Yoane 19:9 - Wapongte Mic-Yowa Gbolicne

⁹ Hangockeme ye oda kwelina hatacmac felu Yesu uwacnowec, “Ga wenuwacnibenang?” Inguc mime Yesu ye ameine monic mi bafaliyelu edowec.

Yoane 19:9 ပူးပေါင်းရင်းမြစ်များ

Mataio 26:63

Inguc mime Yesu ye waickelu domawec. Domame depec-baba ngic yengele damong sugucnedi hatac edowec, “Wapong gaga fileine, yele haicka uwagelebe ga yowa noine minong. Ga Mesia, Wapongte madec me miyac, yogo edocnubac.”

Mataio 27:27

Aime gawanale hudu-baba ngicfocine yengi Yesu gawana nga hudu-baba ngic yengele macte oda kwelina baleibong. Lebong hudu-baba ngic sasawadi kpaduckeibong.

Luka 23:9

Beliyelu Yesu uuwa homacne uwacnowec. Aime yedibac uuwa ameine monic mi bafaliyecnowec.

Yoane 18:28

Mac saeme ubiyacte, yenge Yesu Kaifasle mackacni bahikelu gawana nga hudu-baba ngic yengele macte oda kwelina gacaigaing, iwa bahikeibong. Aime depec-baba ngic yenge Wapongte haicka wonongnginengkolec ailu Ewalicebaicnele hombangte lama madecine mi nodaingkale, milubac yenge oda kwelina mi feibong.

Yoane 18:33

Aime Pailat ye oda kwelina hatacmac felu Yesu wackelu yanguc uwacnowec, “Ga Yuda ngic-ngigac yengele ngictau, me?”

Yoane 18:34

Inguc mime Yesudi ameine bafaliyelu yanguc edowec, “Ga yowa yogo gageuc migic, me gocne yengi nale fungine edocgubiyengte migic?”

Yoane 18:37

Inguc mime Pailatdi miwec, “Foinac, ga ngictau monic, me?” Inguc mime Yesudi ameine bafaliyelu yanguc miwec, “Gagi nale ngictau monic migic. Oc, na fikelu yowa noinele bole balu yogolec mibasanang aiyelelu mibe yegengkenale himongtowa yagowa waiba. Aime ngic-ngigac monic ye yowa noine balaibelu gagac, yedi nale yowa ngagedaicte.”

Yoane 19:10

Inguc aime Pailatdi hatacmac uwacnowec, “Ga omale nale yowa ameine mi bafaliyegic? Na nalic mimoctobe hikedamecte. Ailu nalic malicpongka wecgudacte, yogolec bole-yowa nga tapili nala fagac. Ga yogo mi ngagegic, me?”

Yoane 19:8

Inguc mibong Pailat ye yowa yogo ngagelu esecne hangockewec, yogo ewalilu hangockebenangkewec.

Yoane 8:14

Aime Yesudi bafaliyelu yanguc edocebawec, “Naneuctihac funginene mibe yegengkegacka, yogo noine aigac. Na wenuwacni kwesiiba, ailu wenuwa hikedacte, yogo naneuc ngagegabac. Ngenge na wenuwacni kwesiiba nga wenuwa hikedacte, yogo mi ngagegaing.