Hebreos 4:10 - Alacatlatzala Mixtec New Testament

¹⁰ Ta ki̱vi̱ yóꞌo, ni̱vi na ki̱ꞌvi nakindée xíꞌin Ndios, nakindée na no̱o̱ ndiꞌi chiño na, nda̱tán na̱kindée Ndios no̱o̱ chiño ña sa̱xi̱no̱ ra, ki̱vi̱ ki̱sa va̱ꞌa ra ñoyívi yóꞌo xíꞌin ñoyívi ni̱no.

Hebreos 4:10 ပူးပေါင်းရင်းမြစ်များ

San Juan 19:30

Tá ndi̱ꞌi xi̱ꞌi ra loꞌo vino yiyá yóꞌo, ta saá ni̱ka̱ꞌa̱n ta̱Jesús: ―Ni̱xi̱no̱ chiño i̱ ―káchí ra. Ta saá na̱kuiko si̱ni̱ ra ta ni̱xiꞌi̱ ra.

Hebreos 1:3

Ta ña yéꞌe livi káꞌno Sa̱ꞌya Ndios kúu mi̱i ña yéꞌe livi káꞌno Ndios, chi Sa̱ꞌya Ndios yóꞌo ñii kúu ra xíꞌin Ndios, ta kúu ra mi̱i Ndios. Ta Sa̱ꞌya ra xíꞌin ndee̱ to̱ꞌon ra ta̱xi ra ndee̱ ña o̱n ta̱ꞌán ndiꞌi xa̱ꞌa̱ ndiꞌi ña ku̱va̱ꞌa ña yóo ñoyívi. Tá sa̱xi̱no̱ ra chiño ña ta̱xi Ndios ndaꞌa̱ ra ña kúu ña na̱kata ra kua̱chi mi̱i yó, ni̱vi na kándixa ñaꞌá, ta saá ni̱to̱nda̱a ra xi̱koo ra no̱o̱ táyi̱ tón to̱ꞌó káꞌno tón ñíndichi sii̱n kuaꞌá Ndios ñoyívi ni̱no no̱o̱ yóo Ndios xáꞌnda chiño ra.

Hebreos 10:12

Ta Jesucristo ñii la̱á yichi̱ ni̱so̱ko̱ xíꞌin mi̱i ra no̱o̱ Ndios ña nakata ra kua̱chi ni̱vi, ta nda̱ ñii ka̱ yichi̱ o̱n ndikó ka̱ ra so̱ko̱ xíꞌin mi̱i ra. Tá ndi̱ꞌi ki̱sa ndivi ra saá, ta nda̱a ra ñoyívi ni̱no, ta xi̱koo ra táyi̱ tón to̱ꞌó káꞌno tón ñíndichi sii̱n kuaꞌá Ndios ñoyívi ni̱no.

Hebreos 4:9

Ña̱kán xa̱ꞌa̱ ni̱vi naveꞌe Ndios, ndixa to̱nda̱a ki̱vi̱ ña ki̱ꞌvi nayóꞌo no̱o̱ nakindée na xíꞌin Ndios.

Apocalipsis 14:13

Ta saá xi̱ni̱ so̱ꞌo i̱ to̱ꞌon ña ki̱xi ñoyívi ni̱no, ni̱ka̱ꞌa̱n ña xíꞌin i̱, káchí ña saá: ―Taa ún to̱ꞌon yóꞌo: “Ki̱vi̱ vitin ta ndiꞌi saá ki̱vi̱ ña va̱xi, ndiꞌi ni̱vi na ndíko̱n Jesucristo, táná kivi̱ na xa̱ꞌa̱ ña kándixa na ra, ta Ndios taxi ra ña kunakaa̱ ñasi̱i̱ ini nayóꞌo” ―káchí to̱ꞌon ña xi̱ni̱ so̱ꞌo i̱. Ta saá ni̱ka̱ꞌa̱n Níma̱ Ndios, káchí ña saá: ―Ndixa saá yóo ña, chi ki̱vi̱ xaa̱ ni̱vi yóꞌo ñoyívi ni̱no, ndixa nakindée na, chi xa ku̱ndivi chiño ke̱ꞌé na ñoyívi no̱o̱ ñoꞌo̱. Ta saá ni, Ndios nákáꞌán ra ndiꞌi chiño va̱ꞌa ña ki̱sa ndivi na, ta saá ñoyívi ni̱no nakiꞌin na ña yaꞌvi na xa̱ꞌa̱ chiño va̱ꞌa yóꞌo ―saá káchí Níma̱ Ndios, xi̱ni̱ so̱ꞌo i̱.

Apocalipsis 6:11

Ta ñii ñii nayóꞌo na̱kiꞌin na tiko̱to̱ yaa ndaꞌa̱ Ndios, ta Ndios ni̱ka̱ꞌa̱n ra xíꞌin na: ―Loꞌo ka̱ ki̱vi̱ kundati ndó, chi xíni̱ ñóꞌó to̱nda̱a ña kaꞌni na ndiꞌi nañani ndó án náki̱ꞌva̱ ndó, na kúu na chi̱tóni̱ i̱ kaꞌni na xa̱ꞌa̱ ña kísa chiño na no̱o̱ i̱, nda̱tán ki̱sa chiño ndóꞌó no̱o̱ i̱ ―káchí Ndios xíꞌin na.