1 Timoteo 5:9 - Alacatlatzala Mixtec New Testament9 Ta náñaꞌa̱ ná ni̱xiꞌi̱ yii̱, ta kómí ná u̱ni̱ si̱ko̱ kui̱ya̱ ta kua̱ꞌa̱ ka̱, ta ñii ñii náyóꞌo ñii la̱á xi̱kuu yii̱ ná, ta ndasaá kuiti náñaꞌa̱ yóꞌo, va̱ꞌa kaꞌyi ún ki̱vi̱ ná no̱o̱ tutu xa̱ꞌa̱ ña nakiꞌin ná ña taxi nañani yó xíꞌin náki̱ꞌva̱ yó na kándixa Jesucristo xa̱ꞌa̱ ña chindeé ñaꞌá na. အခန်းကိုကြည့်ပါ။ |
1 Timoteo 5:9
10 ပူးပေါင်းရင်းမြစ်များ
Ta ñii ñii ta̱ ndíso chiño xíꞌin natáꞌan ra na kándixa Jesucristo xíni̱ ñóꞌó kuu ra ta̱a ta̱nda̱a̱, ta̱a ta̱ kánóo va̱ꞌa to̱ꞌon xa̱ꞌa̱ no̱o̱ ni̱vi. Ta ñii ñii ta̱yóꞌo xíni̱ ñóꞌó kukomí ra ñii la̱á kuiti ñásíꞌí mi̱i ra. Ta xíni̱ ñóꞌó kuu ra ta̱a ta̱ násita xíꞌin mi̱i no̱o̱ ña o̱n váꞌa, ta xíni̱ ñóꞌó kuu ra ta̱a ta̱ siꞌna xáni si̱ni̱ yu kúu ña va̱ꞌa keꞌé ra, ta saá kísa ndivi ra ña xíni̱ ñóꞌó ka̱. Xíni̱ ñóꞌó kuu ra ta̱a ta̱ va̱ꞌa to̱ꞌó táku̱ no̱o̱ ni̱vi, ta̱a ta̱ va̱ꞌa nákiꞌin ni̱vi na kíxaa̱ veꞌe ra. Ta xíni̱ ñóꞌó kuu ra ta̱a ta̱ xa yóo tiꞌva ndasaá va̱ꞌa sanáꞌa ra ni̱vi.
Ta yóo náñaꞌa̱ ná ni̱xiꞌi̱ yii̱, ta náyóꞌo ta̱ꞌán to̱nda̱a u̱ni̱ si̱ko̱ kui̱ya̱ ná, ta o̱n kaꞌyi ún ki̱vi̱ náyóꞌo no̱o̱ tutu ña káchí nakiꞌin ná ña̱ꞌa ña taxi nañani yó xíꞌin náki̱ꞌva̱ yó xa̱ꞌa̱ ña chindeé ñaꞌá na. Saá chi va̱xi ki̱vi̱ kutoo ní náñaꞌa̱ yóꞌo koo yii̱ ná, ta kixáꞌá ná o̱n kuaꞌa ka̱ ná kasa ndivi ná ña kóni Jesucristo, vará siꞌna ni̱ka̱ꞌa̱n ná ndí ndixa o̱n tonda̱ꞌa̱ ka̱ ná xa̱ꞌa̱ ña kasa chiño ná no̱o̱ Ndios.
Tá ñii ñaꞌa̱ án ñii ta̱a na kándixa Jesucristo kúu naveꞌe ñii ñaꞌa̱ ñá ni̱xiꞌi̱ yii̱, ta nayóꞌo xíni̱ ñóꞌó chindeé na ñáñaꞌa̱ veꞌe mi̱i nayóꞌo. Ta saá o̱n sandiꞌi na xa̱ꞌa̱ si̱ꞌún ña xíni̱ ñóꞌó na veꞌe ño̱ꞌo no̱o̱ kísa káꞌno na Jesucristo, ta na veꞌe ño̱ꞌo yóꞌo kukomí na si̱ꞌún xa̱ꞌa̱ ña chindeé na náñaꞌa̱ ná ndixa ni̱ndo̱o matóꞌón, chi ni̱xiꞌi̱ yii̱ ná, ta o̱n ko̱ó naveꞌe ná.
ကြော်ငြာတွေ