Hechos 28:28 - Alacatlatzala Mixtec New Testament

²⁸ Ta saá, ndóꞌó natáꞌan yó najudío, kóni i̱ ña kunda̱a̱ va̱ꞌa ini ndó ndí vitin Ndios táxi ra ña ni̱vi na o̱n vása kúu najudío kúchiño kuu na ni̱vi na saka̱ku Ndios no̱o̱ ña o̱n váꞌa. Ta kua̱ꞌa̱ ní ni̱vi na o̱n vása kúu najudío nakiꞌin na ñava̱ꞌa yóꞌo, chi ndixa chikaa̱ so̱ꞌo na to̱ꞌon Ndios ―káchí ta̱Pablo xíꞌin na.

Hechos 28:28 ပူးပေါင်းရင်းမြစ်များ

San Lucas 3:6

Ta ndiꞌi ni̱vi ñoyívi yóꞌo koni na yu kúu ta̱ tiꞌví Ndios ña saka̱ku ra na”, káchí to̱ꞌon Ndios ña ni̱taa ta̱Isaías xi̱na̱ꞌá.

Hechos 11:18

Ki̱vi̱ ndi̱ꞌi xi̱ni̱ so̱ꞌo na to̱ꞌon ña nda̱to̱ꞌon ta̱Pedro xíꞌin na, ta saá ni̱ya̱a̱ yuꞌu̱ na, ta o̱n vása káꞌa̱n kuáchí ka̱ na xíꞌin ra. Nda̱ víka̱, ki̱xáꞌá na kísa káꞌno na Ndios, káchí na saá: ―Vitin Ndios ta̱xi ra nda̱yí ndaꞌa̱ ni̱vi na o̱n si̱ví najudío kúu ña kúchiño ndikó ini na ta ki̱ꞌvi na yichi̱ ra. Ta saá Ndios saka̱ku ra na ña kutaku̱ na xíꞌin ra ndiꞌi saá ki̱vi̱ ña va̱xi ―káchí nayóꞌo, na kúu na kándixa ta̱Jesús, na táku̱ ñoo Jerusalén.

Hechos 13:26

’Ndóꞌó, nañoo i̱, najudío na kúu sa̱ꞌya ñani síkuá ta̱Abraham, ta ndóꞌó ni̱vi na kísa to̱ꞌó Ndios, ta o̱n si̱ví najudío kúu ndó, vitin káꞌa̱n ndoso i̱ no̱o̱ ndiꞌi ndó ndí Ndios xa ti̱ꞌví ra to̱ꞌon ra ki̱xaa̱ ña no̱o̱ yó, ta to̱ꞌon yóꞌo káꞌa̱n ña ndasaá ta̱Jesús kuchiño saka̱ku ra ndiꞌi yó.

Hechos 13:38

Natáꞌan yó, xíni̱ ñóꞌó kunda̱a̱ ini ndó to̱ꞌon yóꞌo: Ndixa ta̱Jesús ni̱xiꞌi̱ ra xa̱ꞌa̱ kua̱chi yó, ta xa̱ꞌa̱ ña ke̱ꞌé ra saá, Ndios kúchiño kasa káꞌno ini ra xa̱ꞌa̱ kua̱chi yó.

Hechos 14:27

Tá na̱xaa̱ na ñoo Antioquía yóꞌo, ta saá ka̱na na ni̱vi na kúu na ndíko̱n yichi̱ ta̱Jesús ña nakutáꞌan na xíꞌin na. Ta saá ki̱xáꞌá ta̱Pablo xíꞌin ta̱Bernabé nda̱to̱ꞌon na xa̱ꞌa̱ ndiꞌi chiño va̱ꞌa ña ke̱ꞌé Ndios xíꞌin na ñii ñii ñoo no̱o̱ ni̱xa̱ꞌa̱n na. Ta nda̱to̱ꞌon na xíꞌin ni̱vi na na̱kutáꞌan yóꞌo ndí Ndios vitin xa na̱koná ra yichi̱ ña ni̱vi na o̱n si̱ví najudío kúu, kúchiño kandixa na ta̱Jesús, ta ki̱ꞌvi na yichi̱ ra.

