Hechos 19:37 - Alacatlatzala Mixtec New Testament

³⁷ Saá chi ndóꞌó, xa ti̱in ndó nata̱a yóꞌo ki̱xaa̱ na xíꞌin ndó, vará nata̱a yóꞌo o̱n vása ní‑kisa kuíꞌná na nda̱ ñii ña yóo ini veꞌe ño̱ꞌo yó, ni o̱n vása ní‑kaꞌa̱n na to̱ꞌon ndiva̱ꞌa xa̱ꞌa̱ ndios mi̱i yó ñaDiana.

Hechos 19:37 ပူးပေါင်းရင်းမြစ်များ

Hechos 19:36

Ta kúnda̱a̱ ini yó ndí o̱n ko̱ó ni̱vi na kúchiño ka̱ꞌa̱n, kachí na ndí o̱n si̱ví ñanda̱a̱ kúu to̱ꞌon yóꞌo. Ta saá va̱ꞌa saya̱a̱ ndó, o̱n nda̱ꞌyi ka̱ ndó. Ta xa̱ꞌa̱ ña o̱n keꞌé ndó ña o̱n váꞌa, siꞌna xíni̱ ñóꞌó kani si̱ni̱ ndó xa̱ꞌa̱ ndá yu kúu ña kóni ndó keꞌé ndó.

Hechos 25:8

Ta saá ki̱xáꞌá ta̱Pablo káꞌa̱n ra ndákuii̱n ra xa̱ꞌa̱ mi̱i ra, ta káchí ra saá: ―O̱n ko̱ó kua̱chi ndeé ndíso i̱, ta o̱n si̱ví ñanda̱a̱ kúu ña káꞌa̱n nayóꞌo, sákuiso na kua̱chi sa̱ta̱ i̱. Nda̱ loꞌo o̱n vása ní‑yaꞌa ndoso i̱ no̱o̱ nda̱yí najudío, ni o̱n vása ní‑keꞌé i̱ ña o̱n váꞌa ña chíkaa̱ ni̱no̱ ñayi̱i̱ veꞌe ño̱ꞌo káꞌno ñoo Jerusalén, ni o̱n vása ní‑yaꞌa ndoso i̱ no̱o̱ ña xáꞌnda chiño ta̱rey César ―káchí ta̱Pablo, nda̱kuii̱n ra xa̱ꞌa̱ mi̱i ra no̱o̱ ta̱gobernador Festo.

Romanos 2:22

Ta tuku káꞌa̱n ndó, káchí ndó saá: “O̱n váꞌa ku̱su̱n ta̱a xíꞌin inka̱ ñaꞌa̱ ñá o̱n si̱ví ñásíꞌí ra kúu. Ta o̱n váꞌa ku̱su̱n ñaꞌa̱ xíꞌin ta̱a ta̱ o̱n si̱ví yii̱ ñá kúu”, káchí ndó. Ta sava mi̱i ndó, ¿án o̱n vása kíꞌvi ndó kua̱chi yóꞌo? Ta mi̱i ndó, kúu ndó ni̱vi na sáa̱ ini xíni ndiꞌi no̱o̱ ñaídolo án ndiꞌi no̱o̱ ñaimagen, ña kúu ndios vatá ña kísa to̱ꞌó inka̱ ni̱vi. Ta saá ni, sava mi̱i ndó, ¿án o̱n vása kísa kuíꞌná ndó ñakuíká ña ñóꞌo ini veꞌe ño̱ꞌo ndios vatá yóꞌo?

1 Corintios 10:32

Ta o̱n váꞌa koo yó nda̱tán yóo yu̱u̱ ña káchiꞌi xa̱ꞌa̱ ni̱vi ta nákava na, án ni̱vi najudío, án ni̱vi na o̱n si̱ví najudío, án ni̱vi na kándixa Jesucristo kúu nayóꞌo.

2 Corintios 6:3

Ta mi̱i ndi̱ chíkaa̱ ní ndi̱ ndee̱ ña vivíi ndíko̱n ndi̱ yichi̱ Jesucristo. Ta xíꞌin ña va̱ꞌa táku̱ ndi̱ saá no̱o̱ ni̱vi, o̱n vása táxi ndi̱ ña koo ña nda̱tán yóo ña sákachiꞌi xa̱ꞌa̱ ni̱vi na xíto ña kéꞌé ndi̱. Ta xíꞌin ña vivíi táku̱ ndi̱ saá, o̱n naníꞌi ni̱vi ña o̱n váꞌa ka̱ꞌa̱n na xa̱ꞌa̱ chiño ña kísa ndivi ndi̱.