2 Corintios 5:19 - Alacatlatzala Mixtec New Testament

¹⁹ Ta to̱ꞌon ña ndáto̱ꞌon ndasaá kúchiño nakutáꞌan va̱ꞌa ni̱vi xíꞌin Ndios kúu ña káchí saá: Xíꞌin ña ni̱xiꞌi̱ Jesucristo ndaꞌa̱ tón cruz xa̱ꞌa̱ kua̱chi ni̱vi, Ndios ni̱xi̱yo ra kísa chiño ra ña sánakutáꞌan va̱ꞌa ra ni̱vi xíꞌin mi̱i ra, ta kíndaa ra kua̱chi sa̱ta̱ ni̱vi na kándixa Jesucristo, chi nayóꞌo ñii yóo na xíꞌin ra. Ta Ndios sa̱kuiso chiño ra mi̱i ndi̱ ña káꞌa̱n ndoso ndi̱ no̱o̱ ni̱vi to̱ꞌon yóꞌo.

2 Corintios 5:19 ပူးပေါင်းရင်းမြစ်များ

San Mateo 1:23

Ñáñaꞌa̱ loꞌo, ñá yi̱i̱ ñá ta̱ꞌán to̱nda̱a ta̱a, ta ke̱e sa̱ꞌya ñá, ta sakaku ñá ñii ta̱a loꞌo, ta kunaní ra Emanuel, káchí to̱ꞌon Ndios ña ni̱taa ta̱profeta xi̱na̱ꞌá. Ta ki̱vi̱ “Emanuel” kóni kachí ña saá: Ndios yóo ra xíꞌin yó.

San Juan 14:20

Ki̱vi̱ kundivi ñayóꞌo saá, ta ndóꞌó ndixa kunda̱a̱ ini ndó ndí yi̱ꞌi̱ táku̱ i̱ ini Yivá i̱, ta ndóꞌó táku̱ ndó ini yi̱ꞌi̱, ta yi̱ꞌi̱ táku̱ i̱ ini ndóꞌó.

San Juan 17:23

Chi yi̱ꞌi̱ kutaku̱ i̱ ini ni̱vi yóꞌo, nda̱tán yóꞌó táku̱ ún ini mi̱i i̱. Ta saá ñii nduu ini ndiꞌi yó, ta xa̱ꞌa̱ ñayóꞌo ni̱vi ñoyívi yóꞌo kunda̱a̱ ini na ndí yóꞌó kúu ta̱a ta̱ ti̱ꞌví yi̱ꞌi̱ ki̱xaa̱ i̱ ñoyívi yóꞌo, ta kunda̱a̱ ini na ndí ndixa ñii ki̱ꞌva nda̱tán kíꞌvi ini ún xíni ún yi̱ꞌi̱, saá kíꞌvi ini ún xíni ún ni̱vi na ndíko̱n yi̱ꞌi̱.

Romanos 11:15

Ta vitin xa̱ꞌa̱ ña ku̱xíká najudío no̱o̱ Ndios, ñayóꞌo táxi ña ndí ni̱vi na o̱n vása kúu najudío va̱ꞌa nakutáꞌan na xíꞌin Ndios. Ta saá táná kixaa̱ ki̱vi̱ ña Ndios va̱ꞌa nakiꞌin ra ndiꞌi najudío, ta, ¿yu kúu ña koo saá? Ndixa ña koo saá kúu ña ni̱vi najudío kutaku̱ ndinoꞌo na no̱o̱ Ndios. Saá nda̱tán ni̱xi̱yo ni̱vi na xa ni̱xiꞌi̱, ta na̱taku̱ na, saá koo nayóꞌo ki̱vi̱ Ndios va̱ꞌa nakiꞌin ra na, ta va̱ꞌa nakutáꞌan na xíꞌin ra.

1 Corintios 13:5

Ni̱vi na ndinoꞌo kíꞌvi ini xíni inka̱ ni̱vi, nayóꞌo kúu ni̱vi na kómí ñato̱ꞌó, ta o̱n si̱ví ni̱vi na ndasaá kuiti ndíꞌi ini xa̱ꞌa̱ mi̱i kúu na, ni o̱n si̱ví ni̱vi na kama ní sásaa̱ ini mi̱i kúu na, ta ni o̱n si̱ví ni̱vi na o̱n xi̱in sandakoo ña sáa̱ ini xíni inka̱ ni̱vi kúu na.

Colosenses 2:9

Ndios yóo ra táku̱ ndiꞌi mi̱i ra ini Jesucristo, ta̱a ta̱ xi̱komí yi̱kí ko̱ñu ndinoꞌo ni̱vi.

1 Timoteo 3:16

Ndixa ña káꞌno ní kúu to̱ꞌon ña kándixa yó xa̱ꞌa̱ yichi̱ Jesucristo. To̱ꞌon yóꞌo xi̱nakaa̱ seꞌé ña, ta vitin Ndios sa̱nati̱vi ra ña no̱o̱ yó. Ta to̱ꞌon kándixa yó xa̱ꞌa̱ Jesucristo káchí ña saá: Ndios ndu̱u ra ni̱vi, ta ni̱xika ra no̱o̱ ni̱vi no̱o̱ ñoꞌo̱ yóꞌo. Níma̱ Ndios ki̱sa nda̱a̱ ña ndí ta̱ndii, ta̱ o̱n vása kómí kua̱chi kúu ra. Naángel xi̱ni na ta̱yóꞌo. Ta ni̱vi na kándixa ñaꞌá ni̱ka̱ꞌa̱n ndoso na xa̱ꞌa̱ ra no̱o̱ inka̱ ni̱vi na ndóo ñoo inka̱ xiiña, na o̱n vása kúu najudío. Ta ñoyívi yóꞌo kua̱ꞌa̱ ní ni̱vi ka̱ndixa na ra. Ta saá ke̱e ra ñoyívi yóꞌo, ta nda̱a ra ñoyívi ni̱no, no̱o̱ yóo ndiꞌi ñava̱ꞌa ña livi ña yéꞌe, káchí to̱ꞌon ña kándixa yó.

1 Juan 4:10

Vará kíꞌvi ní ini yó xíni yó Ndios, ta mi̱i yó o̱n vása tónda̱a yó kundeé yó ña kukiꞌvi ini yó koni yó ra ñii ki̱ꞌva nda̱tán Ndios kíꞌvi ní ini ra xíni ra mi̱i yó. Saá chi Ndios sa̱náꞌa ra ndasaá ndeé ní kíꞌvi ini ra xíni ra mi̱i yó, chi ti̱ꞌví ra Sa̱ꞌya ra Jesucristo ki̱xaa̱ ra ñoyívi yóꞌo, ta ni̱so̱ko̱ xíꞌin mi̱i ra xa̱ꞌa̱ kua̱chi yó.