‑kaꞌvi ndó to̱ꞌon Ndios no̱o̱ káꞌa̱n ña xa̱ꞌa̱ xi̱i̱ síkuá yó ta̱rey David xíꞌin natáꞌan ra ki̱vi̱ ni̱xiꞌi̱ na so̱ko?

Romanos 9:33

To̱ꞌon Ndios ña ni̱taa ta̱Isaías xi̱na̱ꞌá, nda̱to̱ꞌon ña xa̱ꞌa̱ ñayóꞌo. Ka̱chí Ndios saá: Koto ndó ví, xi̱ki̱ Sion no̱o̱ nákaa̱ ñoo Jerusalén tiꞌví i̱ ñii ta̱a xaa̱ ra. Ta nda̱tán yóo yu̱u̱ ña káko̱ꞌon xa̱ꞌa̱ ni̱vi, saá koo ra, ta xa̱ꞌa̱ yu̱u̱ yóꞌo ko̱yo ni̱vi, ta yo̱ꞌvi̱ ní ñani na. Ta ndiꞌi ni̱vi na kandixa ta̱a ta̱ tiꞌví i̱ xaa̱ ñoyívi, o̱n vása kúkaꞌan no̱o̱ ni̱vi yóꞌo, saá ka̱chí Ndios, ni̱taa ta̱profeta xi̱na̱ꞌá.