Mareko 3:6 - Wapongte Mic-Yowa Gbolicne

⁶ Madickeme Farisaio yenge dameng iwahac Herodele alingfocine yengela hikelu yefe monic bafuwalu ye balu wehomanogale yowa milu hefeibong.

Mareko 3:6 ပူးပေါင်းရင်းမြစ်များ

Mataio 12:14

Aime Farisaio yenge wahikelu yengilangkac kpaducke ngiyelu Yesu wehomanogale yowa milu hefeibong.

Mataio 22:16

Inguc ailu mic-tengtengfocngineng nga Herodele aling yenge Yesula salecebabong hikelu yanguc miibong, “Wewedu, ga yowa noine milu gagic, yogo ngagegabeleng. Ailu Wapongte yefe noina ngic-ngigac edocebalu weduyelelu gagic. Ailu ngic feicne me waicne yengele mi ngagesicaigic. Ga ngic-ngigac aling wiyac sockahac aiyelecaigic.

Mareko 12:13

Ngic micne yengi Yesu kwesackebong yowa lilome balu yowawa lonogale ngagelu yanguc aiibong. Yenge Farisaio nga Herodele alingkacni ngic gocne salecebabong yela hikeibong.

Mareko 8:15

Aime Yesudi sawang-yowa milu yanguc edocebawec, “Ngenge Herode nga Farisaio yengele yisle ngani-motolu gadabiyeng.”

Luka 22:2

Aime depec-baba ngic micne nga Wapongte yefe-yowale wewedu ngic, yenge Yesu homacka lonogale yefe monic bafuwanogale ngagesilu ngic-ngigac yengele hangocebame aibibiyeibong.

Luka 6:11

Madickeme yenge aalic sugucnebenang ngagelu yengungtihac Yesu wenuc aicnoningte mingagec aiibong.

Yoane 11:53

Inguc mime hadeng yogowahac Yesu webong homanale molickelu yowa hefeibong.

Salecebaicne 4:25

Gagi biyachac Tili Asu edoengka yedi ngambononggeng ailu bole-madecgone Dawidi, yele micka lome yedi yowa yanguc miwec. ‘Foinac, himongne himongne ngic-ngigac sasawa aalicebawec. Ailu ngicne ngicne yenge aibaba sowacne ainogale yowa mingagec ailu ngage-ngage bole balu aibibiyelu lonaguibong.