Luka 9:2 - Wapongte Mic-Yowa Gbolicne

² Yelelu Wapongte ngani-damongte yowa edocebaningte, nga huckolec bamadicebaningte

Luka 9:2 ပူးပေါင်းရင်းမြစ်များ

Mataio 10:5

Yesudi mic-tengtengfocine 12 yogo hocne salecebalu yowa yanguc milu sanangne edocebawec, “Ngenge hikelu Israel yengele alingkacni miyac, yengele himongka ailu Samaria ngic-ngigac yengele taonka mi hikedaing, miyac.

Mataio 13:19

Wasec yefewa holeibong, yogo monicti ngani-damongte yowa hedecinedi ngagelu mi ngage-motodaicte. Ailu Kindololo fileinedi kwesilu yowa yogo wasec ingucne kweleina duweicne, yogo biyac baickeyelecaigac. Yogo wit wasecne yefewa holeibong, silic ingucne aigac.

Mataio 24:14

Aime ngic-ngigac yenge ngani-damongte Siduc Madicne yogo himong sasawa iwa hikelu edocebalu weduyelebong, yowa yogodi saweme ngic-ngigac yenge yogo ngageyackebong, dameng motodaicte.

Mataio 3:2

miwec, “Honocmengte ngani-damongti biyac bangkalegacte ngenge kwelengineng hefaliyena.”

Mareko 16:15

Edocebalu yowa yanguc miwec, “Ngenge himongsoc hikelu ngic-ngigac sasawa yenge Siduc Madicne edocebalu weduyeledaing.

Mareko 6:12

Yesu ye inguc milu salecebame hikelu ngic-ngigac kwelengineng hefaliyeningte Wapongte yowa edocebalu weduyeleibong.

Luka 10:1

Yogo motome Sugucne ye ngic 72 bawosaecebalu yaeckang yaeckang heucebame, yengileng taon nga mac-kpisicna hikenogale ngagesiwec. Taon iwa yenge molic-molic salecebalu yanguc edocebame hikeibong,

Luka 10:11

‘Ngengele macnginengte lubedi higenonggeng bakatackeme, nonge yogo inguchac webeng wagac. Inguc aime yogodi sowacnengineng edalicngebadaicte. Ailu ngenge sifu yanguc ngagedaing! Wapongte ngani-damongti yawa biyac bangkalegac.’

Luka 10:9

Nga taon iwa hucnginengkolec yenge bamadicebalu ngic-ngigac yanguc edocebadaing, ‘Wapongte ngani-damongti ngengela biyac bangkalegac.’

Luka 16:16

“Wapongte yefe-yowa Mosesdi kwelengkewec, ailu Wapongte siduc-mimi ngic yengele yowadi mibong yegengkeme ofecgu Yoane fikewec, dameng iwa motogac. Aime iwacni ofecgu ngic-ngigac yenge Wapongte ngani-damong mibong yegengkegac. Mibong yegengkeme ngic-ngigac yenge sanangkelu iwa fegaing.

Luka 9:11

Hikebong habutowa yenge yogo ngagelu ye balaibeibong. Balaibebong, yedi mac holeyelelu Wapongte ngani-damongte mime yegengkeme huckolec yenge bamadicebawec.