Luka 2:10 - Wapongte Mic-Yowa Gbolicne

^10-11 Aime yedi yanguc edocebawec, “Ngenge hangoc mi aining! Ngagegaing, yakumacbenang ngengele ailu Dawidile taon kpisicna Mesia Sugucne fikegac, ye bikicte ameinele Asa-baba ngic. Ngic-ngigac sasawadi yele ailu beliye-benangkedaingte, na Siduc Madicne yogo mibe yegengkengelegac.

Luka 2:10 ပူးပေါင်းရင်းမြစ်များ

Mataio 14:27

Aukwebong Yesudi ngagelu iwahac yanguc edocebawec, “Nani welegabac. Ngenge ngageboc mikac sanangne domadaing. Ngenge mi hangocngebana.”

Mataio 28:18

Aime Yesudi haicnginang welelu yanguc edocebawec, “Ngagegaing, himong nga honocmengte bole-yowa tapiliineholec sasawa na biyachac neleyackewec.

Mataio 28:5

Aime ngigac yeke hikeboc angelodi yanguc edocepawec, “Ngeke mi hangocngepana, ngeke Yesu malicpongka weibong, ye nganinogale kwesigabiyec, yogo na ngagegabac.

Mareko 1:15

yanguc miwec, “Dameng biyac welegac. Wapongte ngani-damongti bangkalecngebagacte, ngenge kwelengineng hefaliyeme Siduc Madicne ngagesingkening.”

Mareko 16:15

Edocebalu yowa yanguc miwec, “Ngenge himongsoc hikelu ngic-ngigac sasawa yenge Siduc Madicne edocebalu weduyeledaing.

Luka 1:13

Inguc aime angelodi yanguc edowec, “Sekariya, ga mi hangocguna! Wapongti mimilocgone biyac ngagegeleyec. Ilec ailu ngigacgone Elisabet ye madec monic gobeelu bageledaicte. Aime gboligone ye wacine Yoane wackedamec!

Luka 1:19

Mime angelodi yanguc miwec, “Na Gabrieldi, Wapongte haicka domacaigabac. Ailu ye yeuctihac ga yowa edocgubele salecnume welelu Siduc Madicne yago milu edocgube yegengkegac.

Luka 1:30

Ngage-ngage bole badomame, angelodi yanguc edowec, “Maria, Wapongti gale ngageme madickecaigacte mi hangocguna.

Luka 24:47

Aime yenge yele wacka kwelengineng hefaliyebong, bikic hegileyelenale yefe yogo Yerusalem mackacni fungkelu ngic-ngigac himongne himongne sasawa yowa edocebalu weduyelebong hikedaicte.

Luka 8:1

Inguc aime Yesu ye taon nga mac-alingka lolicke hikelu, Wapongte ngani-damongte Siduc Madicne mime yegengkeyeleme gawec. Aime mic-tengtengfocine 12,

Salecebaicne 13:32

“Aime Wapongti ngambofocnonggeng molickelu wiyac yelenale mipangkeyelewec, yogo yakumac mimipang yogo adu-madecfocngineng nongilang noine fikewec. I yangucte, Yesu bagboliyewec, yogolec mimipangte Siduc Madicne edocngebagabeleng. Yogolec hocne Miti Gee fengngine yaeckang iwa yowa yanguc kwelengkeicne fagac, ‘Na yakumac mibe yegengkeme edocgugabac, ga nale Madec, nga na gale Mamac.’ (Mige 2:7)

Efesas 3:8

Wapongti kwele-madic aineleme Kristole wiyac madicnebenang fafa-sanang fagac, yogolec siducine Israel yengele alingkacni miyac, yengela mibe yegengkenale bole yogo naneicne milu nelewec. Na ngic-ngigac Wapongte bingec sasawa yengelacni waweweinemac, aime yedi sifu inguc ainelewec.

Kolosi 1:23

Ngic yenge esecne Siduc Madicne yogo edocebalu weduyelebong, ngenge nga wiyac sasawa Wapongti mime fikeibong, yenge yowa yogo sasawadi ngageibong. Aime ngenge Siduc Madicnele noine iwa ede-sanangke domalu ngagesingkelu wangec galu mi hegilegaingka, ngenge yele haicka domagaing. Aime Pol nani Siduc Madicne yogolec mole-bafic ganogale Wapongti bafuwacnuwec.