HECHOS 7:36 - New Testament in Mixtec Chayuco

³⁶ I tava ra Moisés sii ñiyɨvɨ ñuu Egipto. I zavaha ra cuaha xaan sa ndyityi ñuu Egipto ta Tyañuhu Cuaha. Ta i zavaha tucu ra sa ndyityi nu i sica noo ñiyɨvɨ cuan minoo nu yoñi ñiyɨvɨ iyo sisi sa uu xico cuiya.

HECHOS 7:36 ပူးပေါင်းရင်းမြစ်များ

SAN JUAN 4:48

Tacuan ta i catyi ra Jesús sihin ra: Tatu ma ndyehe ndo zeña ta sa ndyityi, ma sino iñi ndo sii.

HECHOS 13:18

I cundyee xaan iñi ra Ndyoo sihin ñu tañi uu xico cuiya sa sica noo ñu nu yoñi maa ñiyɨvɨ iyo ta i zavaha ñu cuhva cuñi maa ñu.

HECHOS 7:42

Yucuan cuenda i saha ra Ndyoo sa zavaha ñu cuhva cuñi maa ñu. Saha ra sa zacahnu ñu ñicandyi ta luna ta tiñoo. I zavaha ñu cuhva catyi minoo profeta ta tyiemvu. I catyi ra cuan vatyi catyi ra Ndyoo: Ndoho ñiyɨvɨ hebreo. Yɨvɨ sii mi i zacahnu ndo sa sica noo ndo sa uu xico cuiya cuan.

HEBREOS 3:8

Ma zandundava xaan ndo iñi ndo, Tañi i zavaha ñiyɨvɨ hebreo quɨvɨ i nducu coto ihñi ñu sii ta i zacuxaan xaan ñu sii nu i sica noo ñu minoo nu ityi xaan.

HEBREOS 3:9

Yucuan i nducu coto ihñi xaan ñu sii vazu i ndyehe ñu cuhva i zavehi uu xico cuiya.

HEBREOS 8:9

Ma cuu si tañi tyiño i zandei sihin ñiyɨvɨ sahnu sii ñu quɨvɨ i tave sii ñu ñuu Egipto; Vatyi maa ñu, ña tyaa ñu yahvi tyiño i zandei sihin ñu, Ta yucuan cuenda i zandoo ihne sii ñu. Catyi ra Ndyoo.