Hibru 11:3 - Wapongte Mic-Yowa Gbolicne

³ Wiyac dongedi nganicaigabeleng, yogo wiyac dongedi mi ngani-nganiinacni fikeibong. Wapong ye yowa mime himong nga sawa yago fagaic, yogo fikeiboc, yogo ngagesingkeibengte ngage-motogabeleng.

Hibru 11:3 ပူးပေါင်းရင်းမြစ်များ

Yoane 1:3

Aime Wapongti mime Yowadi wiyac sasawa kwefickeyackewec. Wiyac sasawa fikelu fayackegac, yogo yengungtihac monic mi fikeibong.

Salecebaicne 14:15

“Ngic-ngigac yago, ngenge oma wiyac ainogale aigaing? Noke ngicbenang ngenge ingucnehac. Ngenge siduc-gbongngineng babaficine mikac gagaing, yenge lobe holeyelening. Noke Wapong gagaineholecte Siduc Madicne mibec yegengkengelegac. Yedi sawa nga himong ailu kiwec nga wiyac sasawa haicine monic-monic fayackegac, yogo bafuwawec.

Salecebaicne 17:24

“Wapong ye hocne himongtowa himong nga wiyac sasawa fayackegac, yogo bayackelu feina loyackewec, yedi himong nga honocmeng yogolec fileine gagac. Ye ibu-mac ngicti moledi baicne, iwa mi gacaigac.

Roma 4:17

Aime Abrahamte ngagesilu yanguc kwelengkeicne fagac, “Na locgube ga himong homacne ngic-ngigac yengele mamacngineng aidamecte.” (Fike 17:5) Aime Wapongti ngic homaicne bagboliyecebacaigac. Aime wiyac monic mi fagac, ye wiyac yogo wacine milu wackeme fikecaigac. Ilec ailu Wapongte haicka nga ngage-ngagesingte yefewa, Abraham ye nongileng mamacnonggeng.

1 Korin 2:7

Aime Wapong ye himong mi fikeemewa ngage-ngage-motocine sangke-sangke yogo biyachac lome fawec. Fame ngage-ngage-motoc yogo nongele wac feicne bawosaewec, yogo hocne mibeng yegengkegac.

1 Timoti 4:5

Yogo Wapongte yowa nga mimilocti bame gbagbacne aidaicte.

Hibru 1:2

Aime yanguctihac dameng moto-motoina gagabelengka, ye yowaine Madecinele micka lome yedi yowa edocnubawec. Himongka nga sawawa ailu honocmengka wiyac sasawa fagac, yogo Wapong Madecinele molewa lome yeholec bafuwaiboc. Aime mole-damocinele wiyac sasawa yogo Madecinedi banale micnowec.

Hibru 6:5

Ailu yenge Wapongte yowa esoickebong angacine aiyemewa lobewa Wapongte tapili fikedaicte, dameng yogo inguchac nganiibong.

2 Pita 3:5

Yenge inguc milu siduc yanguc fagac, yogo hegilegaing. Wapongti esecnebenang yowa mime sawa fikewec, aime himong misawacni fikelu ofe yegengkelu misaholec fawec.

Miyegengkeicne 4:11

“Ga Sugucne ailu Wapongnonggeng. Gagi wiyac sasawa miyengka fikeyackelu gaganginengkolec fagaing. Gageuc ngagelu inguc bafuwayackeingte, ga andoine. Ilec ailu wac feicne nga alang-baba ailu tapili sasawa badamecte.”