Mataio 3:1 - Wapongte Mic-Yowa Gbolicne

¹ Dameng iwa Yoane misa-lowacti Yudeya himong kisiwa misaine mikacka hikelu ngic-ngigac Wapongte yowa edocebalu weduyelelu

Mataio 3:1 ပူးပေါင်းရင်းမြစ်များ

Mataio 11:11

Foinac, ngic-ngigackacni fike-ofeibong, yengelacni monicti Yoane misa-lowac nalic mi ewalidaicte, miyac, yogo noine edocngebagabac. Nga monicti honocmengte ngani-damongte kwelina waweweine gagac, yedibac Yoanele feicne aigac.

Mataio 11:7

Aime Yoanele mic-tengtengfocine yenge hikeebongka Yesudi Yoanele fungine milu habu sugucne yanguc edocebawec, “Ngenge himong kisiwa misaine mikacka oma wiyac nganinogale hikeibong? Ngic monic komba ingucne gbelongti weme lec-welec aiwec, ngenge yogo nganinogale hikeibong, me? Yogo miyac.

Mataio 16:14

Inguc mime yengi miibong, “Gocne yengi Yoane misa-lowac micaigaing. Nga gocne yengi Wapongte siduc-mimi ngic wacine Elaiya micaigaing. Nga gocne yengibac Yeremiya me Wapongte siduc-mimi ngic monic esecne wackelu micaigaing.”

Mataio 21:32

Yoane ye yefe dondonne balaibelu ngengela kwesime ngengi ye mi ngagesingkeibong. Aime takes-baba ngic nga yefe-ngigac yengi ye ngagesingkeibong. Ngengebac yogo nganiibong. Ailu sifu kwelengineng mi hefaliyeibong, ailu mi ngagesingkeibong.”

Mataio 3:8

Ilec ngenge kwele-hefaliyecte silicka pasi noine bafuwadabiyeng.

Mareko 1:15

yanguc miwec, “Dameng biyac welegac. Wapongte ngani-damongti bangkalecngebagacte, ngenge kwelengineng hefaliyeme Siduc Madicne ngagesingkening.”

Mareko 1:2

Yogolec siduc Wapongte siduc-mimi ngic Yesaiyadi yanguc kwelengkewec fagac, “Ngagegic, na mic-yowa mimine salebe yedi molickegelelu yefegone bame madickegeledaicte.” (Mal 3:1)

Luka 1:76

Aime nale gboli, gagi molickelu Sugucnele yefe bamadickelu yefe hole-wenengkecte yanguc wacgudaingte, ga Wapong Feicnetowanonggeng yele siduc-mimi ngic.

Luka 7:24

Aime Yoanele mic-tengtengkecine yeke hikeebocka, Yesudi Yoanele fungine milu habu sugucne yanguc edocebawec, “Ngenge himong kisiwa misaine mikacka oma wiyac nganinogale hikeibong? Ngic monic komba ingucne gbelongti weme lec-welec aiwec, ngenge yogo nganinogale hikeibong, me? Yogo miyac.