Hechos 7:49 - Alacatlatzala Mixtec New Testament

⁴⁹ Nda̱tán yóo táyi̱ tón to̱ꞌó káꞌno, saá yóo ñoyívi ni̱no, chi nda̱ ñoyívi ni̱no kúu no̱o̱ xáꞌnda chiño i̱ no̱o̱ ndiꞌi ni̱vi xíꞌin ndiꞌi inka̱ ña yóo. Ta nda̱tán yóo ñii xiiña no̱o̱ nákindée xa̱ꞌa̱ i̱, saá yóo ñoyívi no̱o̱ ñoꞌo̱ no̱o̱ táku̱ ni̱vi. Ta, ¿ndasaá ví kuchiño koo ñii veꞌe ño̱ꞌo ña ki̱sa va̱ꞌa ni̱vi ña taxi na kutaku̱ i̱? Ta, ¿ndasaá ví kuchiño ni̱vi kasa va̱ꞌa na ñii veꞌe no̱o̱ koo i̱ nakindée i̱?

Hechos 7:49 ပူးပေါင်းရင်းမြစ်များ

San Mateo 23:22

Ta ni̱vi na chínáꞌa xa̱ꞌa̱ ñoyívi ni̱no, nayóꞌo chínáꞌa na xa̱ꞌa̱ tón táyi̱ káꞌno Ndios, ta chínáꞌa na xa̱ꞌa̱ mi̱i Ndios, ta̱ yóo ñoyívi ni̱no.

San Mateo 24:2

Ta ni̱ka̱ꞌa̱n ta̱Jesús xíꞌin na: ―¿Án xíto ndó ndiꞌi ñayóꞌo? Ta ndixa káꞌa̱n i̱ xíꞌin ndó, nda̱ ñii ka̱ yu̱u̱ o̱n kóo ka̱ sa̱ta̱ inka̱ yu̱u̱. Saá chi ñii ki̱vi̱ ña va̱xi tani veꞌe ño̱ꞌo yóꞌo ta ndiꞌi xa̱ꞌa̱ ña ―káchí ta̱Jesús.

San Juan 4:21

Ta nda̱kuii̱n ta̱Jesús, ni̱ka̱ꞌa̱n ra xíꞌin ñá, káchí ra saá: ―Kandixa ún ña ndato̱ꞌon i̱ xíꞌin ún vitin, nana. Xa yatin va̱xi ki̱vi̱ ña o̱n koni̱ ñóꞌó ka̱ ko̱ꞌo̱n ni̱vi yuku̱ kaa̱, ni o̱n koni̱ ñóꞌó ka̱ ko̱ꞌo̱n na veꞌe ño̱ꞌo káꞌno ñoo Jerusalén xa̱ꞌa̱ ña kasa káꞌno na Ndios.

Apocalipsis 3:21

Ndiꞌi ni̱vi na kundeé no̱o̱ ndee̱ ña o̱n váꞌa, chi o̱n vása sandakoo na yichi̱ i̱, ta yi̱ꞌi̱ taxi i̱ ña koo na xíꞌin i̱ ñoyívi ni̱no ña kaꞌnda chiño na xíꞌin i̱. Saá chi yi̱ꞌi̱ xa ku̱ndeé i̱ no̱o̱ ndee̱ ña o̱n váꞌa, ta Yivá i̱ Ndios ta̱xi ra ndaꞌa̱ i̱ táyi̱ yi̱i̱ tón to̱ꞌó káꞌno ñoyívi ni̱no no̱o̱ yóo i̱ xáꞌnda chiño i̱ xíꞌin ra.