Hechos 15:14

Xa xi̱ni̱ ndó to̱ꞌon ni̱ka̱ꞌa̱n ta̱Simón Pedro xíꞌin yó ña ndasaá ki̱xáꞌá Ndios kéꞌé ra ñava̱ꞌa xíꞌin ni̱vi na o̱n vása kúu najudío, chi na̱ka̱xin ra kua̱ꞌa̱ ní nayóꞌo ña kundiko̱n na ra ta nduu na nañoo ra.

Hechos 15:17

Saá keꞌé i̱ chi kóni i̱ ndí ña ni̱vi na o̱n vása kúu naIsrael ná nandukú na yi̱ꞌi̱ ta kixaa̱ na no̱o̱ i̱. Saá chi kua̱ꞌa̱ ní ni̱vi yóꞌo kúu na na̱ka̱xin i̱ kuu na naveꞌe i̱,

Hechos 18:6

Ta ni̱vi yóꞌo, tá xi̱ni̱ so̱ꞌo na ña nda̱to̱ꞌon ta̱Pablo xíꞌin na, ta ki̱xáꞌá na sásaa̱ na ini mi̱i na, ta na̱kuita na káꞌa̱n ndiva̱ꞌa na xíꞌin ra. Ta saá ta̱Pablo ta̱va ra capa ra, ta sa̱kisin ra ña ko̱yo yáka ña, ta ni̱ka̱ꞌa̱n ra xíꞌin na, káchí ra saá: ―Ta vitin, xa̱ꞌa̱ ña ni̱‑xiin ndó koni̱ so̱ꞌo ndó to̱ꞌon ña nda̱to̱ꞌon i̱ xíꞌin ndó, ndóꞌó kúu ni̱vi na ndíso kua̱chi no̱o̱ Ndios. Ta yi̱ꞌi̱ o̱n vása ndíso ka̱ i̱ kua̱chi xa̱ꞌa̱ ña saxo̱ꞌvi̱ Ndios ndóꞌó ki̱vi̱ va̱xi. Ta vitin ta̱nda̱ ndiꞌi ki̱vi̱ va̱xi, ko̱ꞌo̱n i̱ ka̱ꞌa̱n ndoso i̱ to̱ꞌon Ndios no̱o̱ ni̱vi na o̱n vása kúu najudío ―káchí ta̱Pablo xíꞌin na.

Hechos 2:14

Ta saá ta̱Pedro na̱kundichi ra xíꞌin inka̱ u̱xu̱ ñii naapóstol, ta ki̱xáꞌá ra ndeé ní káꞌa̱n ndoso ra no̱o̱ ndiꞌi ni̱vi na ndóo yóꞌo, ta káchí ra saá: ―Natáꞌan yó, ndóꞌó na kúu najudío, ta inka̱ ndóꞌó na ke̱e inka̱ xiiña ta ki̱xaa̱ ndó ñoo Jerusalén yóꞌo, vitin koni̱ so̱ꞌo ndó ña ndato̱ꞌon i̱ xíꞌin ndó,

Hechos 22:21

Ta nda̱kuii̱n ra, ka̱chí ra saá xíꞌin i̱: “Vitin ko̱ꞌo̱n ún, chi yi̱ꞌi̱ tiꞌví i̱ yóꞌó ko̱ꞌo̱n ún kua̱ꞌa̱ ní ñoo xíká ña ndato̱ꞌon ún to̱ꞌon i̱ xíꞌin ni̱vi na o̱n vása kúu najudío”, ka̱chí ra xíꞌin i̱ ―káchí ta̱Pablo xíꞌin najudío na nákutáꞌan yóꞌo.

Hechos 28:29

Ta saá ke̱e najudío yóꞌo veꞌe ta̱Pablo, ta kua̱ꞌa̱n na, ta náa ní na xíꞌin táꞌan na no̱o̱ kua̱ꞌa̱n na yichi̱.

Hechos 4:10

Ta saá vitin káꞌa̱n ndi̱ ndáto̱ꞌon káxín ndi̱ xíꞌin ndóꞌó ña kunda̱a̱ ini mi̱i ndó ta kunda̱a̱ ini ndiꞌi nañoo yó naIsrael ndí xíꞌin ndee̱ ta̱Jesús ta̱ñoo Nazaret ndu̱va̱ꞌa ta̱yóꞌo. Mi̱i ta̱Jesús yóꞌo kúu ta̱a ta̱ ka̱takaa̱ ndaa ndó ndaꞌa̱ tón cruz, ta ni̱xiꞌi̱ ra, ta Ndios sa̱nataku̱ ñaꞌá ra.

