Hechos 22:27 - Alacatlatzala Mixtec New Testament

²⁷ Ta saá ta̱a ta̱káꞌno yóꞌo kua̱ꞌa̱n ra, ta ni̱xaa̱ ra no̱o̱ ta̱Pablo, ta ni̱nda̱ka̱ to̱ꞌon ñaꞌá ra, káchí ra saá xíꞌin ra: ―¿Án ndixa yóꞌó kúu ñii ta̱a ta̱ñoo Roma? ―káchí ra. Ta nda̱kuii̱n ta̱Pablo: ―Ndixa yi̱ꞌi̱ kúu i̱ ta̱ñoo Roma ―káchí ra.

Hechos 22:27 ပူးပေါင်းရင်းမြစ်များ

San Juan 18:12

Ta saá natropa xíꞌin ta̱ ndíso chiño xíꞌin na, ta xíꞌin napolicía na ndáa veꞌe ño̱ꞌo káꞌno, ti̱in na ta̱Jesús, ta ka̱tón na ra.

Hechos 22:25

Tá o̱n ta̱ꞌán ka̱ kani na ra, ta siꞌna ka̱tón na ra. Ta saá ni̱ka̱ꞌa̱n ta̱Pablo xíꞌin ñii ta̱a ta̱ ndíso chiño xíꞌin sava natropa yóꞌo, káchí ra saá: ―¿Án ndixa káchí nda̱yí ndí va̱ꞌa kani ndó ñii ta̱a ta̱ kúu ta̱ñoo Roma tá siꞌna o̱n ta̱ꞌán ko̱ꞌo̱n ra no̱o̱ ta̱juez ña kasa nani ra xa̱ꞌa̱ kua̱chi ta̱yóꞌo? ―káchí ta̱Pablo xíꞌin ñii ta̱a ta̱ ndíso chiño xíꞌin sava natropa.

Hechos 22:26

Tá ta̱yóꞌo xi̱ni̱ so̱ꞌo ra ña ni̱ka̱ꞌa̱n ta̱Pablo, ta kama ni̱xa̱ꞌa̱n ra ndato̱ꞌon ra xíꞌin mi̱i ta̱a ta̱káꞌno no̱o̱ ra, ta káchí ra saá: ―Ta vitin, ¿yu kúu ña keꞌé ún?, chi ta̱a ta̱ xa̱ꞌnda chiño ún kani ndi̱ xíꞌin kuártá, ta̱yóꞌo kúu ra ñii ta̱ñoo Roma ―káchí ra xíꞌin ta̱a ta̱káꞌno no̱o̱ natropa.

Hechos 22:28

Ta saá ni̱ka̱ꞌa̱n ta̱a ta̱káꞌno yóꞌo xíꞌin ra, káchí ra: ―Yi̱ꞌi̱ cha̱ꞌvi i̱ kua̱ꞌa̱ ní si̱ꞌún, ta saá na̱kiꞌin i̱ tutu ña káchí kúu i̱ ta̱a ta̱ñoo Roma ―káchí ra xíꞌin ta̱Pablo. Ta nda̱kuii̱n ta̱Pablo, káchí ra saá: ―Yi̱ꞌi̱ o̱n vása ní‑keꞌé i̱ saá, chi nda̱ ki̱vi̱ ka̱ku i̱ kúu i̱ ta̱ñoo Roma ―káchí ra xíꞌin ta̱a ta̱káꞌno no̱o̱ natropa yóꞌo.