Luka 2:36 - Wapongte Mic-Yowa Gbolicne

³⁶ Aime Wapongte siduc-mimi ngigac monic gawec, wacine Anna, ye inguchac Ibu-macka gawec. Ye Fanuel aduine. Ailu ye Asele fikesaweckacni. Ye ngic balu yeholec hifa 7 gacgume ngaweine homawec.

Luka 2:36 ပူးပေါင်းရင်းမြစ်များ

Luka 2:35

Inguc aime ngic-ngigac bocyac yengele ngage-ngage sangkelu fawec, yogo yegena fikedaicte. Aime Maria, ga doicti kwelegona hudule fitec ingucnedi helockedaingte.”

Luka 2:38

Gacgu dameng yogowahac Annadi Maria ngama yengele emewa wele domalu Wapong mitengkewec. Yerusalem ngic-ngigac yenge fuli bacebanale wangec gaibong, gboli yogolec siduc yenge milu edocebame yegengkewec.

Salecebaicne 2:18

Ailu dameng iwahac na kwelec kwekwefocne, ngic nga ngigac, yengela Asune sotiyebe wame yenge siduc-yowa midaingte.

Salecebaicne 21:9

Ye adufocine 4, yenge ngigac-neleweng gaibong, yenge Wapongte siduc-yowa milu gaibong.

1 Korin 11:5

Aime ngigac monicti hodocine mi someckelu milockedaictewa, me Wapongte siduc-yowa midaictewa, ye yeicne hodocine gamewa lodaicte. Yogo ngigac monicti hodocine fodeme kpandec aigac ingucne.

1 Korin 12:1

Ngic hae-gbafocne, Asule bole fagac, ngenge yogolec wiyac ngageningte ngagegabac.

1 Timoti 3:2

Ilec ailu Yesule habu yengele damong ye kpokpolic mikac gadaic. I yangucte, ye ngigacine moniyang sugu gadaic. Ailu ye damongnagulu gagaine madicne damongkedaic. Ye alang bacnobong galu ngic-ngigac macina hefolecebadaic. Ailu wewedu bole yogolec silicine ngagedaic.

1 Timoti 5:9

Aime ngigac-hosec monic ye hifaine 60 inguc biyachac ewaliwec, ailu ngic moniyangte ngigac sugu gawec. Ailu aibabaine madicne fawec nga fagac, yogo ngic-ngigac sasawadi biyachac ngani-ngagec aicnolu gaibong. I yanguc, ye adu-madecfocine madicne ngani-damong aiyelelu gawec. Nga ngic-ngigac hefolecebalu gawec. Ailu Wapongte bingec higengineng suweyelelu gawec. Ailu ye ngic-ngigac umacka gaibong yenge basanangebalu gawec. Ailu ngic-ngigac baficebanale dameng monic mi wickelu gawec. Ngigac-hosec ingucne yele wac sugu ngigac-hosec yengele babaficte wac-alingka kwelengkenoga.

Miyegengkeicne 7:6

Asele fikesaweckacni 12 taosen, Nafatalile fikesaweckacni 12 taosen, Manasele fikesaweckacni 12 taosen.