Mareko 4:11 - Wapongte Mic-Yowa Gbolicne

¹¹ Uwacnobong yedi yanguc edocebawec, “Wapongte ngani-damongte ngage-ngage sangkeicne, yogo ngengi ngageningte biyac ngeleicne. Aime ngic-ngigac Wapongte ngani-damongte lobina gagaing, yengebac nangeng yowa sugu ngagegaing.

Mareko 4:11 ပူးပေါင်းရင်းမြစ်များ

Mataio 11:25

Dameng iwa Yesudi yanguc miwec, “Mamac, ga honocmeng nga himong fileine. Ngic-ngigac aling ngage-ngage-motocnginengkolec gacaigaing, gagi yenge wiyacgone sasawa yago mi nganiningte balu sangkeing. Ailu adu-madec-gogoc kpisicne ingucne, yenge sugu wiyac yogo baengka yegengkeyelewec. Ilec mitenggugabac.

Mataio 13:16

Aime dongedi ngani-motolu hedecti ngage-motocaigaing, ngenge kwele-angackolec.

Mataio 16:17

Inguc mime Yesudi yanguc edowec, “Saimon, Yonale madec, yowa yogo ngic mimiwacni mi migic. Ilec ga kwele-angackolec gadamec. Mamacne honocmengka gagac, yedi hocne yogo bayegengkelu edocguwecte migic.

Mareko 3:23

Inguc mibong Yesudi wacebalu nangeng yowa monic yanguc milu edocebawec, “Satang yeuctihac wenuc yebicnagudaicte?

Mareko 4:10

Aime ngic-ngigac habutowa yenge hikebong, mic-tengtengfocine 12 nga ngic-ngigac gocne yeholec gacaigaing, yengi nangeng yowa yogolec funginele Yesu uwacnoibong.

Mareko 4:2

Ailu ye nangeng yowawa siduc bocyac weduyelelu yanguc miwec,

Luka 8:10

yanguc edocebawec, “Wapongte ngani-damongte ngage-ngage sangkeicne, yogo ngengi sugu ngageningte biyac ngeleicne. ‘Aimebac ngic-ngigac gocne yenge dongenginengti wiyac monic nganilu nalic mi ngani-motogaing. Nga hedecnginengti yowa monic ngagelu, sifu nalic mi ngage-motogaing.’ (Yes 6:9) Ilec ailu nangeng yowa edocebacaigabac.

1 Korin 4:7

Ga monicte feicne aigic, me? Yogo miyac. Ailu ga wiyac sasawa balu gagic, iwacni monic mi geleicne balu gagic, me? Aime Wapongti wiyac yogo moc gelewec. Ilec ailu socgone mi bafedamec.

2 Korin 4:6

Wapongti yanguc miwec, “Kundungkacni angoc fikena.” (Fike 1:3) Wapong ye hocne kwelenonggeng bame angolelu gagac. Ailu Kristo ye Wapongte wac feicne angocineholec yogo ngage-motonoga. Ngage-ngage-motoc yogodi yele haic-mesuwacni kwesilu kwelenonggeng bame angolegac.

Efesas 1:9

Wapongte kwelewa ngage-ngage angacine sangke-sangke fagac, yogo Kristole ailu mipangkelu yanguc mime yegengkenolewec,

Kolosi 4:5

Ngenge ngic-ngigac lobina gagaing, yengele hewacka ngage-ngage-motockolec galu, Sugucnele yefe edalicebaningte ngenge damengngineng nalic wickedaing.

1 Tesalonika 4:12

Bole inguc babong ngic-ngigac lobeina gagaing, yengele haicka aibabangineng dondonnedi yengele kwelewa kwefangkeme alang bangeledaingte. Aime molenginengti bole inguc babong ngenge wiyac monicte nalic mi kpungkedaingte.

1 Timoti 3:7

Ailu ngic-ngigac yengele haicka gameedaickale, nga Aleng Sugucnenginengte subadi wedaickale ailu, ngic-ngigac lobeina gagaing, yenge inguchac ye alang bacnobong madickedaicte.

1 Yoane 5:20

Aime nongileng yowa noinele Fileine ngagenangte, Madecinedi walu ngage-ngage-motoc nolewec, yogo ngagegabeleng. Aime Wapong yowa noinele fileine, yele kwele kwelina nga Madecine Yesu Kristo, yele kwele kwelina momochac gagabeleng. Yesudi hocne Wapong noine ailu gaga-sanang.