Judas 1:5 - Alacatlatzala Mixtec New Testament

⁵ Xa xíni̱ va̱ꞌa ndó yukía̱ ni̱ndoꞌo nañoo Israel xi̱na̱ꞌá. Ta kóni i̱ vitin sanakáꞌán i̱ ndóꞌó ndí vará Ndios sa̱ka̱ku ra naIsrael yóꞌo no̱o̱ nañoo Egipto, ta sa̱ndiꞌi ra xa̱ꞌa̱ ndiꞌi naIsrael na xi̱kuu na ni̱‑xiin kandixa to̱ꞌon ña ni̱ka̱ꞌa̱n ra xíꞌin na.

Judas 1:5 ပူးပေါင်းရင်းမြစ်များ

Romanos 15:15

No̱o̱ tutu yóꞌo, ña tíꞌví i̱ xaa̱ ndaꞌa̱ ndó, xa ni̱taa i̱ to̱ꞌon ña ndáto̱ꞌon káxín i̱ xíꞌin ndó xa̱ꞌa̱ ñanda̱a̱, chi kóni i̱ ña nakáꞌán ndó to̱ꞌon ña nda̱a̱ yóꞌo, ta nda̱ loꞌo o̱n vása nandoso ndó ña. Kómí i̱ nda̱yí ña ka̱ꞌa̱n i̱ xíꞌin ndó saá, chi Ndios ke̱ꞌé ra ñava̱ꞌa xíꞌin i̱ ña sa̱kuiso chiño ra yi̱ꞌi̱

Hebreos 3:16

¿Yu kúu ni̱vi na xi̱ni̱ so̱ꞌo ña ni̱ka̱ꞌa̱n Ndios xíꞌin na, ta saá ni, ki̱sa toon ini na no̱o̱ ra ta ni̱‑xiin na chikaa̱ so̱ꞌo na to̱ꞌon ra? Xa xíni̱ yó ndí nayóꞌo xi̱kuu ndiꞌi mi̱i naxi̱i̱ síkuá yó na ke̱e ñoo Egipto xíꞌin ta̱Moisés.

2 Pedro 3:1

Nañani yó xíꞌin náki̱ꞌva̱ yó, na kíꞌvi ní ini i̱ xíni i̱ kúu ndó, ñayóꞌo kúu tutu o̱vi̱ ña táa i̱ xaa̱ ndaꞌa̱ ndó. Ta xíꞌin ña o̱vi̱ tutu yóꞌo saá sánakáꞌán i̱ ndóꞌó ña ndixa xíni̱ ñóꞌó kani si̱ni̱ ndó xa̱ꞌa̱ ñava̱ꞌa ña kúu ñandii ndinoꞌo.

1 Juan 2:20

Ta ndóꞌó, o̱n si̱ví nda̱tán yóo ni̱vi yóꞌo yóo ndó. Saá chi Jesucristo, Ta̱a ta̱Yi̱i̱, ti̱ꞌví ra Níma̱ Ndios ña kutaku̱ ña ini ndó. Ta xa̱ꞌa̱ ña táku̱ Níma̱ Ndios ini ndó, xa xíni̱ ndó ndiꞌi ñanda̱a̱.

1 Juan 2:21

Ta xa̱ꞌa̱ ña kúnda̱a̱ ini i̱ ndí xa xíni̱ ndó ñanda̱a̱, táa i̱ to̱ꞌon yóꞌo xaa̱ ña ndaꞌa̱ ndó. Saá chi mi̱i yó kúnda̱a̱ ini yó ndí nda̱ ñii to̱ꞌon ña vatá o̱n vása káku ña no̱o̱ Ndios, ta̱a ta̱ kúu ta̱nda̱a̱ ndinoꞌo.