Yoane 17:12 - Wapongte Mic-Yowa Gbolicne

¹² Na yengeholec gaiba, dameng iwa wacgone neleing, wac yogowa damongebalu gabe monicti mi sangkewec, sasawadi wasecne aiibong. Yengelacni moniyang sugudi, dac-sanangte madec ailu sowalewec. Wapongte hibiwa yowa kwelengkeicne fagac, yowa yogo sasawa noine ainale inguc fikewec.

Yoane 17:12 ပူးပေါင်းရင်းမြစ်များ

Yoane 13:18

“Na sasawa ngengele mi migabac. Bawosaecngebaiba, ngenge ngagecngebagabac. Ailu yowa Wapongte hibiwa kwelengkeicne fagac, yogo noine fikenale yowa yago kwelengkeicne, ‘Ngic naholec nosing nogac, ye biyac ngaba ainelenale aigac.’ (Mige 41:9)

Yoane 17:6

“Mamac, gageuc himongtowa yagowacni ngicfocgone bawosaecebaing. Yenge gale ngic gabong, gagi yenge nale molewa locebang wacgone bayegengkeyelebe yowagone balaibelu gaibong.

Yoane 18:9

Aime Yesudi yowa monic biyachac yanguc miwec, “Ga ngic nale molewa locebaing, yengelacni monic mi hegilebe sangkewec.” (Yoa 6:39) Yogo sasawa noine ainale inguc miwec.

Yoane 6:37

Mamacnedi ngic-ngigac nale molewa locebawec, yenge sasawadi nala kwesibong na mi yebicebadacte, yogo miyac.

Salecebaicne 1:25

Nganibeng yedi salecebaicne bole balu Yudasle ameine bole badaicte. Yudas ye bole yogo hegilelu yeicne yefe monicka hikewec.”

Filipai 2:9

Ilec ailu Wapongti ye bafelu wac feicnehac lacnolu gunungkewec, wac yogo wac sasawa ewaliyackegac.

2 Tesalonika 2:3

Monicti lokwesacka yowa haicine monic-monic ingucne edocngebame ngenge yele yowa mi ngagedaing. I yangucte, Sugucnele dameng yogo mi kwesidaicte iwa ngic-ngigac yenge Wapong lobe holecnolu ngaba aicnodaingte. Inguc aibong yefe-yowa wewe ngic monicti yegena fikelu yegengkedaicte. Inguc yegengkeme lobewa Sugucne kwesidaicte. Aime Wapongti lobewa ngic yogo dac-sanangka wickedaicte.

Hibru 2:13

Ailu hatacmac yanguc migac, “Na yele yowa balaibedacte.” (Yes 8:17) Ailu hatacmac migac, “Ngagegaing, Wapongti adu-madec nelewec, yenge naholec yagowa gagabeleng.” (Yes 8:18)

1 Yoane 2:19

Yenge nongilengkolec gaibong. Ailu sifu nongileng alingkacni miyacte hegilecnubaibong. Nongileng alingkacni aidabongka midec yenge nongilengkolec gadabong. Yenge sasawa nongileng alingkacni miyac, yogo yegena fikelu yegengkenale, inguc fikewec.

Miyegengkeicne 19:12

Ye dongeine yogo dac-ubilang ingucne, nga hodocina ngictaule duu bocyac holewec. Ailu socina wacine monic kwelengkeicne, yogo monicti nalic mi ngagedaicte, yeuc sugu ngagegac.