Hibru 5:5 - Wapongte Mic-Yowa Gbolicne

⁵ Aime Kristo ye inguchac yeuctihac depec-baba ngic yengele damong sugucne ainogale ailu wactowaine mi bafewec, miyac. Wapongti yele yanguc miwec, “Na yakumac mibe yegengkeme edocgugabac, ga nale Madec, nga na gale Mamac.” (Mige 2:7)

Hibru 5:5 ပူးပေါင်းရင်းမြစ်များ

Yoane 3:16

I yangucte, Wapongti himongtowale ngic-ngigac yengele kwele-angac sugucnehac ngagewecte ailu, Madecine moniyang sugu lome himongka wawec. Ilec monicti ye ngagesingkegac, ye mi homadaicte, ye gaga-sanang bagac.

Yoane 7:18

Monic ye yeicne yowa micaigac, ye yeicne wac feicne bafenogale ngagesilu yogo midaicte. Nga monic ye ngic salewec, yele wac feicne bafenogale bole bacaigac, ye ngic noine, yela pasi dondonne fagac. Yela sowacne monic mi fagac.

Yoane 8:54

Inguc mibong Yesudi yanguc edocebawec, “Naneuctihac wacne bafedacte, yogodi wiyac omane aidaicte. Aime Mamacne ngengele Wapongngineng gagac, ngengi yele inguc micaigaing, yedibac wacne bafegac.

Roma 8:3

Kwele esecne ye yefe-yowale tapili bawanogale aime yefe-yowa ye wiyac ainogale kpungkewec. Kpungkeme Wapongti bikicte bole yogo yanguc bawec, ye Madecbenangngine saleme nongileng bikicte soc yogolec silic ingucne ailu himongka wawec. Aime Wapongti yele socka bikicnonggeng mimoctolu baickeme miyac aiwec.

Hibru 1:1

Esecnebenang Wapongti yowaine siduc-mimi ngicfocine yengele micka lowec. Yogo dameng bocyac yefe haicine monic-monicka weduyelewec. Yowa yogo yengi ngambofocnonggeng yenge edocebalu gaibong.

Hibru 1:5

Aime Wapongti angelo monic yanguc mi edocebawec, “Na yakumac mibe yegengkeme edocgugabac, ga nale Madec nga na gale Mamac.” (Mige 2:7) Ailu ye angelo monicte ngagelu yanguc mi miwec, “Na yele Mamac, aime yedi nale Madec aidaicte.” (2Sm 7:14; 1Ngt 17:13)

Hibru 2:17

Ye bikicte amenonggeng banogale ailu wiyac sasawa ngageme gbafocine nongileng silicbenang ailu monic mi lilowec. Ye inguc ailu ngic-ngigac nongileng kwele-sowac aiwec. Ailu bole-yowa balaibelu Wapongte haicka ngic-ngigac nongileng depec-baba ngic yengele damong sugucne aiwec domagac.

Hibru 3:1

Ngic-ngigac Wapongte bingec, ngenge ngic hae-gbafocne, ngenge honocmengte wawacti ngengela inguchac kwesiwec. Ilec ngenge ngage-ngagengineng Yesula lodabiyeng. Yedi hocne salecebaicne nga depec-baba ngic yengele damong sugucne aigac. Aime nongileng yele wac mibeng yegengkeme gagabeleng.

Hibru 5:10

Inguc aime Wapongti yele yanguc miwec, “Gagi Melikisidek yele silic ingucne depec-baba ngic yengele damong sugucne gaginowagic.”