Yoane 13:18 - Wapongte Mic-Yowa Gbolicne

¹⁸ “Na sasawa ngengele mi migabac. Bawosaecngebaiba, ngenge ngagecngebagabac. Ailu yowa Wapongte hibiwa kwelengkeicne fagac, yogo noine fikenale yowa yago kwelengkeicne, ‘Ngic naholec nosing nogac, ye biyac ngaba ainelenale aigac.’ (Mige 41:9)

Yoane 13:18 ပူးပေါင်းရင်းမြစ်များ

Mataio 10:36

Monic ye macinabenang ngic-ngigac alingfocine gagaing, yengi hocne ngaba aicnodaingte.’ (Mika 7:6)

Mataio 26:21

yanguc edocebawec, “Foinac, ngengelacni monicti ngaba yengele molewa locnudaicte, yogo noine edocngebagabac.”

Mataio 26:23

Uwacnobong yedi yanguc miwec, “Ngic naholec pelewa bret kpomuluckelu ngiyegac, yedi hocne mudocnume bacnudaingte.

Mareko 14:17

Aime mac deboleme, Yesu ye mic-tengtengfocine 12 yengeholec hikeibong.

Mareko 14:18

Hike sulumelu nosing nongiyelu Yesudi yanguc miwec, “Foinac, ngengelacni monicti na ngaba yengele molewa locnudaicte, ye hocne naholec nosing nogac, yogo noine edocngebagabac.”

Mareko 14:20

Inguc mibong yedi yanguc miwec, “Yogo mic-tengtengfocne 12 ngengelacni monicti, ailu ye naholec pelewa bret kpomuluckelu ngiyegac.

Luka 22:21

“Nga Ngicte Madec ye Wapongti yefe micnowecka hikedaicte hocne. Ngagegaing, ngic mudockeme badaingte, ye nosing tebowa momoc ngiyegabeleng. Mee, ngic yogo yebac medeckedaic.”

Yoane 13:21

Yesu ye yowa yogo mime, kweleine umaleme yowa yanguc milu edocebawec, “Foinac, ngengelacni monicti na ngaba yengele molewa locnudaicte, yogo noinebenang edocngebagabac.”

Yoane 13:22

Inguc mime mic-tengtengfocine yenge yengungtihac dongedi nganinagulu miibong, “Yogo male migac?” Inguc milu ngagebong kpungkewec.

Yoane 13:26

Inguc mime Yesudi yanguc miwec, “Na bret nebocine yago hulungka kpomuluckelu ngic monic lacnodacte, ngic yogo hocne.” Inguc milu bret balu hulungka kpomuluckelu Yudas Iskariot, Saimon madecine lacnowec.

Yoane 15:16

Ngengi na mi bawosaecnuibong, miyac. Ngenge noine bafuwaningte ailu nani bawosaecngebalu bolewa locngebaiba. Noine bafuwabong yogodi fafa-sanang faginowagac. Ilec ailu ngenge wiyac monicte nale wacka Mamac milockebong, yedi wiyac yogo ngeledaicte.

Yoane 15:19

Ngenge himongtowa yagolec ngic-ngigac gadabongka, yenge yengileng aiyelecaigac, silicine ingucnehac ngengele angac ngagedabongka. Nga ngengebac himongtowa yagowacni miyac, nani ngenge biyachac bawosaecngebalu himongtowa yagolec ngic-ngigac yengelacni baicngebaiba. Ilec ailu yengi ngenge kweledi wicngebadaingte.

Yoane 15:25

Aime yowa yanguc fagac, ‘Yenge fungine mikacka kwelenginengti mocbenang wicnuibong.’ (Mige 35:19; 69:4) Yogo yefe-yowanginang kwelengkeicne fagac. Aime yogo sasawa noine fikenale inguc aiibong.

Yoane 17:12

Na yengeholec gaiba, dameng iwa wacgone neleing, wac yogowa damongebalu gabe monicti mi sangkewec, sasawadi wasecne aiibong. Yengelacni moniyang sugudi, dac-sanangte madec ailu sowalewec. Wapongte hibiwa yowa kwelengkeicne fagac, yowa yogo sasawa noine ainale inguc fikewec.

Yoane 18:32

Yesu ye esecne yeicne yefe wenuc ailu homanale miwec, yogo sasawa noine ainale aibaba yogo fikewec.

Yoane 19:24

yenge yogo nganilu mingagec ailu yanguc miibong, “Nongileng yago mi basulackenang. Ngakpi yago madi badaicte, yogolec loling monic ainang.” Wapongte hibiwa yowa yanguc kwelengkeicne fagac, “Yenge ngakpi-kpoluc botoc balu ngakpi dalene banogale loling monic aiibong.” (Mige 22:18) Yogo sasawa noine fikenale hudu-baba ngic yenge inguc aiibong.

Yoane 19:36

“Yenge luweine monic mi wedudaingte.” (Wah 12:46; Him 9:12; Mige 34:20) Yowa yogodi Wapongte hibiwa yowa kwelengkeicne fagac, yogo sasawa noine ainale inguc fikewec.

Yoane 21:17

Milu Yesudi hatacmac uwacnome alecine habackang aiwec, “Saimon, Yoane madecine, ga kwelegonedi nale angac ngagegic, me?” Yesudi uwacnome alecine habackang aime, Pita ye ngageme umalemebac Yesu yanguc edowec, “Sugucne, ga wiyac sasawa ngageyackegic. Na kwelenedi gale angac ngagegabac, yogo biyac ngagegic.” Inguc mime Yesudi yanguc edowec, “Ga lamafocne bacebalu nosing gumecebadamec.

Yoane 6:70

Inguc mime Yesudi yanguc miwec, “Na mic-tengtengfocne 12 bawosaecngebaiba. Aime ngengelacni monictibac aleng aigac.”

Salecebaicne 1:16

“Ngic hae-gbafocne, ngenge ngagening. Yudasdi ngic mengocebame hikecgu Yesu baibong. Ngic yele hocne Tili Asudi biyachac Dawidile micka yowa lome Wapongte hibiwa kwelengkewec, yogo noine fikewec, yogolec inguc aiwec.

Salecebaicne 1:2

Ye boleine bagacgu damengngine bangkale welewec. Dameng yogowa salecebaicne esecne bawosaecebawec, yenge Tili Asule tapiliwa bole-yowa edocebalu honocmengka fewec, yogolec siduc esecne hocne kwelengkegeleiba.

2 Korin 4:5

Aime yowa yanguc edocebalu weduyelecaigabeleng, Yesu Kristo ye Sugucne. Nonge nongileng siduc mi micaigabeleng, miyac. Yesule ailu ngengele kwelec kwekwe ailu gagabeleng.

Hibru 4:13

Aime Wapongti wiyac sasawa mime fikeyackewec, yogolec wiyac monicti yele haicka sangke-sangke mi fagac. Wiyac sasawa yogo yegena fikelu yele donge feina fayackegac. Ailu yela hocne gaganonggengte siduc babeng yogo wosaeyackedaicte.

Miyegengkeicne 2:23

Aime na yele adu-madecfocine hucti wecebabe homadaingte. Inguc aibe Yesule habu sasawadi yanguc ngage-motodaingte, na ngage-ngagewa nga kwelewa ngani-wosaec ngic. Na ngenge filesoc filesoc aibabanginengte silicka ameine badungeledacte.