Hechos 28:27 - Alacatlatzala Mixtec New Testament

²⁷ Saá chi níma̱ ndó xa ku̱táꞌyá yu̱u̱ ña. Ta so̱ꞌo ndó, na̱kasi kútu̱ ndó ña, ta nduchu̱ no̱o̱ ndó, na̱kasi ndó ña, chi o̱n xi̱in ndó koto ndó, ni o̱n xi̱in ndó koni̱ so̱ꞌo ndó. Ña kéꞌé ndó saá kúu ña o̱n xi̱in ndó kunda̱a̱ ini ndó ñanda̱a̱, ni o̱n xi̱in ndó ndikó ndó kixi ndó no̱o̱ i̱ ña sandaꞌa i̱ ndóꞌó”, ka̱chí Ndios xíꞌin naxi̱i̱ síkuá yó naIsrael, saá ni̱taa ta̱profeta Isaías kui̱ya̱ xi̱na̱ꞌá.

Hechos 28:27 ပူးပေါင်းရင်းမြစ်များ

San Mateo 13:14

Ta saá kísa ndivi na to̱ꞌon ña ni̱taa ta̱profeta Isaías xi̱na̱ꞌá, ña káchí: Ndios káchí ra saá: “Vará xíni̱ so̱ꞌo ní na, ta nda̱ ñii ki̱vi̱ o̱n kunda̱a̱ ini na ña xíni̱ so̱ꞌo na. Vará xíto ní na, ta nda̱ ñii ki̱vi̱ o̱n kunda̱a̱ ini na yukía̱ xíto na.

San Mateo 13:15

Ta níma̱ ni̱vi yóꞌo xa ku̱táꞌyá yu̱u̱ ña. Ta nákasi kútu̱ na so̱ꞌo na, ta nákasi na nduchu̱ no̱o̱ na, chi o̱n xi̱in na koto na, ni o̱n xi̱in na koni̱ so̱ꞌo na. Ña kéꞌé na saá kúu ña o̱n xi̱in na kunda̱a̱ ini na ñanda̱a̱, ni o̱n xi̱in na ndikó na kixi na no̱o̱ i̱ ña sandaꞌa i̱ na”, káchí Ndios, káchí ta̱profeta xi̱na̱ꞌá.