Yoane 17:22 - Wapongte Mic-Yowa Gbolicne

²² Nokilec moniyang gagabelec, silicine ingucnehac yenge moniyang ganingte ailu gagi wac feicne neleing, yogo biyachac yeleiba.

Yoane 17:22 ပူးပေါင်းရင်းမြစ်များ

Mareko 6:7

Yesudi mic-tengtengfocine 12 wacebame weleyackeibong. Welebong ngic-ngigac yengelacni aleng wonongkolec yebicebaningte bole-yowa tapiliineholec yelelu yaeckang yaeckang heucebalu salecebawec.

Luka 22:30

Lobewa ngenge naholec galu ngani-damongte nosing nga misa nolu ngiyedaingte. Ngenge inguchac ngictaule bole balu Israel yengele ngambofocngineng 12 fagaing, yengele aibabangineng wosaelu mimoctodaingte.

Yoane 1:14

Aime Yowadi ngic soc-biuckolec ailu hewacnonggang gawec. Madec moniyang yedi hocne galu Mamactacni wac feicne balu gawec, wac feicne yogo hocne nganiibeng. Yogo kwele-madicte wiyac nga yowa noine wakeyackeicne fagac.

Yoane 1:16

Yefe-yowadi Mosesla kwesime baibeng. Nga kwele-madic ailu yowa noine yogobac Yesu Kristoholec kwesiwec. Ailu ye kwele-madic bucbuchac facnogac, yogodi nongilang moto-motoine mikac kwesinolecaigac.

Yoane 14:20

Na Mamacnele kwelewa gagabac. Aime ngenge nale kwelewa gagaing. Nga nani ngengele kwelewa gagabac, ngenge dameng iwa yogo ngage-motodaingte.

Yoane 17:24

“Mamac, himong nga sawa mi fikeebocka, ga nale biyachac angacguwec, aime wac feicne neleing. Aime ngic-ngigacfocne nale molewa locebaing, yenge nale wac feicne yogo nganiningte na gadacte, iwahac nonge momoc ganangte ainelegac.

Salecebaicne 5:41

Salecebabong Wapongti ngageme madickenale yenge Yesule wacte wecebalu game-gameine nalic aiyeleibong. Yogolec beliyelu Tutumangtowa iwacni walu hikeibong.

Roma 8:30

Alingkelu ngic-ngigac molic-molic biyachac bawosaecebawec, yenge inguchac wacebawec. Aime yenge wacebalu ngic-ngigac dondonne wacebawec. Aime yenge dondonne wacebalu wacngineng inguchac bafewec.

2 Korin 3:18

Aime nongileng sasawa haic-mesunonggeng mi someckelu gabeng, Sugucnele wac feicne angocineholecti dongenonggang iluc nganicka nganicaigabeleng. Silicine ingucne kwelu bafaliyeme ye ingucnehac aicaigabeleng. Aime yele wac feicnedi gaganonggang sugulelu sawegac. Sugucne ye Asu, aime Asudi boleine bame pasi yogo fikegac.

2 Korin 5:20

Ilec nonge Kristole mic-yowa babeng, Wapongti micnonggeng basanangkeme Kristole ailu ngic-ngigac yanguc edocebacaigabeleng, “Ngenge Wapongkolec kwele-moniyang aining.”

2 Korin 6:1

Nonge Wapongkolec momoc bole balu ganangte yanguc sanangne edocngebagabeleng, ngenge Wapongte kwele-madic baibong, yogo moc wickedaingkale ailu, edocngebagabeleng.

Efesas 2:20

Ngenge nongeholec Wapongte mac bacngebaicne. Kristo Yesu yeuctihac posa-bosing sanangne aigac. Aime salecebaicne nga Wapongte siduc-mimi ngic yenge mac yogo bosing ingucne kwesingkelu Yesuholec domagaing.

Filipai 1:29

Ilec ngenge Kristole ailu wiyac yanguc ngelewec, ngenge Kristo ngagesingkeibong ingucnehac, yele ailu ngaba nga doicka locngubaibong, ingucnehac ngelewec.

Kolosi 1:24

Nani Wapongte yowa sasawa ngengela mibe yegengkenale bole aling yogo na nelewec. Neleme yowa yogolec mole-bafic ngic aiiba. Aime ngengibac Kristo yeicne habule noi-hewacine. Ngenge yele ailu doic ngageibong. Aime nani baficngebalu ngengele ailu neicne socnedi doic ngagelu Kristo ingucne gagabac. Inguc ngagelu beliyegabac.

1 Yoane 1:3

Nonge wiyac ngani-ngagec aiibeng, yogo ngenge nongeholec gaga walec ganangte mibeng yegengkegac. Aime gaga walec, yogo Mamac nga Madecine Yesu Kristo, yekeholec momochac walec gagabeleng.

1 Yoane 3:24

Monic ye ung-yowaine balaibecaigac, ye Wapongte kwelewa game Wapongti yele kwelewa gagac. Ailu Wapongti Asuine nolewec kwelenonggang gagac. Ilec ailu Wapongti kwelenonggang gagac, yogo ngage-motogabeleng.

1 Yoane 4:17

Inguc gaebengka kwele-angacka gagadi nongilang sawelu sugulegac. Suguleme mimocto-mimocto damengka nongileng ngageboc mikac sanangkelu domadabelengte. Aime nongileng himongtowa yagowa Yesu ingucnehac ailu gagabeleng.

Miyegengkeicne 21:14

Taon sugucnele oda yogo posa yogolec fungine 12. Aime fungine 12 iwa Lama madecinele salecebaicne 12 yengele wacngineng kwelengkeicne domagac.