Hechos 9:15

Ta ni̱ka̱ꞌa̱n ta̱Jesús xíꞌin ra: ―Kua̱ꞌa̱n ún koto ún ta̱Saulo, chi ta̱yóꞌo kúu ta̱a ta̱ na̱ka̱xin i̱ ña koni̱ ñóꞌó i̱ ña ko̱ꞌo̱n ra ka̱ꞌa̱n ndoso ra to̱ꞌon xa̱ꞌa̱ i̱ no̱o̱ ni̱vi na o̱n vása kúu najudío, ta ko̱ꞌo̱n ra no̱o̱ ni̱vi na kúu narey ñoo xíyo, ta ko̱ꞌo̱n ra no̱o̱ najudío ña ndato̱ꞌon ra xíꞌin na xa̱ꞌa̱ i̱.

Romanos 11:11

Ta tuku ndáka̱ to̱ꞌon xíꞌin mi̱i i̱, káchí i̱ saá: ¿Yu kúu ña kundoꞌo najudío, na ni̱‑xiin chikaa̱ so̱ꞌo to̱ꞌon Ndios? ¿Án ndixa nda̱ ñii ki̱vi̱ o̱n vása kuchiño nduu na ni̱vi na va̱ꞌa kutaku̱ xíꞌin Ndios? ¡O̱n ndixa koo ña saá! Saá chi vará kua̱ꞌa̱ ní najudío o̱n vása ní‑chikaa̱ so̱ꞌo na to̱ꞌon Ndios xa̱ꞌa̱ Jesucristo, ta xa̱ꞌa̱ ña ke̱ꞌé na saá ta̱xi ña ndí Ndios sa̱ka̱ku ra kua̱ꞌa̱ ní inka̱ ni̱vi na o̱n vása kúu najudío. Saá ke̱ꞌé Ndios, chi kóni ra ndí najudío nduu na ni̱vi na kuíni̱ ini koni inka̱ ni̱vi na o̱n si̱ví najudío kúu, xa̱ꞌa̱ ñava̱ꞌa ke̱ꞌé Ndios xíꞌin nayóꞌo.

Romanos 4:11

Saá chi siꞌna ta̱Abraham ka̱ndixa ra Ndios, ta xa̱ꞌa̱ ñayóꞌo Ndios ni̱ka̱ꞌa̱n ra ndí ta̱Abraham ndu̱u ra ta̱ndii no̱o̱ ra ta va̱ꞌa yóo xíꞌin ra. Ta ki̱vi̱ xa ndu̱u ta̱Abraham ta̱ndii no̱o̱ Ndios, ta saá ki̱sa ndivi ra ñacircuncisión yóꞌo. Ta ndi̱ꞌi ki̱sa ndivi ra ñayóꞌo, ta̱Abraham xi̱komí ra ñii marca loꞌo no̱o̱ ko̱ñu ra, ña xi̱kuu ña ñii seña ña sa̱náꞌa ndí Ndios sa̱nduu ra ta̱Abraham ta̱a ta̱ ndii ta̱ o̱n ko̱ó kua̱chi ndíso no̱o̱ ra xa̱ꞌa̱ ña ka̱ndixa ñaꞌá ra. Ta saá ta̱Abraham yóꞌo ndu̱u ra nda̱tán yóo yivá ndiꞌi ni̱vi na ndinoꞌo ini kándixa Ndios, vará sava ni̱vi yóꞌo o̱n vása ní‑kisa ndivi na circuncisión. Saá chi xa̱ꞌa̱ ña ni̱vi yóꞌo kándixa na Ndios ñii ki̱ꞌva nda̱tán ta̱Abraham ka̱ndixa ñaꞌá ra, Ndios sa̱nduu ra na ni̱vi na ndii, na o̱n ko̱ó kua̱chi ndíso no̱o̱ ra, ta va̱ꞌa yóo ra xíꞌin na vitin.