Yoane 5:6 - Wapongte Mic-Yowa Gbolicne

⁶ Aime dameng dalicne iwa gawecte ailu Yesudi ye biyac nganilu ngagewecte ailu yanguc uwacnowec, “Ga madickenogale aigelegac, me?”

Yoane 5:6 ပူးပေါင်းရင်းမြစ်များ

Luka 18:41

“Na oma wiyac aigelebele ngagegic?” Mime bafaliyelu yanguc edowec, “Sugucne, dongene hilanogale ngagegabac.”

Yoane 21:17

Milu Yesudi hatacmac uwacnome alecine habackang aiwec, “Saimon, Yoane madecine, ga kwelegonedi nale angac ngagegic, me?” Yesudi uwacnome alecine habackang aime, Pita ye ngageme umalemebac Yesu yanguc edowec, “Sugucne, ga wiyac sasawa ngageyackegic. Na kwelenedi gale angac ngagegabac, yogo biyac ngagegic.” Inguc mime Yesudi yanguc edowec, “Ga lamafocne bacebalu nosing gumecebadamec.

Yoane 5:5

Aime ngic-ngigac falu gaibong, yengele hewackacni ngic monic puling game hifaine 38 biyachac aiwec, ye iwa falu gawec.

Yoane 5:7

Inguc mime puling yedi bafaliyelu yanguc edowec, “Sugucnene, misa uc fific aimebac na ma ngicti baficnulu lifucka locnudaicte? Na haunogale aibe gocne yengi hepacnulu haucaigaing.”

Hibru 4:13

Aime Wapongti wiyac sasawa mime fikeyackewec, yogolec wiyac monicti yele haicka sangke-sangke mi fagac. Wiyac sasawa yogo yegena fikelu yele donge feina fayackegac. Ailu yela hocne gaganonggengte siduc babeng yogo wosaeyackedaicte.

Hibru 4:15

Lokwesac fikenolecaigac, silicine ingucnehac depec-baba ngic yengele damong sugucne ye ingucnehac fikecnoyackewec. Ailu ye bikic monic mi bafuwawec. Ilec nongileng tapilinonggeng wame ye ngani-ngagec aiyackelu nongilengte kwele-sowac ngagelu gagac.